Ээси кайтпай калгандай... 1 300 жыл мурдагы лыжанын видеосу

330
(жаңыланган 12:12 14.10.2021)
Изилдөөчүлөр муздун эришин жети жыл күткөн. Анализ лыжа биздин эрага чейин 750-жылы жасалгандыгын көрсөткөн.

Норвегиянын түштүгүндөгү Иннландет округунда окумуштуулар дүйнөдөгү эң байыркы лыжаны тапкандыгын National Geographic кабарлады.

Анын бир түгөйүн 2014-жылы таап алышып, муздун эришин күтүшкөн. Адистер жасаган атайын иликтөө лыжага болжол менен 1 300 жыл болгондугун аныктап чыкты. Буга окшогон буюмдарды мурда табышкан. Бирок бул бекиткичтери, таккычтары толугу менен сакталып калган биринчи табылга болду.

"Окумуштууларга анын ээси кандай адам экендиги да өтө кызык болду. Дигервардендин бул тилкесинен аңчылыкка жана башка иштерге байланыштуу көп тарыхый буюмдарды табышкан. Аны мергенчи таштап кетсе керек деген пикир басымдуу эле. Бул тоолуу жалгыз аяк жол ошол учурдун расмий "транспорттук" артериясы болушу мүмкүн, себеби чогултулган таштар да табылган", — деп белгилеген NatGeo.

Окумуштуулар лыжа жол коштоочу же саякатчыга тиешелүү болушу мүмкүндүгүн айтты. Божомолдорго караганда кайра келгенде оңой табыш үчүн тикесинен карга сайып кетип, бирок ошол бойдон кайткан эмес шекилдүү.

330
Белгилер:
Норвегия, лыжа, окумуштуулар, анализ
Тема боюнча
Таштандылардын экинчи өмүрү: Иркутскидеги өзгөчө музейдин видеосу
Лувр музейи экспонаттардын онлайн-коллекциясын түздү. Кантип көрсө болот

Кыжыры келип... Зоопарктагы аюу өзүн тартып жүргөн дронду кармап алган видео

58
(жаңыланган 09:47 26.10.2021)
Якутиядагы "Орто Дойду" зоопаркында жашаган ак аюу аны жакын жерден видеого тартып алууга аракет кылган оператордун квадрокоптерин кармап алды.

Видео "360" телеканалынын YouTube-каналына жүктөлгөн.

Дрон жырткычты айланып, ар кандай ракурстан тартып жаткан. Алгач аюу техниканы кызыгуу менен карап туруп, кийин абдан жакындап келгенге кыжыры келип кеткенин байкоого болот. Бир маалда аны чаап түшүрүп, сүйрөп алып кетет.

Маалыматка караганда, дрондун ээси техникасын кайтарып алды, бирок ага чейин эле дрон бир топ талкаланып калганы айтылат.

58
Белгилер:
Якутия, дрон, зоопарк, видео, оператор, ак аюу
Тема боюнча
Антилопа баласын коргоп, арстандын кардын жарып сала жаздаган видео
Бир нече мүнөттүн ичинде үч ажалдан кутулган антилопанын видеосу

Шайлоо 2021: талапкерлер кайсы телеканалдардан дебатка чыгары белгилүү болду

100
Кыргызстанда парламенттик шайлоо 28-ноябрга белгиленген. Бул ирет Жогорку Кеңештин депутаттары преференциалдык жана мажоритардык система менен шайланат.

БИШКЕК, 26-окт. — Sputnik. Борбордук шайлоо комиссиясы партияларга жана бир мандаттуу округдан катышып жаткан талапкерлерге мамлекеттик телеканалдардан акысыз эфир берүүнүн жол-жобосун бекитти. БШК бардык талапкерлерге бирдей шарт түзүлөрүн убадалады.

Маалыматка ылайык, бир мандаттуу округдун талапкерлери облустук телеканалдар аркылуу шайлоочуларга кайрылуу жасап, дебатка чыгышат. Ал эми ЭлТР телеканалында саясий партиялардын жаштардан жана аялдардан турган талапкерлеринин ортосунда дебат уюштурулат. Партия лидерлери үчүн КТРКда өткөрүлөт.

Кыргызстанда парламенттик шайлоо 28-ноябрга белгиленген. Бул ирет Жогорку Кеңештин депутаттары преференциалдык жана мажоритардык система менен шайланат. Учурда БШКда талапкерлерди каттоо процесси жүрүп жатат. 29-октябрда үгүт иштери башталат.

100
Белгилер:
шайлоо, теледебат, саясый партия, БШК, талапкер, телеканал
Тема:
Жогорку Кеңешке шайлоо 2021
Тема боюнча
Шаардык кеңеш шайлаган Нарындын мэрин БШК кызматтан алып койду. Себеби
1999-жылдагы Баткен окуясынын түштүк региону боюнча аскер бөлүмүнүн жетекчиси, генерал-полковник Абдыгул Чотбаев

Чотбаев: Баткен коогасына катышкан жоокерлердин эрдиги бааланышы керек

0
1999-жылдагы Баткен окуясынын түштүк региону боюнча аскер бөлүмүнүн жетекчиси, генерал-полковник Абдыгул Чотбаев Баткен коогалаңына катышкан жоокерлердин статусу каралышы керектигин айтты.

Баткенчи-жоокерлердин эрдиги бааланып, мамлекет тарабынан ар бирине колдоо көрсөтүлүшү керек. Мындай пикирин Абдыгул Чотбаев Sputnik Кыргызстан радиосунун эфиринде маек куруп жатып билдирди.

Чотбаев: Баткен коогасына катышкан жоокерлердин эрдиги бааланышы керек

Анын айтымында, Баткен окуясына катышкан жоокерлердин статусуна байланышкан маселе согуш жыйынтыкталгандан бери көтөрүлүп, чечилбей келет.

"Баткен согушуна катышкан жоокерлерге статус берүү тууралуу маселе 1999-жылдан бери көтөрүлүп келет. Башында ошол учурдагы өлкө башчысынын жарлыгы менен жоокерлерди колдоо максатында 3000 сомдон берилип турган. Кийинчерээк аны алып салышкан. Бүгүнкү күнгө чейин коогалаңдын катышуучуларынын статусу көтөрүлсүн деп аракет көрүп келебиз. Мисалы, афган согушунун ардагерлери ай сайын 6 миң, майып болгондор 7 миң, каза болгон жоокерлердин ата-энелери миң сомдон мамлекеттен акча алышат. Мекен алдында өзүнүн аскердик милдетин так аткарып, берген антына бекем туруп, ѳлкѳбүздүн эгемендиги үчүн ѳмүрүн берген жоокерлерибиздин эмгеги бааланышы абзел", — деди Чотбаев.

Ошондой эле генерал-полковник учурда Баткен окуясына катышкан жоокерлер болгону киреше салыгынан бошотулганын кошумчалады.

Подкасттын толук вариантын видеодон көрүңүз:

0
Белгилер:
Абдыгул Чотбаев, Баткен окуясы, жоокер, статус, чек ара, согуш
Тема боюнча
Токон Мамытов: чек ара көйгөйүн чечпесе Баткен окуясы кайталанышы мүмкүн