Тыныбекова жанданды! UWW Ослодогу кармаштын видеосун жарыялады

14154
(жаңыланган 18:57 04.10.2021)
Спортчу Айсулуу Тыныбекова Ослодо япониялык балбан кыз Ноноко Озаки менен тер төгө күрөшүп жатып, күйөрмандарын бир топ толкундатып, тынчсыздандырып, акыркы мүнөттөрдө жеңишке жетти.

Бириккен күрөш уюму (UWW) кыргызстандык жана япониялык балбандардын кармашын жарыялап, видеонун алдына "Айсулуу Тыныбекова жанданды!" деп жазды.

"Айсулуу Тыныбекова жанданды! Дүйнө чемпиону кармаштын акыркы секундаларында тейкдаун кылып, Ослодогу таймашта чейрек финалга чыкты", — деп айтылат.

Тыныбекова турнирдин 1/8 финалынан тарта күрөшүп, алгачкы беттешинде япониялык Ноноко Озаки менен кез келип, айыгышкан кармашуудан соң 6:4 эсебинде жеңишке жетти.

Беттештин биринчи бөлүгү Айсулуу үчүн ийгиликсиз болду. Атаандашы эки ирет артына өтүп, төрт упай алууга жетишти. Натыйжада 4:0 эсеби менен япониялык балбан артыкчылык кылды. Бирок экинчи бөлүктө кыргызстандык балбан күчтөнүп, удаа-удаасы менен чабуул жасады. Бирде каршылашынын артына өтүп, бирде тегерек чийинден сүрүп чыгып алты упай алып койду.

Андан соң Тыныбекова Дүйнө чемпионатында беларустук Вераника Иванованын далысын жерге тийгизип утуп алып, жарым финалга чыкты.

14154
Белгилер:
Кыргызстан, Норвегия, Айсулуу Тыныбекова, дүйнө чемпионаты
Тема:
Норвегиядагы күрөш боюнча Дүйнө чемпионаты (52)
Тема боюнча
Аз жерден алдыра жаздап... Тыныбекова алгачкы атаандашын жеңди. Видео
Айсулуу атаандашын таза жеңиш менен утуп, жарым финалга чыкты

Чечинип алып аянтта турушту. Италиялык стюардессалардын нааразы болгон видеосу

366
Банкрот болуп калган Alitalia авиакомпаниясынын борт коштоочулары Рим шаарынын чок ортосунда нааразылык акциясын уюштурушту. Кыз-келиндер үстүндөгү костюмдарын чечип, жалаң ич көйнөкчөн калышкан.

Мындай жол менен алар 75 жылдан бери иштеп келе жаткан авиакомпания жабылгандан кийинки абалын көрсөтүүнү чечишкенин НТВ билдирди. 

Компаниянын кызматкерлеринин көбү, тагыраагы, жети миңге чукулу такыр эле жумушсуз калган. Мурдагы стюардессалар "Биз — "Алиталия" деп кыйкырышты.

Видеодон алардын эрежени сактап, коомдук тартипти бузбай, бирок сырттан караган ар бир адамдын көңүлүн бура тургандай акция уюштургандыгын көрүүгө болот.

366
Белгилер:
Италия, стюардесса, авиакомпания, банкрот, нааразычылык
Тема боюнча
Биринчи тепкенде эле жапты. Стюардессанын таң калтырган видеосу

Диний чөйрөнүн өкүлдөрү жарышка түшүп... Марафондун видеосу

194
Бишкекте өлкөдөгү диний уюмдардын катышуусунда конфессиялар аралык марафон өттү. Спорттук иш-чараны Дин иштери боюнча мамлекеттик комиссиясы уюштурду.

Мекеменин төрагасы Тойгонбай Абдыкаров иш-чара диний уюмдардын ортосунда ынтымакты бекемдөөнү көздөгөнүн билдирди.

