"Не болду, иним?" Креслого жашынып, 4 киши үчүн добуш берген депутаттардын видеосу

3358
Жогорку Кеңештин депутаттары аткаруу бийлигине тиешелүү маанилүү мыйзамдарды кабыл алышты. Бирок залда 50гө чукул гана депутат отурган. Sputnik Кыргызстандын кабарчысы депутаттар кантип добуш бергенин тарткан.

Кээ бир парламентарийлер регламентке каршы иш жасап жатканын этибарга деле алган жок. Шайлообек Атазов алдыңкы катардан арткы тарапка келип Сайдулла Нышановдун ордуна добуш берди. Бирок улам чуркап жетишпей жатканынан анын ноутбугун өчүрүүгө аргасыз болду.

Ал эми Тазабек Икрамов төрт "чычканды" алдына коюп алып добуш берди. Ушундай эле ыкманы Султанбек Анарбаев дагы колдонду. Камера тартып жатканын байкап, бош креслолорду жанына тартып жашынууга аракет кылды.

Министрлер кабинети жөнүндө сунушталган мыйзамга ылайык, министрлерге талап күчөтүлөт. Кызматка бара жаткан адамдын мамлекеттик иштерде 10 жылдык тажрыйбасы, анын ичинде беш жылы жетекчилик орунда болушу керек. Болгон мал-мүлкүн көрсөтөт, кызматка келгенден кийин ишкердиктин бардык түрү менен алектене албайт. Министрлер кабинетинин төрагасы бир эле учурда президенттик администрацияны башкарып, өкмөттүн аппараты жоюлат.

Жергиликтүү бийлик органдары тууралуу мыйзамда акимдердин укуругу узарууда. Алар айыл башчыларды, райондук маанидеги шаарлардын мэрин дайындайт. Облустук жана республикалык маанидеги мэрлерди президент кызматка коёт. Мэр, аким, айыл өкмөт башчысы өзүнүн туулган жеринде иштей албайт. Муну менен жергиликтүү кеңештин депутаттары шайлоо укугунан ажыратылмакчы. Ошол эле учурда райондун өзүнчө бюджети түзүлүп, райондук кеңеш куралат.

3358
Белгилер:
мыйзам долбоору, добуш берүү, депутат, Жогорку Кеңеш, аким, мэр
Тема боюнча
Алдына 4 "чычкан" чогултуп. Референдум дайындоого добуш берген депутаттардын видеосу
Министрлерди камоого президенттин уруксаты керек эмес. Мыйзам долбоору өзгөрдү

Садыр Жапаров маалымат жыйында эмнелерди айтты. Видео

83
Президент Садыр Жапаров бүгүн "Ала-Арча" мамлекеттик резиденциясында жыл жыйынтыгы боюнча алгачкы маалымат жыйынын өткөрдү. Аны 150дөн ашуун жалпыга маалымдоо каражаты чагылдырды. 

Мамлекет башчы жыйын жаңы башталганда сасык тумоолоп калганын айтып, кечирим сурады.

Президент алгач доклад окуп, Кыргызстандын негизги социалдык-экономикалык көрсөткүчтөрү жана бийликтин алдыдагы пландары менен бөлүштү. Андан кийин журналисттердин суроолоруна жооп берди.

Анын алкагында Жапаров коопсуздук боюнча суроого жооп берип жатып, өлкөгө Россиянын Канттагы базасы гана жетиштүү экенин, Өзбекстан менен чек ара боюнча сүйлөшүүлөр аяктап калганын, ал эми Тажикстан менен делимитация жана демаркациялоо процедурасы уланып жатканын айтты. Аскер техникалары согушка даярдык эмес, тынч уктоо үчүн алынганын жана коңшу мамлекеттер менен мамилени чыңдоо аракеттери болуп жатканын билдирди.

Жапаров Сооронбай Жээнбеков экс-президент бойдон каларын айтып, куугунтуктоолорду токтотууга чакырды.

Мамлекет башчы жемкорлукка барган аткаминерлер аёосуз жазаланарын эскертип, жакында эле пара алууга шектелип кармалган президенттик администрациянын Ырайым кылуу комиссиясынын катчысы тууралуу үн катты.

Модератор журналист жалпысынан 56 редакциянын суроосуна жооп бергенин айтты. Иш-чара дээрлик төрт саатка созулду. Жапаров жыйынтык сөзүн айтып жатып, эмдиги жылы журналисттер менен Курултайда жолугарын айтты.

