Аялына айланма үй куруп берген ойлоп табуучу. Кызыктуу видео

1699
(жаңыланган 10:08 12.10.2021)
Босния жана Герцеговина жараны, ойлоп табуучу Воин Кусич кадимкидей эле айланып турган там курган.

Reuters агенттигинин билдиргенине караганда, там 22 секундадан тарта бир суткага чейин ар кандай ылдамдыкта толугу менен бир тегеренип чыгат. Кыймылда турган имаратты рычаг жана атайын баскычтардын жардамы менен башкарууга болот.

72 жаштагы киши аялы терезеден бир эле тарапты көрө бергенине нааразы болгондон кийин ойлонуп отуруп, ушундай өзгөчө үйдү кургандыгын айтып берген. Эми үйдүн бир жеринде турганда кээде талаа, кээде токой көзгө урунат.

Кусичтин үйүнө келген жергиликтүү журналисттер менен аялы сүйлөшүүнү каалаган эмес. Ал эми кожоюн мындай курулушка алты жыл сарптагандыгын айтып берген. Ал ортодо жүрөгү кармап, ооруканага жатып калган. Ойлоп табуучу дарыгерлерден өмүрүн жок дегенде бир жылга узартууну абдан суранган.

"Кусич бул өтүнүчүн долбоорду көптөн бери көкүрөгүндө багып, ойлонуп, ишке ашырууну эңсеп жүргөнүн, эгер кайтыш болуп кетсе, эч ким аягына чыкпай, үй ошол бойдон бүтпөй калары менен түшүндүргөн", — деп жазган басылма.

Кусичтин айтымында, бул там башка имараттарга караганда жер титирөөгө да жакшы туруштук бере алат.

1699
Белгилер:
ойлоп табуу, үй, Босния жана Герцеговина
Тема боюнча
70 жашында көзүнө операция жасаткан жубайлар бири-бирин тааныбай калды
Кытайда көп кабаттуу 15 үй бир нече секундда жок кылынды. Видео

Бишкекте алп жаныбарлар менен заманбап техника көрсөтүлдү. Видео

191
Бишкектин чок ортосунда 200дөй компания айыл чарбага тиешелүү продукцияларды үч күндүк көргөзмөгө алып чыкты. Шаардыктар асыл тукум малдан тарта заманбап техникага чейин көрө алышат.

Өкмөт үйүнүн алдында "АгроТехЭкспо 2021" жана "Алтын күз" аталышындагы эки жарманке өтүп жатат. Көргөзмөгө чыккан ишканалардын арасында кыргызстандык гана эмес, чет элдиктер дагы бар.

Чүй облусундагы жылкы чарбачылыгынын өкүлү Василий Саратовцев жарманкеге алып келген Ледокол аттуу айгыр тууралуу айтып берди. Першерон породасындагы бул жылкынын салмагы 915 килограмм.

"Мен муну алты айлык кезинде Россиядан алып келгем. Биздин шартта тарбиялагым келген. Бир жылдык болгондон тарта үйүргө кошуу үчүн даярдадым. Анткени биздин тоолорго, климатка көнүшү керек эле. Чоңойгондо алып келсең, көнүп кетерине көзүм жетпейт. Бул жылкыны тукум алуу үчүн алып келгем. Азыр кулундары туула электе эле алам дегендер көп. Алдын ала келишимдер түзүлөт. Баасы сүйлөшкөнгө жараша ар кандай болуп калат. Азыр алп жылкылар менен алардын кулундары спорттук аттарга караганда пайдалуу болуп жатат. Айрымдар көк бөрүгө, башкалар тукум алуу үчүн алышат", — деди фермер.

Кургакчылык күч алып жаткандыктан, мындагыларды Италиядан алып келинген сугат машинасы кызыктырды. Сугат техникасы менен алектенген компаниянын өкүлү Чубак Байконовдун айтымында, техниканын баасы 15 миң евро.

"Биринчиден, сууну үнөмдөйт, экинчиден, ар бир өсүмдүк өзүнө керектүү гана өлчөмдө суу алат. Үчүнчүдөн, суу тамырына чейин жетет. Түшүм жакшы болушу үчүн тамырында суу эмес, ным болушу керек", — деди адис.

Көргөзмө 24-октябрга чейин уланмакчы.

191
Белгилер:
Кыргызстан, Бишкек, жарманке, техника, асыл тукум, мал, видео, АгроТехЭкспо
Тема боюнча
Кожогулов: 450 техника дыйкандарга жеңилдетилген шартта берилет
Фермерлер Чоң Чүй каналынын суусунан канткенде көз каранды болбойт. Шарты

Күнгө чагылышкан алтын күз. Бишкектин көз талдырган видеосу

133
Борбор калаада узаган жума ичинде күн жылуу болду. Аба ырайынын температурасы 19 градуска жетип, шаардыктар кечээ эле жеңил кийинип жүрүшкөн.

Күз келгени бирде ысыса, бирде сууп аба ырайы өзгөрүлмөлүү болууда. Кечээ, 21-октябрда, күн чайыттай ачылып, түркүн түскө боёлгон бак-дарактар шаардын көркүн арттырды.

Бирок жума соңунда аба ырайы сууй түшкөнү менен синоптиктер айдын аягында күн кайра жылый турганын кабарлады.

133
Белгилер:
Бишкек, күз, аба ырайы
Тема боюнча
Гүл жайнаган Бишкекке жааган кар. Шаардын асмандан тартылган видеосу
Стамбул шаары, Түркия. Архив

Кыргызстандык жаш режиссёрдун тасмасы эл аралык фестивалда 3-орунга татыды

0
Фестивалга Түркиядан тышкары Кыргызстан, Казакстан, Өзбекстан, Венгрия, Азербайжан, Македония жана Түндүк Кипрдин таланттары катышкан.

БИШКЕК, 23-окт. — Sputnik. Кыргызстандык жаш режиссёр Айкөл Нурланбек уулунун "Мээрман" тасмасы Стамбул шаарында "Түрк дүйнөсүнүн даректүү тасмалары" фестивалында үчүнчү орунга татыды. Бул тууралуу Кинематографты колдоо фондунан кабарлады.

"Буга чейин менин фильмим Кыргызстанда эки фестивалга катышып, бирөөсүндө баш байгени жеңип, экинчисинде "Көрүүчүлөрдүн сүймөнчүгү" болгон. Эми эл аралык сынакта үчүнчү орунду алды. Эгер мен тарткан тасма байгелүү орунга татыса, ушул багытка көңүл коюп, болгон күчүмдү жумшайм деп сөз бергем. Азыр абдан кубанып турам", — деди Нурланбек уулу.

Даректүү тасмалар фестивалы ушуну менен алтынчы жолу уюштурулуп, быйыл "Түрк маданияты жана дүйнөгө түрк көз карашы" деген ураан менен өткөрүлдү.

Фестивалга Түркиядан тышкары Кыргызстан, Казакстан, Өзбекстан, Венгрия, Азербайжан, Македония жана Түндүк Кипрдин таланттары катышкан.

0
Белгилер:
Түркия, тасма, фестиваль, байге, Айкөл Нурланбек уулу
Тема боюнча
Кыргызстандан барган тасма Алматыда "Мыкты фильм" аталды. Видео
Сиз көрдүңүз беле? XXI кылымдагы эң мыкты 100 сериал тизмектелди
Бекболотов: 2,5 жылда миңге жакын эски фильм санариптештирилет