Аксы: шектүүнүн үйүнөн курал менен кошо аюу, суусардын териси чыкты. Видео

145
(жаңыланган 18:40 10.11.2021)
Милицияга Жалал-Абад облусундагы Аксы районунун тургуну үйүндө мылтык, курал-жарактарды сактап жүрөт жана уюшкан кылмыштуу топтун мүчөлөрү менен байланышы болушу мүмкүн деген ыкчам маалымат келип түшкөн.

Айтылган жерге барган тартип сактоо кызматкерлери ал кишини кармаган.

Үйүн тинткенде төмөнкүлөр табылган:

  • номуру өчүрүлгөн 7,62 калибрлүү "Сайга" үлгүсүндөгү сайлуу мылтык;
  • -7,62 калибрлүү "Мосина" үлгүсүндөгү сайлуу мылтык (карабин);
  • колго жасалган бычак;
  • сейрек кездешкен жаныбарлардын: аюу, сүлөөсүн, суусардын терилери чыккан.

ИИМден бул жаныбарлар Кызыл китепке киргендигин жана аларды атууга тыюу салынганын эскертишти.

ИИМдин тергөө кызматы тарабынан Жазык кодексинин 253-беренесинин 3-бөлүмү ("Ок атуучу куралдарды, ок-дарыларды мыйзамсыз жүгүртүү") боюнча сотко чейинки өндүрүш жүргүзүлүп жатканын айтышты.

Учурда мыйзамсыз аракеттерди жасоого тиешеси бар башка адамдарды аныктоо жана аларды жоопкерчиликке тартуу боюнча ыкчам-тергөө иш-чаралары жүрүп жатканын кошумчалашты.

145
Белгилер:
Кыргызстан, Жалал-Абад облусу, мылтык, аюу, сүлөөсүн, суусар
Тема боюнча
Ак илбирс, чүткөр, түлкү… Баткенде фотокапканга түшкөн жаныбарлардын сүрөтү

Валентина Шевченко, жаңырган "кара жорго" жана көлдөгү машыгуу. Видео

96
(жаңыланган 16:00 30.11.2021)
UFC чемпиону Валентина Шевченконун Ысык-Көлдүн жээгинде өзү да машыгып, андан сырткары кыргызстандык спортчу кыздар менен өнөктөш катары иштеп жаткан видеосу тарады.

Видеолорду Шевченко Instagram баракчасына жарыялап, Ысык-Көл ага дем-күч берерин жазган. Мушкердин тер төгө спорт менен алектенип жаткан видеосу Ысык-Көлдөгү пансионаттардын биринин жээгинде тартылган. Кадрдан анын насаатчысы Павел Федотов экөөнүн пристанда машыгып жатканын көрүүгө болот.

"Мен Ысык-Көлдө машыкканды аябай сагындым. Бул мага күч бере турган жер", ― деп жазган спортчу өзүнүн Instagram баракчасына.

Шевченко видео ноябрь айында тартылганын белгилеп, жазган. Кыргызстандык мушкердин видеосу кыска убакыттын ичинде бир нече миң жолу көрүлгөн. Катталуучулар Кыргызстандын даңкын чыгарганы үчүн ага ыраазычылык билдирген пикирлерди калтырышкан.

Ал эми чемпиондун спортчу кыз менен өнөктөш катары машыгып жаткан экинчи видоосу да ошол эле пристандан тартылган.

Валентина Шевченко 21-ноябрда өлкөгө келген. Бишкекте ал маалымат жыйынын жана күйөрмандары менен жолугушуу өткөргөн. Садыр Жапаров мушкер кызды кабыл алып, 1 миллион сомдук сертификат тапшырган. 

