Жамбаштан ашыра чимирилте чапты. Кыргыз балбаны жасаган кооз ыкманын видеосу

1554
(жаңыланган 15:07 13.09.2021)
Россиянын Новосибирск шаарында эл аралык "Мемориал Нестеренко" юбилейлик мелдеши жыйынтыкталды. Ага Кыргызстан, Россия, Беларусь, Казакстан, Сербия жана Эстония мамлекеттеринин, ошондой эле РФтин 29 субъектисинин балбандары катышып, күч сынашты.

Кыргызстандык грек-рим күрөшүнүн балбаны Акылбек Талантбеков аталган эл аралык турнирде өзгөчөлөнө алды. Беш упай деп бааланган ыкманын видеосун жергиликтүү спорттук пабликтер Youtube-каналга чыгарышты.

77 килограмм салмакта ат салышкан кыргызстандык балбан мелдештин 8/1 финалында россиялык Вадим Чернышев менен кез келип, аны таза техникалык артыкчылык менен утканын Sputnik Кыргызстан агенттигине өзү тастыктады. Талантбеков биринчи эле бөлүктө 5:0 эсебинде утуп жатып, жерде жаткан атаандашын так көтөрүп, жамбаштан ашыра чимирилте чапкан. Бул ыкмага калыстар тарабынан беш упай берилип, таймаш мөөнөтүнөн мурда токтотулган.

Белгилей кетсек, 11-12-сентябрда Россиянын Новосибирск шаарында эл аралык "Мемориал Нестеренко" юбилейлик мелдеши өттү. Ага Кыргызстан, Россия, Беларусь, Казакстан, Сербия жана Эстония мамлекеттеринин, ошондой эле РФтин 29 субъектисинин балбандары катышып, күч сынашты.

Кыргызстандык балбандар Бексултан Махмудов (97 килограмм) менен Калы Сулайманов (63 килограмм) өз салмактарында мелдештин коло байгесин утушту.

1554
Белгилер:
ыкма, грек-рим күрөшү, мелдеш, Россия
Тема боюнча
Тай казандан секирген БТР! Нурдиндин улакты кан дүргүтө салган видеосу

Пил аялды тепселеп коё жаздап... Чочутуп, андан соң жылмайткан видео

194
(жаңыланган 16:02 27.09.2021)
Түштүк Африкага келген туристтер аз жерден өмүрүнөн ажырап кала жаздаган видео интернет айдыңына тарады. Окуя Крюгер атындагы жаратылыш паркына туристтер чогулуп, кире турган учурда болгон.

Эс алуу аз жерден трагедия менен аяктап кала жаздаганы кадрга түшүп калган.

Видеодон автоунаалар катар тизилип токтоп, ал эми жолдон артка кетенчиктеп бара жаткан пилди четте турган туристтин телефонго тартып жатканын көрүүгө болот. Сырттан караган кишиге ал жаныбардын аракети суроо жаратып, бирок ошол учурда бадалдардын арасынан бир үйүр пилдин чыгып келе жатканы буга жооп болгон.

Бир нече ирмемде болуп кеткен коркунучтуу окуяга күбө болгон коопсуздук кызматынын менеджери Андре Шваб андан ары эмне болгонун түшүндүргөн.

Видеодон балдары менен өтүп бара жаткан үйүрдүн башындагы пил алардын жолунда, бирок бир топ алыс жүргөн эки аялды көздөй чуркаган. Муну көрүп коркуп кеткен берки туристтер кыйкырып, чаңырып, машиналардын сигналын жапырт иштетип, айтор, эне пилди алагды кылганга аракет кылышкан. Ири жаныбардын келе жатканын көргөн эки аял эки жакты көздөй качкан. Пил бирөөнүн артынан түшүп алып, жакындап калганда жолунан кайрылып кеткен. Көз ирмемде өмүрүнөн ажырап кала жаздаган аял токтобой чуркап, трассага чейин келген. Кадрдан кооптуулук өтүп кеткенден кийин туристтер кыраан-каткы болуп күлүп жатканын, ал эми пилдер жолун андан ары улаганын көрүүгө болот.

Андре Шваб бул окуя боюнча комментарий берген. Бул ирмем эки аялдын аман калып, бактылуу күнү экендигин айтып, дегеле жалпы туристтерге парктын ичинде сак болуп, абайлап жүрүүгө кеңеш берген. Кызматкер бул аймакта байырлаган жаныбарлардын баары бир жапайы экендигин эскерткени айтылды.

194
Белгилер:
Түштүк Африка Республикасы, Крюгер паркы, пил, турист, кооптуулук, жаныбарлар
Тема боюнча
Кескелдирикти, жыланды да "сулуулайт". Өзгөчө кесиптин ээси менен видеомаек
Ээсине эркелеп жатып көз ирмемде "азезилге" айланган ит. Кызыктуу видео

Шевченконун көз ирмемдеги муштуму жана UFC 266дагы кызыктуу учурлар. Видео

390
(жаңыланган 14:44 27.09.2021)
UFC Russia уюмунун YouTube каналы Лас-Вегаста болгон UFC 266 турниринин кызыктуу учурларын кесип, чогултуп, видеосун жарыялады.

Бул беттештердин эң эсте каларлыгы жана кызыктуусу жеңил салмактагы спортчу, кыргызстандык Валентина Шевченко менен америкалык Лорен Мерфиники болду. Шевченко октагондо башынан аягына чейин лидерликти дээрлик берген эмес. 4-раундда катуу чабуулга өтүп, Мерфини жерге жыгып катар-катар ургулагандан кийин калыс беттешти токтоткон.

Кыргызстандык мушкер кыздын беттешиндеги кызыктуу учурларды редакция чогулткан видеотоптомдон көрүүгө болот.

390
Белгилер:
Лас-Вегас, Валентина Шевченко, UFC, сокку, октагон, видео
Тема боюнча
Силерди жакшы көрөм! Шевченконун Кыргызстанга салам жолдогон видеосу
Спортчу Мамашов АСА мелдешинде UFC уюмунун экс-мушкери менен беттешет
"Нокауттардын ханышасы". Шевченко UFC уюмун кантип багындырган. Видео
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр