Тарыхый күн! Мээрим Жуманазарова алтын уткан беттештин толук видеосу

11244
(жаңыланган 01:04 08.10.2021)
Мээрим Жуманазарова өлкө тарыхында Айсулуу Тыныбековадан кийин чоңдор арасындагы күрөш боюнча дүйнө чемпионатында алтын алган экинчи кыз болуп калды.

Бириккен күрөш дүйнөсү (UWW) кыргызстандык спортчунун финалдык кармашынын видеосун толугу менен чыгарды.

Беттеш 7-октябрда Норвегиянын Осло шаарында өттү. Мээрим япониялык Рин Мьядзини алгачкы мүнөттөрдө эле далысын жерге тийгизип, таза жеңишти камсыздады. Спортчулар 68 килограмм салмакта кармашты.

Эске салсак, Мээрим дүйнө чемпионатындагы алгачкы беттешинде кореялык Минджи Ханды 8:0 эсебинде жеңген. Чейрек финалдык этапта канадалык Оливия Грейс Д. Baccoну 7:1 эсебинде уткан. Ал эми жарым финалда россиялык Ханум Велиева менен кармашып, эсеп 3:3 менен аяктаган. Бирок акыркы аракетти кыргызстандык балбан жасаганы үчүн ага артыкчылык берилген.

11244
Белгилер:
Норвегия, Осло, Мээрим Жуманазарова, дүйнө чемпионаты, кармаш, видео
Тема:
Норвегиядагы күрөш боюнча Дүйнө чемпионаты (52)
Тема боюнча
Капшыра кармап айласын кетирди! Айпери Медет кызы коло байге уткан видео
Тыныбекова жанданды! UWW Ослодогу кармаштын видеосун жарыялады
Кыргызстан медалдар жарышында алдыңкы бештикте. Дүйнө чемпионатынын рейтинги

Жанын оозуна тиштеп иштешет. Кара алтын казган кызыл-кыялык "апачилердин" видеосу

328
(жаңыланган 19:07 26.10.2021)
"Апачилер" күн сайын "Кудай өзү сактасын" деп ишин башташат. Өмүрүн тобокелге салып, өзүм билемдик менен көмүр казгандарды жергиликтүүлөр ушинтип атап коюшкан.

Sputnik агенттиги Баткендин Кызыл-Кыя шаарынын четиндеги кенчилердин жашоосу менен таанышты.

"Бул жер толугу менен ээн калган. Союз маалында шахта болгон, союз таркагандан кийин жабылган. 1995-жылдан бери Кызыл-Кыянын эли ушуну менен оокат кылат. Башка иш жок", — дейт кенчи Шүкүрбек Исаков.

Бир шахтада алты-жети киши иштейт, ар биринин өз милдети бар. Айрымдары жер алдынан көмүрдү казып үстүнө мүшөк менен жиберип турат, калгандары аны трос менен тартып алып, сырттагы коопсуздукту да камсыздап турушат.

  • Рабочие во время добычи угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
  • Рабочие во время добычи угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
  • Добыча угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
  • Рабочий во время добычи угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
  • Рабочие во время добычи угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
  • Рабочие во время добычи угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
  • Рабочий во время добычи угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
  • Рабочий во время добычи угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
  • Добыча угля на заброшенной шахте в городе Кызыл-Кия
    Кызыл-Кыядагы кароосуз калган шахтада көмүр казуу
    © Sputnik / Эмиль Садыров
1 / 9
© Sputnik / Эмиль Садыров
Кызыл-Кыядагы кароосуз калган шахтада көмүр казуу

Биз барган көмүр шахтанын тереңдиги 40 метрдей экен. Бирок андан да тереңдери — 70, 100 метрге чейинкилери бар экенин айтышты. Ал эми ичинин бийиктиги эки метрдей, туурасы узун зал сыяктуу кете берет.

Отуздун тегерегиндеги Орозали Эргешовдун өмүрүнүн жарымы эле көмүр кенинде өткөн. Ал жумушчулар жанын оозуна тиштеп иштээрин белгиледи.

"Трос үзүлүп кетет, ток уруп кетиши мүмкүн. Суу чыгып кетип, сууда калып калышат. Газга көп ууланышпайт, себеби шайман менен шамал айдап турабыз. Акча табам деп ишти жакшы билбей келгендер көп. Анан ылдый түшүп баратып кулап жаракат алышат же көз жумушат. Тажрыйбасы барлар ката кетирбейт. Мен 14 жылдан бери иштейм, кырк метр тереңдиктеги забойдон 25ти каздым", — деди шахтачы Эргешов.

Жумушчулар күнүнө 1 000-1 500 сомдон, кышкысын 2 000 сомго чейин табышат. Кызыл-Кыяда бардыгы эле күнүнө мынча каражат таба бербейт. Бирок жумушчулар кээде иштин оордугунан ага деле кайыл болуп кетет. Эки баланын атасы Бактияр Токтосунов тапканы күнүмдүк тиричиликке эле кетерин айтат.