96
Белгилер:
Валентина Шевченко, машыгуу, Ысык-Көл
Тема боюнча
Шевченко менен Холли Берринин "мушташы". Кинонун бет ачарынын видеосу
Эмоцияга алдырды. Валентина Шевченко Рафаэль Физиев тууралуу оюн айтты
Шевченко Нуньес менен үчүнчү кармашы тууралуу: ал менден өзү качып жаткандай

Суукка кайыккан, жылаңайлак калган, кар алдында кир жууган мигранттар. Видео

110
Беларусь — Польша чек арасында суукка кайыккан мигранттарга жардам кылууга ыктыярчы болгондор кышкы бут кийим алып келип берип, алардын жуунуп алуусуна шарт түзүп беришти.

"Беларусь — Польша чек арасында турган мигранттардын бул күнү жуунуп-тазалануудан башталды. Алгач медиктер качкындарды карап чыкты, андан соң суук кадыресе түшүп, кар жаап жатса да аялдар, кыздар эшиктен кирлерин жууп алды", — деп маалымдаган Sputnik Беларусь.

Кадрдан карда, суукта мигранттардын айрымдары курткачан турганы менен бутуна ар тарабы ачык жайкы тапичке кийип, кылчылдап үшүп жатканын көрүүгө болот.

Бирок бул күн алар үчүн майрам болду. Аларга волонтерлор 900 жуп кышкы бут кийим алып келип, 200үн эркектерге, 700үн аялдарга таратып беришкен.

Тикенектүү зымды бойлой каңгып басып жүргөн мигранттарды көбүнүн жылуу аба ырайына ылайыкталган бут кийимдеринин таманы эбак түшүп, капталынан дал-дал болуп айрылганын көрүүгө болот.

Беларусь башчысы Александр Лукашенко логистика борборуна баргандан кийин качкындардын ыктыярчыларга кайрылып, зарыл болгон нерселерин айтып алууга мүмкүнчүлүк түзүлдү. Муктаждыктарын тизмеге жаздыруу үчүн мигранттар сааттап кезекке турду.

Мигранттардын жок дегенде буту үшүбөй турушун камсыздаган учур тартып алынган видеону назарыңыздарга сунуштайбыз.

110
Белгилер:
Беларусь, Польша, чек ара, мигранттар, бут кийим, кыш
Тема боюнча
Польшадагы качкындар жагдайынын Кыргызстанга таасири. Серепчилер эмне дейт
"Спецназ жана кибер чабуулдар". Европа Америкадан өч алгысы барбы?
Жогорку Кеңештин жыйын залы. Архив

Эртең Жогорку Кеңеш үч депутаттын кол тийбестигин алуу маселесин карайт

0
(жаңыланган 17:19 30.11.2021)
27-ноябрда дагы эл өкүлдөрүнүн кол тийбестигин алуу боюнча ЖКнын кезексиз жыйыны пландалып, кворум жоктугунан өтпөй калган.

БИШКЕК, 30-ноя. — Sputnik. Жогорку Кеңештин депутаттары эртең, шаршемби күнү, жыйынга чогулат. Бул тууралуу маалымат парламенттин сайтына жүктөлдү.

Жыйын саат 10:00дө башталат. Күн тартибине ЖК депутаттары Асылбек Жээнбековду, Төрөбай Зулпукаровду, Бакыт Жетигеновду кол тийбестик укугунан ажыратуу маселеси киргизилген. Башкы прокурор Курманкул Зулушев аталган эл өкүлдөрүн кылмыш жоопкерчилигине тартууга макулдук берүүнү сураган. Анын сунуштамасын кароо үчүн атайын депутаттык комиссия түзүлөт.

Мындан башка дагы 10го чукул мыйзам долбоорлору каралары күтүлүүдө.

Буга чейин 27-ноябрда дагы эл өкүлдөрүнүн кол тийбестигин алуу боюнча ЖКнын кезексиз жыйыны пландалып, кворум жоктугунан өтпөй калган.

Белгилей кетсек, Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында. Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

0
Белгилер:
Жогорку Кеңеш, жыйын, шайлоо, кол тийбестик
Тема боюнча
Атамды тынч койгула! Жапаров ага акаарат келтирген жарандарга жооп берди