Кесиптешин атып алган актёр Болдуиндин журналисттерге курган маеги. Видео

171
(жаңыланган 14:10 01.11.2021)
Голливуд актёру Алек Болдуин тасма тартуу аянтчасында тапанча менен атып өлтүрүп алган аял боюнча алгачкы жолу журналисттерге комментарий берди. Ал бул окуяны өтө сейрек кездешкен кокустук деп атады.

Видеону NBC News телеканалы YouTube-каналына жарыялаган.

РИА Новости агенттигинин маалыматына караганда, актёр Вермонт штатында аны аңдып жүргөн репортёр-папараццилерди токтотуп, суроолоруна жооп берген.

"Тасма тартуу талаасында ар кандай учурларга туш келебиз, бирок мындай нерсе болгон эмес. Бул триллион учурдун бирөөдө гана кездеше турган окуя", — деген Болдуин.

Ал ошондой эле буга чейинки тасмалар менен телешоуларда канчалаган ок атуу сценарийлери болгонун, алардын бирөөсү дагы кейиштүү окуя менен бүтпөгөнүн белгилеген.

"Айыптоо стадиясына жете элек тергөө боюнча комментарий берүүгө тыюу салынган. Учурда тапанча чыныгы ок менен кандайча октолуп калганы изилденип жатат", — деген актёр.

Болдуин каргаша болгон жерде тартуу ишин улантпай турганын белгилеген.

"Ал менин досум болчу. Тартуу иштерин баштоо үчүн Санта-Феге келгенимде мен аны биздин режиссёр Жоэль менен кошо кечки тамакка чакыргам. Биз абдан мыкты команда болчубуз. Кийин ушундай каргашалуу окуя болуп кетти", — деди ал.

Эске салсак, Болдуин тасма тартуу аянтчасында машыгып жатып октолгон тапанча менен кесиптешин атып алган. Жыйынтыгында оператор Галина Хатчинс көз жумуп, режиссёр Жоэль Соуза оор жаракат алган. Актёр тапанча кадимкидей эле октолгонун билбегенин айткан.

171
Белгилер:
Алек Болдуин, актер, тасма, тапанча, режиссер, оператор, кырсык
Тема боюнча
Актёр Алек Болдуин тасма тартуу учурунда атып алган оператор аял көз жумду
Тасма талаасында кесиптешин атып алган Алек Болдуин биринчи жолу үн катты

Акыры өлтүрүп тынды. Сууда алышкан ак аюу менен бугунун видеосу

72
Интернет айдыңында мелмилдеген сууда ак аюу мүйүздөрү аркайган бугунун артынан сая түшүп, кууп бара жаткан видео тарады.

"National Geographic Россия" сайтынын маалыматына караганда, кишинин тынчын алып, кыпылдаткан бул окуя былтыр Норвегиянын Шпицберген архипелагында августтун аягында болгон.

Бугу душманы ак аюудан кургакты көздөй чуркабай, сууга кире качып, өзүн кооптуулукка кептеген. Польшанын илимий станциясынын изилдөөчүлөр тобу эки жаныбардын кармашын видеого тартып алган. Маалыматта негизи эле жогорудагы жырткычтын түндүк бугуга аңчылык кылган учурунун биринчи ирет камерага тартылгандыгы айтылган.

Кадрдан жаш ургаачы аюу шыргалаң сууда бугунун артынан сая түшүп алып сүзүп бара жаткандыгын көрүүгө болот. Ал бир нече мүнөткө созулуп, акырында жырткычтын мүйүздөрүн арткайтып, жаныбарды жээкке сүйрөп чыккан.

"Баары ушунчалык таңгалычтуу болгондуктан, документалдуу фильм көргөндөй абалда калдык. Мындан кийин буга окшогон окуяга эч качан туш келбейбиз дагы", — деген Гданьск университетинин биологу Изабела Кулашевич.

Ак аюу сууда эң сонун сүзөт, ал эми кургакта качкан бугуга жетпей калышы турган иш. Андан сырткары, Арктиканын башка бөлүктөрүндө түндүк бугуларга анча кооптуулук жаралбайт. Ал эми Шпицбергенде бул жаныбарларга аңчылык кылууга тыюу салынгандыктан, National Geographic саксактап, натыйжада алар аярлыгын бир топ жоготуп койгонун жазды.

72
Белгилер:
Норвегия, National Geographic, Россия, ак аюу, бугу, аңчылык, суу
Тема боюнча
Буйволду арстандын күчүктөрү тирүүлөй жеп... Аянычтуу видео
Ысык-Көлдө аюу менен ак илбирстер коруктун тышына чыкты. Сүрөт

Валентина Шевченко, жаңырган "кара жорго" жана көлдөгү машыгуу. Видео

812
(жаңыланган 16:00 30.11.2021)
UFC чемпиону Валентина Шевченконун Ысык-Көлдүн жээгинде өзү да машыгып, андан сырткары кыргызстандык спортчу кыздар менен өнөктөш катары иштеп жаткан видеосу тарады.

Видеолорду Шевченко Instagram баракчасына жарыялап, Ысык-Көл ага дем-күч берерин жазган. Мушкердин тер төгө спорт менен алектенип жаткан видеосу Ысык-Көлдөгү пансионаттардын биринин жээгинде тартылган. Кадрдан анын насаатчысы Павел Федотов экөөнүн пристанда машыгып жатканын көрүүгө болот.