83
Белгилер:
Садыр Жапаров, маалымат жыйын, видео
Тема:
Жапаровдун 2021-жылдын октябрындагы маалымат жыйыны
Тема боюнча
Кыргызстанда Американын базасы жайгашабы? Жапаровдун жообу
ТЭЦ кум аралаш көмүр жаккан. Жапаров Кара-Кечедеги коррупция, саботаж тууралуу
Кесипкөйлүгүңүздөр азыр өтө маанилүү. Жапаров дипломаттарды куттуктады

Жаалданган күйөрмандар. Футбол талаасынан тартылган видео

103
(жаңыланган 18:57 23.10.2021)
"Сент-Этьен" футбол клубунун күйөрмандары Франция чемпионатынын 11-турунун оюндарынын алдында башаламандык уюштурган.

Видео спорттук EN MODE REPLAY YouTube каналына жарыяланды.

RMC Sport телеканалы башаламандыктан улам "Сент-Этьен" жана "Анжи" клубдарынын беттеши бир саатка жылдырганын кабарлады.

​Фанаттар жашыл майсаңга – оюн талаасына түтөгөн файер жана башка буюмдарды ыргытып, команда оюнунун жыйынтыгына нааразы экендигин билдиришкен. Андан сырткары "Сент-Этьендин" башкы машыктыруучусу Клод Пюэлдин кызматтан кетүүсүн талап кылган.

Франция чемпионатынын 10-матчынан кийин аталган клуб турнирдик таблицада акыркы орунда калган, тагыраагы, болгону 4 упайы болгон. Команда бир дагы жеңишти камсыздай албай, ал эми акыркы жети беттештин алтоосунда жеңилип калган.

Клод Пюэль "Сент-Этьенди" 2019-жылдан бери машыктырып келет. Былтыркы сезондо 11-орунду ээлеген.

103
Белгилер:
Франция, футбол, команда, күйөрман, башаламандык
Тема боюнча
Кыргызстандын футболдук союзу президент Садыр Жапаровго кайрылды
Бразилияда футболчу оюн учурунда калысты тепкилеп салды. Видео
Кыргыз эл жазуучусу, Кыргыз Эл Баатыры Төлөгөн Касымбековдун китептери. Архивдик сүрөт

Бишкекте Төлөгөн Касымбековдун 90 жылдыгы белгиленет

0
Атактуу жазуучу Төлөгөн Касымбеков тирүү болсо быйыл токсон жашка чыкмак. Ал он жыл мурда дүйнө салган.

БИШКЕК, 24-окт. — Sputnik. Кыргыз эл жазуучусу, Кыргыз Эл Баатыры Төлөгөн Касымбековдун 90 жылдыгы белгиленерин Маданият, маалымат, спорт жана жаштар саясаты министрлиги кабарлады.

Эскерүү иш-чарасы 25-октябрь күнү Токтогул Сатылганов атындагы улуттук филармонияда өтөт.

Төлөгөн Касымбеков Аксы районунун Ак-Жол кыштагында 1931-жылы 15-январда туулган. Орто билимге ээ болгон соң эки жыл баштапкы мектептерде мугалим, Кичи-Ак-Жол айылдык кеңешинде жооптуу катчы болуп иштеген.

Касымбеков Кыргыз мамлекеттик университетинин филология факультетин 1957-жылы аяктаган. 1960-жылы "Ала-Тоо" журналында бөлүм башчы болуп ишке кирет. Журналда иштеген 13 жыл ичинде башкы редакторлукка чейин жетет. Андан соң 1973-жылы Кыргыз ССР Министрлер Советинин басма, полиграфия жана китеп соода боюнча мамлекеттик комитетинде башкы редактор болуп эмгектенген.

Кыргыз адабиятындагы салмактуу чыгармалардын бири, "Сынган кылыч" тарыхый романын 40 жашында жазган. Советтер Союзунун бардык элинин тилине которулган роман 1980-жылы англис тилинде да чыккан.

Жазуучу 1990-жылы Жогорку Кеңешке депутат болуп шайланып, легендарлуу парламенттин мүчөсү болгон. Эл өкүлү болуп турган кезде тил, маданият жана билим боюнча, улуттар аралык парламенттик комиссиянын жетекчилигин аркалаган.

1986-жылы Кыргыз эл жазуучусу наамын алган, 2006-жылы мамлекеттик Токтогул сыйлыгынын лауреаты болуп, ошол эле жылы Кыргыз Эл Баатыры наамы ыйгарылган.

Төлөгөн Касымбеков 2011-жылы 17-июнда 80 жашында инсульт алып көз жумган.

0
Белгилер:
Төлөгөн Касымбеков, жазуучу, эскерүү
Тема боюнча
"Сынган кылыч", Төлөгөн Касымбеков — аудио китеп