Бизнеске миллиондогон каражат бөлүнөт. РФ компанияларынын сапары видеодо

180
Борбор калаага россиялык компаниялардын эл аралык көп тармактуу бизнес-миссиясы үч күндүк сапары менен келди. Иш-чаранын алгачкы күнүндө кыргызстандыктар үчүн бир катар маанилүү нерселер айтылды.

Иш-чарага Россиядан 60тан ашык компаниянын өкүлү келген, кыргыз тараптан 200дөн ашуун компания өкүлдөрү катышууда.

Россиянын Кыргызстандагы элчиси Николай Удовиченконун пикиринде ЕАЭБ алкагында түзүлгөн механизмдер эң катаал жылдарда Кыргызстан менен Россиянын эки тараптуу байланышын сактап калууга көмөгүн көрсөттү. Ошондой эле Россия салык системасын модернизациялоого, товарларды маркалоо жана көзөмөлдөө системасын киргизүүгө көмөктөшүүдө. Бул программалар үчүн Россия миллиарддаган каражат которгон.

Россия-кыргыз өнүктүрүү фондунун төрагасы Артём Новиков Кыргызстанга жакынкы жылдары 400 миллион доллар тартыла турганын айтты. "Росэксимбанк" фонд менен биргелешип каржылоо үчүн 200 миллион доллар өлчөмүндөгү каражатты бөлөт. Ошондой эле россиялык "Нацпромлизинг" менен "Нацпромлизинг-Кыргызстан" лизинг компаниясын түзүү макулдашылган. Анын түзүлүшү менен Кыргызстандын экономикасына жакынкы жылдары 200 миллион доллар тартылат.

Новиков РКӨФ учурда экология тармагында эки долбоорду даярдап жатканын белгиледи. Биринчисинде Бишкектин тегерегиндеги конуштардагы турак үйлөргө геотермалдык жылытуу долбоорун киргизүү пландалууда. Экинчисинде бензиндин кымбаттап жатканына байланыштуу газды автоунааларда күйүүчү каражат катары колдонууга шарт түзүү каралууда.

180
Белгилер:
Россия, Кыргызстан, Бишкек, Евразиялык экономикалык биримдик, Россия-кыргыз өнүктүрүү фонду, бизнес, долбоор
Тема:
Россиялык компаниялардын Кыргызстандагы миссиясы (13)
Тема боюнча
Кыргызстанга Россиянын алдыңкы 70 компаниясынын өкүлдөрү келет. Максаты

Жоламан күрөшкөндө титиреп турам... Легендарлуу Хаким агайдын видеосу

95
(жаңыланган 13:29 02.12.2021)
Совет убагынан бери жүздөгөн баланы машыктырган Хаким Махмудов соңку он жылда Кыргызстанды дүйнөгө тааныткан Жоламан Шаршенбековду таптап берди. Учурда 84 жашта экенине карабастан ишин улантып келет.

Sputnik Кыргызстан маалымат агенттиги легендарлуу машыктыруучу жана анын окуучусу тууралуу видео тартты. 

Финалист Чемпионата мира борец греко-римского стиля Жоламан Шаршенбеков с личным тренером мастером спорта СССР, заслуженным тренером Киргизской ССР Хакимом Махмудовым
© Sputnik / Табылды Кадырбеков
Хаким Махмудов Таласта туулуп-өскөн. Бишкектеги дене тарбия институтун бүткөндөн кийин өзү эңсеген машыктыруучулук кесибин аркалай баштаган. Убагында СССРдин спорт чебери болуп, Кыргыз ССРинин Эмгек сиңирген машыктыруучу наамын алган

Хаким Махмудов Таласта туулуп-өскөн. Бишкектеги дене тарбия институтун бүткөндөн кийин өзү эңсеген машыктыруучулук кесибин аркалай баштаган. Убагында СССРдин спорт чебери болуп, Кыргыз ССРинин Эмгек сиңирген машыктыруучу наамын алган. 