"Мен Ысык-Көлдө машыкканды аябай сагындым. Бул мага күч бере турган жер", ― деп жазган спортчу өзүнүн Instagram баракчасына.

Шевченко видео ноябрь айында тартылганын белгилеп, жазган. Кыргызстандык мушкердин видеосу кыска убакыттын ичинде бир нече миң жолу көрүлгөн. Катталуучулар Кыргызстандын даңкын чыгарганы үчүн ага ыраазычылык билдирген пикирлерди калтырышкан.

Ал эми чемпиондун спортчу кыз менен өнөктөш катары машыгып жаткан экинчи видоосу да ошол эле пристандан тартылган.

Валентина Шевченко 21-ноябрда өлкөгө келген. Бишкекте ал маалымат жыйынын жана күйөрмандары менен жолугушуу өткөргөн. Садыр Жапаров мушкер кызды кабыл алып, 1 миллион сомдук сертификат тапшырган. 

812
Белгилер:
Валентина Шевченко, машыгуу, Ысык-Көл
Тема боюнча
Шевченко менен Холли Берринин "мушташы". Кинонун бет ачарынын видеосу
Эмоцияга алдырды. Валентина Шевченко Рафаэль Физиев тууралуу оюн айтты
Шевченко Нуньес менен үчүнчү кармашы тууралуу: ал менден өзү качып жаткандай
Студенттер. Архив

Кыргызстандык студенттер Эл аралык жаштар парламентинин угуучусу болду

0
(жаңыланган 10:28 01.12.2021)
Долбоордун иш-чаралары Парламенттер аралык ассамблеянын штаб-квартирасы жайгашкан Таврический сарайында жана Санкт-Петербург мамлекеттик университетинин эл аралык мамилелер факультетинде өтөт.

БИШКЕК, 1-дек. — Sputnik. Кыргызстандык студенттер Санкт-Петербургдагы Эл аралык жаштар парламентинин угуучусу болду. Бул тууралуу КМШ Парламенттер аралык ассамблеясы кеңешинин катчылыгынын маалымат кызматы билдирди.

Бул мектеп кечээ, 30-ноябрда, "Дүйнө өлкөлөрүнүн шайлоо системалары" II Эл аралык студенттик интернет-олимпиаданын жеңүүчүлөрү жана байге ээлери үчүн ачылган.

Долбоордун угуучулары болуп КМШнын жогорку окуу жайларында билим алып жаткан 30дан ашык студенттер Азербайжан, Армения, Беларусь, Казакстан, Кыргызстан, Молдова, Россия, Өзбекстан, Украина, Түркмөнстан жана Сербиянын жарандары болушту. Мектеп 4-декабрга чейин иштейт.

Парламенттер аралык ассамблеясы кеңешинин башкы катчысы Дмитрий Кобицкий долбоордун катышуучуларына өз саламын жолдоду. Ал бул иш-чара КМШнын түзүлгөндүгүнүн 30 жылдыгынын алдында өтүп жатканын белгиледи.

"Шериктештиктин келечеги түздөн-түз жаш муундан, алардын мезгилдин жаңы чакырыктарына даярдыгынан жана пайдалуу кызматташууну тандоосунан көз каранды", — деп баса белгиледи Кобицкий.

Анын айтымында, КМШ ПАА жаштардын коомдун саясий турмушуна жана мамлекеттин ишмердүүлүгүнө жигердүү катышуу укугун ишке ашырууга өзгөчө көңүл бурат.

Долбоордун иш-чаралары Парламенттер аралык ассамблеянын штаб-квартирасы жайгашкан Таврический сарайында жана Санкт-Петербург мамлекеттик университетинин эл аралык мамилелер факультетинде өтөт.

Жаштар мектебинин программасына интерактивдүү лекцияларды өткөрүү, студенттерди постсоветтик мейкиндикте интеграцияны өнүктүрүү боюнча көрөгөчтүккө (эксперттик баалоо ыкмаларынын системасы) даярдоо, КМШ ПАА Кеңешинин катчылыгынын иши менен таанышуу кирери белгиленди.

Программанын негизги иш-чарасы 2-декабрда илимий дебат форматында өтө турган "Электрондук добуш берүү: макул жана каршы" эл аралык конференциясы болмокчу. Командалар шайлоо процессинде санариптик технологияларды колдонууга арналган интеллектуалдык таймашка катышат. Конференциянын соңунда дебаттардын катышуучуларына сыйлык тапшырылат.

Мунун баары Көз карандысыз мамлекеттер шериктештигинин түзүлгөндүгүнүн 30 жылдыгына арналган "Жаштар парламентаризми КМШ өлкөлөрүнүн туруктуу саясий өнүгүүсүнүн жана өнөктөштүгүнүн негизи" долбоорунун бир бөлүгү. 2021-жылы долбоор РФ президентинин Гранттык фондунун колдоосуна ээ болгон.

0
Белгилер:
Кыргызстан, мектеп, парламент, жаштар, КМШ Парламенттер аралык ассамблеясы
Тема боюнча
Россия чет элдик студенттерге туруктуу жашоого жеңилдетилген жол менен уруксат берет