"Жалпы иштегениме 15 жылдын жүзү болду. Ага чейин ар кайсы жерден акча тапчумун, курулушта иштедим. Тапканыбыз күнүмдүк тамак-ашка кетет. Ашырып мал-жан, машина ала албайсың. Башка эмне кылабыз? Жогорку жактагылар элге жакшы жардам кылып иш таап берсе болот эле. 18-19 жаштагы балдар мигрант болуп жүрөт", — деди Токтосунов.

"Апачилердин" көмүрүн карапайым эл гана алат. Ишканалар менен иштеше алышпайт. Кечинде мүшөк көмүрлөрдү Porter автоунаасы менен ташып, мүшөгүн 200-250 сомдон сатышат.

Мындай шахталардын коопсуздук эрежелеринин сакталышын тиешелүү органдар текшерип, эскертүүлөрдү берип турат. Ошентсе да бийлик көмүрдү мыйзамсыз казгандардын ишине бөгөт коё албай келет.

Өзгөчө кырдаалдар министрлиги мындай жерлерде адам өмүрүн алган окуялар болгону тууралуу маалыматтарды да берип келет.

328
Белгилер:
Кызыл-Кыя, шахта, көмүр, видео
Тема боюнча
Сузакта шахта урап, ичинде калып калган эки киши көз жумду
Айдоочуга сыноо, жүргүнчүгө азап берген жол. Бишкек — Ош трассасынан репортаж

Кыжыры келип... Зоопарктагы аюу өзүн тартып жүргөн дронду кармап алган видео

136
(жаңыланган 09:47 26.10.2021)
Якутиядагы "Орто Дойду" зоопаркында жашаган ак аюу аны жакын жерден видеого тартып алууга аракет кылган оператордун квадрокоптерин кармап алды.

Видео "360" телеканалынын YouTube-каналына жүктөлгөн.

Дрон жырткычты айланып, ар кандай ракурстан тартып жаткан. Алгач аюу техниканы кызыгуу менен карап туруп, кийин абдан жакындап келгенге кыжыры келип кеткенин байкоого болот. Бир маалда аны чаап түшүрүп, сүйрөп алып кетет.

Маалыматка караганда, дрондун ээси техникасын кайтарып алды, бирок ага чейин эле дрон бир топ талкаланып калганы айтылат.

136
Белгилер:
Якутия, дрон, зоопарк, видео, оператор, ак аюу
Тема боюнча
Антилопа баласын коргоп, арстандын кардын жарып сала жаздаган видео
Бир нече мүнөттүн ичинде үч ажалдан кутулган антилопанын видеосу
Бай киши. Иллюстративдик сүрөт

Акылбек Жапаров Кыргызстандагы бай менен кедейлердин санын айтты

11
(жаңыланган 15:38 27.10.2021)
Өкмөт бай жана жана орто жашаган 1,2 миллион салык төлөөчүнүн эсебинен 200 миң жакыр үй-бүлөнү багары айтылды.

БИШКЕК, 27-окт. — Sputnik. Жогорку Кеңештин депутаты Таабалды Тиллаев Кыргызстанды өнүктүрүү саясаты тууралуу сурады. Учурда парламентте 2022-жылга карата Республикалык бюджеттин долбоору каралып жатат.

Министрлер кабинетинин төрагасы Акылбек Жапаров өлкөнү өнүктүрүү саясаты так аныкталып бүткөнүн белгиледи.

"Кыргызстандын ченеми боюнча 200 миң бай үй-бүлө бар. Бир миллионго жакын орто катмар, 200 миң үй-бүлө кедей жашайт. Мындан кийин өкмөт колунда жоктогуларга түз жардам берет. 200 миңге жакын жакыр үй-бүлөнү, 200 миңдей майып жана жетим-жесирлерди багып алабыз. Ошондо өкмөт бир миллион элди багууну мойнуна алат. Калган орто катмар бирдиктүү салык, байлар өзүнчө тариф менен кымбатыраак төлөйт. Машиналарынын, үйлөрүнүн салыгын көбөйтөбүз. 1,2 миллион салык төлөөчү үй-бүлөнүн эсебинен 200 миң үй-бүлөнү тың багып алабыз", — деди Жапаров.

Аны менен катар ишкерлерге жеңилдетилген, пайызсыз насыялар берилип, машинаны от алдырып жүргүзгөндөн кийин салык сурай тургандай принцип сакталарын белгиледи.

Ошондой эле ал түрмөлөрдө жана ооруканалардагы шарттар да жакшыртыларын кошумчалады.

11
Белгилер:
Акылбек Жапаров, шайлоо, бюджет, бай, кедей
Тема боюнча
Жапаров: жаңы схема беш айда 746 млрд. сом көмүскөгө кетип жатканын аныктады
Пенсия менен жөлөк пул 6300 сомдон жогору болот. Президенттин талабы