Мастер спорта СССР, заслуженный тренер Киргизской ССР Хаким Махмудов в молодости
© Фото / из личного архива Хакима Махмудова
Хаким Махмудов 60 жылдык машыктыруучулук ишинде көптөгөн спортчуну бийиктикке жеткирген

60 жылдык машыктыруучулук ишинде көптөгөн спортчуну бийиктикке жеткирген. Совет маалын эске албаганда учурдагы белгилүү окуучулары — дүйнө чемпионатынын эки жолку чемпиону Жоламан Шаршенбеков, Рио Олимпиадасынын катышуучулары Жанарбек Кенжеев менен Мурат Рамонов. Рамоновду беш жыл тарбиялап, курама командага өткөрүп берген. 

Мастер спорта СССР, заслуженный тренер Киргизской ССР Хаким Махмудов и участник олимпиады в Рио по борьбе Жанарбек Кенжеев
© Фото / из личного архива Хакима Махмудова
Учурда Хаким Махмудов Бишкектеги Раатбек Санатбаев атындагы олимпиадалык резервдеги адистештирилген балдар жана өспүрүмдөр спорт мектебинде эмгектенет. Жоламан сыяктуу ондон ашуун баланын машыгуусун жеке өзү көзөмөлдөйт

Учурда Хаким Махмудов Бишкектеги Раатбек Санатбаев атындагы олимпиадалык резервдеги адистештирилген балдар жана өспүрүмдөр спорт мектебинде эмгектенет. Жоламан сыяктуу ондон ашуун баланын машыгуусун жеке өзү көзөмөлдөйт. Азыркыга чейин күрөштүн көтөрүп чабуу сыяктуу ыкмаларын жасайт, кээде жөн гана айтып берип турат. 

Мастер спорта СССР, заслуженный тренер Киргизской ССР 84-летний Хаким Махмудов на тренировке с учениками в зале в Бишкеке
© Sputnik / Табылды Кадырбеков
Хаким Махмудов азыркыга чейин күрөштүн көтөрүп чабуу сыяктуу ыкмаларын жасайт, кээде жөн гана айтып берип турат 

Жоламан Шаршенбеков Хаким агайдын колуна 2009-жылы Касымбек жана Тынарбек аттуу агаларын ээрчип келген.

"Жаңы босогону аттаганда Хаким агайым турган экен. Менин колумду кармап, "оо, мындан чыкчудай экен" деп көңүлүмдү көтөргөнү эсимде. Көбү менин алгачкы жана жеке машыктыруучумду билбеши мүмкүн, ийгиликтеримдин аркасында дал ушул агайым турат", — деп алгачкы күндү жылуу эстеди спортчу.
Мастер спорта СССР, заслуженный тренер Киргизской ССР, личный тренер по греко-римской борьбе Жоламана Шаршенбекова 84-летний Хаким Махмудов во время тренировок со своим учеником в зале
© Sputnik / Табылды Кадырбеков
"Күрөштөгү эң чоң артыкчылыгы — чыдамкайлык. Ким менен кармашса да чарчабай, аягына чейин кармашат", — дейт Хаким Махмудов окуучусу тууралуу.

Балбанды машыктыруучусунан жакшы түшүнүп-билген адам жок, шакиртинин спорттогу өзгөчөлүктөрүн гана эмес, кулк-мүнөзүн билет.

"Жоламанды мактанып кетпесин деп көп жакшы жактарын айтпайм. Биринчи орунда адамгерчиликтүү, угат, эмне десең ошого макул болот, баарын түшүнөт. Анан өзүнүн оюн айтат, айырмасы ушунда. Спортту жакшы көрөт, жан дили менен машыгат. Күрөштөгү эң чоң артыкчылыгы — чыдамкайлык. Ким менен кармашса да чарчабай, аягына чейин кармашат", — деди Хаким Махмудов.
Финалист Чемпионата мира борец греко-римского стиля Жоламан Шаршенбеков с личным тренером мастером спорта СССР, заслуженным тренером Киргизской ССР Хакимом Махмудовым
© Sputnik / Табылды Кадырбеков
Балбан 22 жашында чоңдор арасында дүйнөнүн эки жолку чемпиону аталып, дүйнө кубогун утуп, Токио Олимпиадасына катышкан. Жалпысынан 14 ири мелдеште алдыңкы орундарды алган

Машыктыруучу жаш курагына байланыштуу Жоламанды чет мамлекеттеги мелдештердин бардыгына коштоп бара албайт. Бирок беттештерин санааркап отуруп көрүп, тилек кылып турат.

