Ымыркайды 40 миң сомго баалап... Милиционерлердин бала "сатып алган" видеосу

378
(жаңыланган 18:36 10.11.2021)
Жалал-Абад шаарында милиция кызматкерлери жаңы төрөлгөн ымыркайды сатууга аракет кылган аялды аныктады. Бул тууралуу ИИМдин маалымат кызматы билдирди.

Укук коргоо органдарына шаар тургуну жасалма документ даярдоо менен алектене тургандыгы боюнча маалымат түшкөн. Жыйынтыгында милиция кызматкерлери жасалма документ менен жаңы төрөлгөн ымыркайды сатууга даярданып жаткан аялды аныкташкан.

Бул боюнча тергөө иштери жүргүзүлүп, ИИМ кызматкерлери баланы сатып ала турган тарап болгон. Алар аялдан ымыркайды "сатып алууга" барып, аны 40 миң сом алып жаткан жеринен колго түшүрүшкөн.

Жаңы төрөлгөн наристенин кыз экени айтылып, ал Жалал-Абад шаардык балдарды коргоо бөлүмүнө берилгени кошумчаланды.

378
Белгилер:
Жалал-Абад облусу, ымыркай, бала сатуу, милиция, кармоо, аял
Тема боюнча
Баштыктын ичине салып койгон. Бишкекте ымыркайдын сөөгү табылды

Бүгүн Садыр Жапаров 53 жашка чыкты. Шаардыктардын куттуктоосу видеодо

166
(жаңыланган 15:28 06.12.2021)
Бүгүн – Кыргызстандын президенти Садыр Жапаровдун туулган күнү. Ал ушул учурда 53 жаш курагын белгилеп жатат.

Sputnik Кыргызстандын кабарчысы көчөгө чыгып кыргызстандыктардын мамлекет башчыга болгон куттуктоосун жана каалоо-тилегин угуп келди.

Президент Садыр Жапаров жубайы Айгуль менен. Архив
© Пресс-служба президента КР / Султан Досалиев
Жарандар ага биринчи кезекте ден соолук каалашты. Ошондой эле президенттик мөөнөтүндө жолдорду, мектептерди, университеттерди оңдоп, Кыргызстанды өнүктүрсүн деген каалоо-тилектерин айтышты.

Садыр Жапаров 1968-жылы 6-декабрда Ысык-Көлдүн Түп районуна караштуу Кең-Суу айылында туулган. Орто мектепти 1986-жылы аяктап, Фрунзе шаарындагы Мамлекеттик дене тарбия жана спорт институтуна тапшырган. Бир жылдан кийин Советтик Армиянын катарына чакырылып, кызмат өтөп келген. Андан соң кайра окуусун уланткан. Кийин ЖК депутаты болгондо юридикалык билим алган.

Президент Садыр Жапаров тууралуу кызыктуу фактыларды Sputnik агенттигинин материалынан окуңуздар.

166
Белгилер:
Садыр Жапаров, президент, туулган күн, куттуктоо, шаар, эл
Тема боюнча
Келечегибиз аныкталат! Жапаров элди активдүү добуш берүүгө чакырды. Видео
Садыр Жапаров Кара-Кече көмүрү бүгүн 3 000 сомго түшөрүн айтты. Видео

Антарктидада Күн тутулуп, айлананы караңгылык каптаган видео

74
(жаңыланган 13:27 06.12.2021)
Түштүк уюлдун бардык аймагы Күн тутулганда эки мүнөт караңгылыкта калды. Астрономиялык сейрек көрүнүштү "Юнион Глейшер" илимий станциясы Эллсворттон видеого тартып алган.

Күн тутулган процессти толугу менен Антарктидадан гана көрүүгө болот. Ай континенттин үстүнөн жергиликтүү убакыт боюнча Күнгө саат 04:00дө кирип, толугу менен аны 04:33тө жаап калган.

Эске салсак, кыргызстандыктар өзгөчө астрономиялык кубулушка күбө болуп, Күндүн тутулушун көрүү мүмкүнчүлүгүнө 2020-жылы жай айында күбө болгон.

74
Белгилер:
Антарктида, күндүн тутулушу, видео
Тема боюнча
NASA 2017-жылдын эң популярдуу ирмемдерин жарыялады
Башкы прокурор Курманкул Зулушев. Архив

Кирешесинен чыгашасы көп. Баш прокурор Зулушевдин кандай мал-мүлкү бар

0
(жаңыланган 18:00 06.12.2021)
Баш прокурордун жакын туугандары былтыр 250 миң сом киреше тапса, чыгашасы 4,9 миллион сомго жеткен.

БИШКЕК, 6-дек. — Sputnik. Салык кызматы башкы прокурор Курманкул Зулушевдин мал-мүлкү тууралуу 2020-жылга карата тапшырган декларациясын жарыялады.

Документке ылайык, башкы прокурор бир жылда 750 722 сом иштеп тапкан, чыгашасы жазылган эмес. Ал Toyota (үлгүсү көрсөтүлгөн эмес) автоунаасына, 70 миң сомдук эмерек, 25 миң сомдук компьютер жана техникага ээлик кылат. Мындан сырткары, 250 миң сомго бааланган бодо малы, 700 миң сомдук жылкы, 1 650 000 сомдук таза кандуу аргымактары бар.

Ал эми жакын туугандары 2020-жылы 250 миң сом киреше чогулткан. Ошол эле учурда чыгашасы 4,9 миллион сомго жеткен. Алардын 119 чарчы метрлик турак жайы, аянты 8,1 гектар айыл чарба багытындагы жер тилкеси бар.

Белгилей кетсек, Курманкул Зулушев 2020-жылдын октябрь айына чейин Жогорку Кеңештин депутаты болуп иштеген.

0
Белгилер:
Курманкул Зулушев, мал, мүлк, декларация, Башкы прокурор, туугандар
Тема боюнча
Жер тилкеси 20дан ашып... Жээнбеков президент болгондон кийин канчалык байыган
Садыр Жапаров жана анын үй-бүлөсү кандай мал-мүлккө ээлик кылары жарыяланды