"Бул спорттук иш-чарабыз Кыргызстанда дин эркиндигинин алкагында бардык диндердин өкүлдөрүнүн башын бириктирүү, диндер ортосунда араздашуунун алдын алуу, терроризм, экстремизмге каршы күрөшүү максатында уюштурулууда. Ага мамлекеттик комиссияга мүчө болгон бардык диний уюмдардын өкүлдөрү катышты", — деген Абдыкаров.

Марафон Бишкек шаарындагы "Ден соолук" эс алуу паркында өттү. Ага ар кандай диний уюмдардан 150дөй киши катышып, үч чакырым аралыкка чуркашты.

Соңунда катышуучуларга атайын жасалган медалдар тапшырылды.

194
Белгилер:
Бишкек, дин, марафон, чуркоо
Тема боюнча
Дин чөйрөсүндөгү мамлекеттик саясат боюнча концепция күчүнө кирди. Анда эмнелер бар
Бишкекте диний конфессиялардын өкүлдөрү марафондо чуркап жарышты. Сүрөт
Мамлекеттик инновациялык борбордун иллюстрациясы

Бишкекте мамлекеттик инновациялык борбор ачылат. Сүрөттөр

0
Борбордо прототиптерди жасоо жана идеяларды текшерип көрүү үчүн өндүрүштүк лаборатория, балдар лабораториясы, заманбап жабдуусу менен коворкинг зона жайгаштырылганы айтылды.

БИШКЕК, 22-окт. — Sputnik. Кыргызстанда алгачкы мамлекеттик инновациялык борбор ачыларын Интеллектуалдык менчик жана инновациялар мамлекеттик агенттигинен (Кыргызпатент) билдирди.

  • Иллюстрация первого государственного инновационного центра
    Кыргызстанда алгачкы мамлекеттик инновациялык борбор ачыларын Интеллектуалдык менчик жана инновациялар мамлекеттик агенттигинен (Кыргызпатент) билдирди
    © Фото / пресс-служба Кыргызпатента
  • Иллюстрация первого государственного инновационного центра
    Маалыматка ылайык, борбордун ачылыш аземине мамлекет башчы Садыр Жапаровдун катышуусу күтүлүүдө
    © Фото / пресс-служба Кыргызпатента
  • Иллюстрация первого государственного инновационного центра
    Ошондой эле өкмөт, эл аралык уюмдардын өкүлдөрү, IT-технологиялар боюнча эл аралык жана жергиликтүү эксперттер да келери айтылды
    © Фото / пресс-служба Кыргызпатента
  • Иллюстрация первого государственного инновационного центра
    Инновациялык жайдын расмий ачылыш аземи 27-октябрь күнү саат 8:30да боло турганы кошумчаланды
    © Фото / пресс-служба Кыргызпатента
1 / 4
© Фото / пресс-служба Кыргызпатента
Кыргызстанда алгачкы мамлекеттик инновациялык борбор ачыларын Интеллектуалдык менчик жана инновациялар мамлекеттик агенттигинен (Кыргызпатент) билдирди

Маалыматка ылайык, борбордун ачылыш аземине мамлекет башчы Садыр Жапаровдун катышуусу күтүлүүдө. Ошондой эле өкмөт, эл аралык уюмдардын өкүлдөрү, IT-технологиялар боюнча эл аралык жана жергиликтүү эксперттер да келери айтылды.

"Борбордо Fablab — прототиптерди жасоо жана идеяларды текшерип көрүү үчүн өндүрүштүк лаборатория, Youth iLab балдар лабораториясы, заманбап жабдуусу менен коворкинг зона, конференц-зал, жолугушуу бөлмөлөрү, патенттик-техникалык фонд жайгаштырылган", — деп жазылат билдирмеде.

Инновациялык жайдын расмий ачылыш аземи 27-октябрь күнү саат 8:30да боло турганы кошумчаланды.

0
Белгилер:
IT, Кыргызпатент, инновациялык борбор
Тема боюнча
Темиров: Жогорку технологиялар паркы IT кызматын 30дай өлкөгө экспорттойт