"Жоламан күрөшүп жатканда мен титиреп турам, жүрөк кармап калбасын дейм. Машыктыруучулардын арасында окуучусу күрөшүп жатканда жүрөгү токтоп калып кайтыш болуп калгандар бар. Кудай деп үйдөн дуба кылып турам", — деди Хаким агай.
Мастер спорта СССР, заслуженный тренер Киргизской ССР 84-летний Хаким Махмудов на тренировке с учениками в зале в Бишкеке
© Sputnik / Табылды Кадырбеков
Машыктыруучу менен окуучусунун максаты — эми Олимпиада оюндарында медаль алуу

Машыктыруучу менен окуучусунун максаты — эми Олимпиада оюндарында медаль алуу. Хаким агай Жоламанды дагы он жыл күрөшсө дейт. Экөө азыр ири мелдештерге гана катышууну ойлоп жатышат. Балбан 22 жашында чоңдор арасында дүйнөнүн эки жолку чемпиону аталып, дүйнө кубогун утуп, Токио Олимпиадасына катышкан. Жалпысынан 14 ири мелдеште алдыңкы орундарды алган. 

Мастер спорта СССР, заслуженный тренер Киргизской ССР, личный тренер по греко-римской борьбе Жоламана Шаршенбекова 84-летний Хаким Махмудов во время тренировок со своим учеником в зале
© Sputnik / Табылды Кадырбеков
Хаким Махмудов ден соолукта болуп, узак өмүр сүрүү үчүн ар дайым эмгек кылып, кыймылдап, жарык маанайда жүрүү керектигин айтты

 

Хаким Махмудов ден соолукта болуп, узак өмүр сүрүү үчүн ар дайым эмгек кылып, кыймылдап, жарык маанайда жүрүү керектигин айтты. Бүгүн, 2-декабрда, улуу устат 84 жашка чыкты.

95
Белгилер:
Жоламан Шаршенбеков, күрөш, машыктыруучу, видео, Хаким Махмудов
Тема боюнча
Элдин колдоосун сездим. Мээрим Жуманазарованын Олимпиададан кийинки алгачкы маеги
Айсулуу үчүн бул мелдеш оор болду. Нурбек Изабековдун Ослодон курган видеомаеги
"Сен күрөшөсүңбү?" деп таң калышат. Балбан Сезим Жуманазарованын видеобаяны
Айсулуу, Акжол, Эрназар жеңүүчү. Спорттогу мыктылар сыйланган аземден сүрөт, видео

Пил күркүрөп келип туристтер отурган автоунааны талкалап салды. Видео

99
Түштүк Африкадагы жаратылыш парктардын биринде жаалданган пил туристтерге кол салып, алар качып кутулган.

Стажёрлор менен алардын насаатчылары Түштүк Африкадагы Селати жаратылыш паркында аз жерден өмүрү менен кош айтышып кала жаздагандыгын USA Today жазган.

Видеодон пил күркүрөп, чапчып, кишилер отурган жолтандабасты аз жерден ала салдырып сала жаздаганын көрүүгө болот.

Башка автоунаадагылар тартып алган видеого автоунааны жөөлөп, андан соң тумшугу, башы менен бир аз көтөрүп келип кайырганда ичиндегилердин ичинен бирөө ыргып кеткени түшүп калган. Анын каарына калгандар эле эмес сырттан карап тургандарды күркүрөп, чаңыра үн салып жатканы чочутпай койбойт.

Башка видеодо инструктордун "качкыла" деген кооптонгон үнү чыгып, ичиндегилер коопсуз жайды көздөй качып чыккан. Бир нече убакыттан соң алп жаныбар талкалап жаткан автоунааны таштап, дарактарды көздөй кетип бара жатканына күбө болобуз.

Окуянын видеосу социалдык тармакка тез эле тарап кеткен.

Бул кырсыкка тиешеси бар EcoTraining компаниясы мындай абалдын эмне себептен келип чыккандыгын түшүндүрүп берген.

"Стажёрлор менен алардын насаатчылары күндөгүдөй эле паркты кыдырып жүрүп, пилдин балдары топ болуп турган жерге келишкен. Алар жаныбарларга байкоо салыш үчүн автоунааны токтотуп туруп калган. Муну пилдин чоңдору кооптуулук катары кабыл алып, капталдан чуркап чыга калып, кишилерге кол салган. Талкалаган автоунаадан чыккан адамдар башка жол тандабаска отурган", — деп түшүндүргөн компания өкүлү.

