Роналдунун клубу көз артууда. Жаш футболчу беш оюнчуну алдап гол киргизди. Видео

341
(жаңыланган 11:38 30.09.2021)
Ганада 15 жаштагы футболчу Мизака Асанте жалгыз беш кишини алдап гол киргизген видеосу социалдык тармакта желдей тарады. Жаш талантка Криштиану Роналдунун командасы көз артканы айтылууда.

Жаш спортчунун талантына дүйнөлүк ЖМКлардын көзү түштү. Керемет голдун видеосун The Guardian басылмасы да өзүнүн YouTube-каналына чыгарды. 

Асанте ойногон Golden Kicks клубу жергиликтүү Mobile Fonp менен өткөн жекшембиде беттешкен. Ал оюн учурунда атаандаштын айып аянтчасынын ичинде төрт коргоочу жана дарбазачыны буйтап өткөн.  Ал эми голду бош дарбазага киргизген. 

Маалыматта Асантенин бул голу командага жеңишти камсыздоого жана жогорку дивизионго чыгууга жардамы тийгендиги жазылган.

Ал арада The Sun басылмасы жаш талантка Криштиану Роналду ойногон англиялык "Манчестер Юнайтед" клубунун жетекчилиги кызыгуу артканын жазды.

341
Белгилер:
футбол, гол, футболчу, талант
Тема боюнча
Күйөрмандардын стадиондун үстүнөн кулаган мышыкты сактап калган кызыктуу видеосу
Роналдунун "Манчестер Юнайтеддин" курамында машыккан алгачкы видеосу
Казакстандык футболчу кыз "чаян сокку" ыкмасында өзгөчө гол киргизди. Видео

Күнгө чагылышкан алтын күз. Бишкектин көз талдырган видеосу

64
Борбор калаада узаган жума ичинде күн жылуу болду. Аба ырайынын температурасы 19 градуска жетип, шаардыктар кечээ эле жеңил кийинип жүрүшкөн.

Күз келгени бирде ысыса, бирде сууп аба ырайы өзгөрүлмөлүү болууда. Кечээ, 21-октябрда, күн чайыттай ачылып, түркүн түскө боёлгон бак-дарактар шаардын көркүн арттырды.

Бирок жума соңунда аба ырайы сууй түшкөнү менен синоптиктер айдын аягында күн кайра жылый турганын кабарлады.

64
Белгилер:
Бишкек, күз, аба ырайы
Тема боюнча
Гүл жайнаган Бишкекке жааган кар. Шаардын асмандан тартылган видеосу

Күлүн асманга чачкан Асо. Япониядагы ири вулкандын атылып жаткан видеосу

77
(жаңыланган 11:00 22.10.2021)
Япониядагы Кумамото префектурасында Асо вулканы атылып, анын күлү асманды көздөй 3,5 чакырым бийиктикке чейин чачылды.

Аталган аймакты түтүн каптап, көктө тоодой-тоодой уюлгуган чаң пайда болду. Кайнап атылып чыккан вулкан таштары бир чакырымга чейин учуп барып түшкөн. Ал эми видеодон айланадагы элдин шашып, автоунаага, автобустарга түшүп кетип жаткандыгын көрүүгө болот.

Күн Чыгыш өлкөсүнүн бийлиги мындан улам кооптуулуктун беш деңгээлинин ичинен үчүнчү даражаны белгиледи. Ал эми ошол аймакта жашаган жергиликтүү элдин жанар тоого эки чакырымдан жакын барбашы керектигин эскертишти.

77
Белгилер:
Япония, вулкан, чаң, коопсуздук
Тема боюнча
Вулкандын укмуштуудай атылышы: тоодой чок бут алдыңа жылып келе жаткан видео
Кыз-келиндер күрөшү боюнча дүйнөнүн эки жолку чемпиону Айсулуу Тыныбекова

Алтын күздөгү Айсулуу! Ажары арткан балбан кыздын жаңы сүрөттөрү

0
(жаңыланган 17:03 22.10.2021)
Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

БИШКЕК, 22-окт. — Sputnik. Кыз-келиндер күрөшү боюнча дүйнөнүн эки жолку чемпиону Айсулуу Тыныбекова алтын күздүн фонундагы ажайып сүрөттөрү менен Facebook баракчасынан бөлүштү. 

Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

"№867 кыял орундалды! Алтын күз — сүрөткө түшүү үчүн сонун фон. Бала кезимден бери сары жалбырактардын фонунда фотосессия уюштурууну кыялданчумун. Муну ишке ашырууга кесиптештерим жардам беришти. Дарактар жалбырагынан ажыраганга чейинки учурду өткөрүп жибербеңиз", — деп жазган балбан кыз.

Интернет колдонуучулары спортчу кыздын сүрөттөрүнө суктанган билдирүүлөрдү калтырып, анын постун кайра бөлүшүп жатышат.

0
Белгилер:
Айсулуу Тыныбекова, балбан, спорт, сүрөт, күз
Тема боюнча
Балбан кыздардын аты коюлган үч эм. Айсулуу Тыныбекова төрөт үйүнө барды. Сүрөт