Марипов окуучуларга падышанын шок баласы тууралуу икая айтып берди. Видео

330
Министрлер кабинетинин төрагасы Улукбек Марипов Чүй облусунун Кашка-Суу айылындагы мектептин 11-классынын окуучуларына тарбиялык саат өттү. Ал XXI кылымда билимсиз адам ийгиликке жете албасын белгилеп, балдарды жакшы окуп, келечекте өз кесибинин мыктысы болууга чакырды.

Ошондой эле өкмөт башчы мугалимди сыйлоого үндөп, падышанын шок баласы тууралуу төмөнкү икаяны айтып берди:

Осмон империясындагы Фатех Султан бала кезинде мугалимдин тилин албаган шок, ошол эле учурда зээндүү болуптур. Мугалим анын падыша атасына келип "уулуңуз тентектик кылып укпай жатат" дейт. Анда ал "мен сабагыңызга киргенде катуу кагып коюңуз" дептир. Ошондо бул падышага да катуу сүйлөп жатат деп коркуп калат деген экен. Эртеси падыша мектепке келсе мугалим "мен сабак өтүп жатам, тоскоол болбой чыгып кетиңиз" деп катуу айтат. Ошондо Фатех коркуп, эки-үч күн жакшы окуп калыптыр. Бирок кайра эле шоктоно баштаган. Анан мугалим падышага барса, дагы бир ыкманы сүйлөшүшөт. Эртеси Султан падыша класска кирери менен мугалим чыгып кетиңиз десе да болбойт, анан аны жаакка бир чабат. Ошону көргөн Фатех кийин бир да жолу тартипсиздик кылбай, жакшы окуп калган экен.

Андан соң элде мугалимдин даражасы падышадан да, өлкө башчысынан дагы жогору деген сөз тараган.

330
Белгилер:
Улукбек Марипов, мектеп, бала
Тема боюнча
Эртең Марипов баштаган өкмөт мүчөлөрү окуучуларга сабак өтөт
Оштун мэри мектеп жана бала бакчаларда тарбиялык саат өткөрүүнү тапшырды

Токой аралап, чатырга түнөп... Путин менен Шойгу тайгада эс алган видео

128
(жаңыланган 13:00 26.09.2021)
Россия президенти Владимир Путиндин тайгада эс алып жүргөн учурдагы видеосун News24 Russia телеканалы жарыялады. Анда өлкө башчыны коргоо министри Сергей Шойгу коштоп жүргөнүн көрүүгө болот.

Кадрлардан Путиндин балык уулап, токой аралап, кайык айдап жүргөнү көрүнүп турат. Ошондой эле анын чатырда түнөгөнү айтылат. Шойгу президент отурган чатырды карап "мыкты экен" деп баа берсе, Путин "мыкты иштеген кишинин турак жайы дагы жакшы болот" деп тамашалап жооп берет.

Эске салсак, Владимир Путин көбүнесе тайгада эс алат. Адатта анын кыска мөөнөттүү эмгек өргүүсү бир нече күнгө созулуп, коргоо министри Сергей Шойгу жанында жүрөт.

128
Белгилер:
Россия, Владимир Путин, Сергей Шойгу, эс алуу, видео
Тема боюнча
Тоодон зуулдап түшкөн Путин менен Лукашенко. Эки лидердин лыжа тепкен видеосу

Мен чемпионмун, баарына даярмын! Шевченко кийинки атаандашы боюнча жооп берди

181
Кыргызстандык мушкер Валентина Шевченко жеңишинен кийин суроолорго жооп берип жатып ким менен кайсы дивизиондо болсо дагы таймашууга даяр экенин айтты.

Ага кийинки атаандашы тууралуу суроо беришти.

"Мен эч нерсеге карабай ким менен болсо дагы таймашууга даярмын. Мен бул жердемин, мен чемпионмун!" — деди спортчу.

Ошондой эле ал бир нече тилде күйөрмандарына салам жолдоп, ыраазычылгын билдирди.

Белгилей кетсек, UFC уюмунун жеңил салмактагы чемпиону Шевченко бүгүн, 26-сентябрда, америкалык Лорен Мерфини жеңип, алтынчы ирет чемпиондук наамын коргоп калды. Беттеш АКШнын Лас-Вегас шаарындагы T-Mobile спорттук аренасында өттү.

181
Белгилер:
Валентина Шевченко, жеңиш, маек, жооп
Тема боюнча
Валентина Шевченко атаандашы Лорен Мерфини шайын кетирип утуп алды. Видео
Силерди жакшы көрөм! Шевченконун Кыргызстанга салам жолдогон видеосу
Кыргыз желегин желбиретип... Шевченко кантип жеңгенин көрсөткөн видеолор
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

102
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

102
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты