Байкатпай келип кол салган кабыланды качырган аялдын видеосу

29342
Индияда өз үйүнүн короосунда отурган аялга кабылан кол салды. Улгайган айым колундагы таягы менен жырткычты бир чапкан.

Леопарддын секирген учуру видеокамерага тартылып калган. Жүрөк үшүн алган видеону Times of India басылмасы жарыялады.

Окуя Индиянын Мумбаи шаарынын токойго жакын аймагында болгон. Өз үйүнүн короосунда отурган 55 жаштагы Нирмаладеви Сингхге кабылан кол салган.

Кадрдан сейилдеп чыккан аялды жырткыч артынан байкатпай аңдып күтүп отурганын көрүүгө болот. Бир аздан соң ал бейкапар бараткан адамга секирген.

Аял таянып жүргөн таягы менен жапайы мышыкты башка чапкан. Кыйкырыктан улам үйдөгүлөр жардамга чыгышкан. Бул учурда кабылан качып кетүүгө үлгүргөн.

Токой чарбасы департаментинин өкүлү Гаджанана Хайранын айтымында, аялдын денесиндеги тырмактын издерине караганда ага бир топ эле чоң леопард кол салган. Ал кошумчалагандай, бул акыркы бир нече айда айбан адамга тиш салган экинчи окуя. Департамент кол салган жырткычтын санын билүү үчүн атайын камераларды орноткон.

29342
Белгилер:
Индия, аял, кабылан, леопард, кол салуу, коргонуу, таяк
Тема боюнча
Кудум ниндзядай. Кабыландын антилопага чукул келип кол салган видеосу

Күнгө чагылышкан алтын күз. Бишкектин көз талдырган видеосу

64
Борбор калаада узаган жума ичинде күн жылуу болду. Аба ырайынын температурасы 19 градуска жетип, шаардыктар кечээ эле жеңил кийинип жүрүшкөн.

Күз келгени бирде ысыса, бирде сууп аба ырайы өзгөрүлмөлүү болууда. Кечээ, 21-октябрда, күн чайыттай ачылып, түркүн түскө боёлгон бак-дарактар шаардын көркүн арттырды.

Бирок жума соңунда аба ырайы сууй түшкөнү менен синоптиктер айдын аягында күн кайра жылый турганын кабарлады.

64
Белгилер:
Бишкек, күз, аба ырайы
Тема боюнча
Гүл жайнаган Бишкекке жааган кар. Шаардын асмандан тартылган видеосу

Күлүн асманга чачкан Асо. Япониядагы ири вулкандын атылып жаткан видеосу

80
(жаңыланган 11:00 22.10.2021)
Япониядагы Кумамото префектурасында Асо вулканы атылып, анын күлү асманды көздөй 3,5 чакырым бийиктикке чейин чачылды.

Аталган аймакты түтүн каптап, көктө тоодой-тоодой уюлгуган чаң пайда болду. Кайнап атылып чыккан вулкан таштары бир чакырымга чейин учуп барып түшкөн. Ал эми видеодон айланадагы элдин шашып, автоунаага, автобустарга түшүп кетип жаткандыгын көрүүгө болот.

Күн Чыгыш өлкөсүнүн бийлиги мындан улам кооптуулуктун беш деңгээлинин ичинен үчүнчү даражаны белгиледи. Ал эми ошол аймакта жашаган жергиликтүү элдин жанар тоого эки чакырымдан жакын барбашы керектигин эскертишти.

80
Белгилер:
Япония, вулкан, чаң, коопсуздук
Тема боюнча
Вулкандын укмуштуудай атылышы: тоодой чок бут алдыңа жылып келе жаткан видео
Кыз-келиндер күрөшү боюнча дүйнөнүн эки жолку чемпиону Айсулуу Тыныбекова

Алтын күздөгү Айсулуу! Ажары арткан балбан кыздын жаңы сүрөттөрү

25
(жаңыланган 17:25 22.10.2021)
Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

БИШКЕК, 22-окт. — Sputnik. Кыз-келиндер күрөшү боюнча дүйнөнүн эки жолку чемпиону Айсулуу Тыныбекова алтын күздүн фонундагы ажайып сүрөттөрү менен Facebook баракчасынан бөлүштү. 

  • Айсулуу Тыныбекова
    © Фото / Гала Бокова
  • Айсулуу Тыныбекова
    © Фото / Гала Бокова
1 / 2
© Фото / Гала Бокова
Айсулуу Тыныбекова

Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

"№867 кыял орундалды! Алтын күз — сүрөткө түшүү үчүн сонун фон. Бала кезимден бери сары жалбырактардын фонунда фотосессия уюштурууну кыялданчумун. Муну ишке ашырууга кесиптештерим жардам беришти. Дарактар жалбырагынан ажыраганга чейинки учурду өткөрүп жибербеңиз", — деп жазган балбан кыз.

Интернет колдонуучулары спортчу кыздын сүрөттөрүнө суктанган билдирүүлөрдү калтырып, анын постун кайра бөлүшүп жатышат.

25
Белгилер:
Айсулуу Тыныбекова, балбан, спорт, сүрөт, күз
Тема боюнча
Балбан кыздардын аты коюлган үч эм. Айсулуу Тыныбекова төрөт үйүнө барды. Сүрөт