Буга чейин Замбияда жаалданган пилдин крокодилди тебелеп өлтүргөн учуру жарыяланган.

99
Белгилер:
Түштүк Африка, пил, кол салуу, турист
Тема боюнча
Пил аялды тепселеп коё жаздап... Чочутуп, андан соң жылмайткан видео
Депутатттар Жогорку Кенеш. Архивдик сүрөт

500 сомго эле азайдыбы? Жапаровдун жарлыгына чейин депутаттар канча маяна алчу

145
(жаңыланган 18:40 02.12.2021)
Бир жыл мурунку маалымат менен салыштырганда, депутаттардын гана айлыгы 500 сомго азайып, төрага менен вице-спикерлердики өзгөрүүсүз калган.

БИШКЕК, 2-дек. — Sputnik. Бүгүн президенттин маалымат кызматы Жогорку Кеңештин депутаттарынын маянасы азайтылганы тууралуу маалымат таратты. Чыгымдарды кыскартуу тууралуу жарлыкка мамлекет башчы Садыр Жапаров кол койгон. 

Ага ылайык, мындан ары төрага 30 миң, орун басарлары 27 миң, фракция лидерлери менен тармактык комитеттин төрагалары 26 миң, депутаттар 25 миң сом алары (оклад) көрсөтүлгөн. Бирок билдирүүдө эл өкүлдөрүнүн эмгек акысы канча пайызга кыскартылганы жазылган эмес.

Белгилей кетсек, былтыр пандемия күчөп жаткан маалда "депутаттар каникулга чыгып кетсе да 200-300 миң сомдон эмгек акы алып жатат" деген маалымат тараган. Ошол кездеги парламенттин маалымат кызматынын жетекчиси Ибраим Нуракун уулу жогоруда аталган кепти төгүндөп, эл өкүлдөрү чынында канча айлык аларын айткан. 

Эгер аны менен салыштыра турган болсок, депутаттардын маянасы 500 сомго гана азайган. Ал эми төрага менен вице-спикерлердики өзгөрүүсүз эле калган. Мында фракция лидерлери менен комитеттин төрагалары канча алары айтылган эмес. 

Президенттин жарлыгынан кийин ЖК депутаттарынын маянасы канчага кыскарат
© Фото / Даниил Сулайманов
Президенттин жарлыгынан кийин ЖК депутаттарынын маянасы канчага кыскарат

Бул жерде кеп негизги айлыгы, башкача айтканда, оклады жөнүндө гана сөз болууда. Эмгек кодексине ылайык, иш тажрыйбасына, класстык чинине карап дагы кошумча төлөнөт. Бир айлык маянасынын суммасына барабар эмгек өргүү акысы төлөнөт. Мындан сырткары, транспорттук чыгымдарга, концелярдык буюмдарга деп ай сайын ар бир депутатка 40 миң сомдон берилет.

Ошондой эле Жапаров бүгүнкү жарлыгы менен кызматтык автоунааларды дагы алып салганы жазылган.

"Буга чейин Жогорку Кеңештин депутаттарына турак жай үчүн компенсация төлөнүп келген. Бул жарлык менен компенсациялар жана кызматтык автоунаалар алып салынды, ал эми колдо бар кызматтык батирлер турак жайы жок парламент депутаттарына бөлүштүрүлөт", — деп билдирди маалымат кызматы.

Жогорку Кеңештин азыркы VI чакырылышынын депутаттары 2015-жылдын ноябрында кызматтык унаадан баш тарткан. Төрага жана анын эки орун басары, майыптыгы бар эл өкүлү гана автоунаа менен камсыздалат. Калганы жеке унаасы менен иштөөгө макул болгон.

Ал эми кызматтык турак жайлар Бишкекте жашай турган жери жок парламентарийлердин баарына берилип келет.

145
Белгилер:
Жогорку Кеңеш, депутат, маяна, азайтуу, салыштыруу
Тема боюнча
Президенттин иш башкармалыгы эми Жогорку Кеңешти да тейлемей болду
Бирөөнүн ордуна добуш бере албайсыңар. ЖКнын вице-спикери шайланбай калды