Беларустун чек арасында мигранттарга тамак таратууда башаламандык жаралды

320
(жаңыланган 21:37 12.11.2021)
Беларусь менен Польшанын чек арасындагы качкындардын лагеринде БУУ өкүлдөрү тамак таратып жатканда башаламандык жаралды.

Мигранттардын бири ыктыярчылардын колунан тамак-ашты жула баштагандыктан ызы-чуу жаралып, бир аял жабыркады. Аны топ адамдын арасынан алып чыгып медициналык жардам көрсөтүшкөн.

Бир сутка ичинде 18 киши медициналык жардам алуу үчүн кайрылган. Тез жардам кызматынын бригадасы качкындар жайгашкан жерге 20 жолу барган. Кырдаалды аба ырайынын сууктугу оорлотуп жатат. Түнкүсүн абанын температурасы минусту көрсөтүүдө.

Жайында Белоруссия менен Польшанын, Литва менен Латвиянын чек ара тилкелеринде Жакынкы Чыгыш жана Түндүк Африка мамлекеттеринен келип, Батыш Европага өткүсү келген качкындардын саны көбөйгөн. Кырдаал 8-ноябрда курчуп, тикенек зым тартылган жерге эки миңге чукул адам топтолгон. Польшанын күч органдары көздөн жаш агызуучу газ колдонуу менен качкындарды токтоткон. Мигранттар лагерь уюштуруп алышты. Алардын көбү балдары менен.

Варшава, Вильнюс жана Рига мындай көрүнүштүн жоопкерчилигин Белоруссияга илип жатат. Минск болсо четке кагууда. Президент Александр Лукашенко элдин агымын мындан ары кармап тура албай турганын айтты.

320
Белгилер:
Беларусь, Польша, чек ара, качкын, Мигрант
Тема боюнча
Москва шаарынын бийлиги мигрант-куруучулардан баш тартуу ниетинде

Шайлдабекова: бул ирет мыйзамсыздыкты ооздуктоого бийликтин эрки жетти. Видео

330
Бул жолку шайлоодо админресурс, добуш сатып алууларды ооздуктоого мамлекеттик бийликтин эрки жетти. Борбордук шайлоо комиссиясынын төрайымы Нуржан Шайлдабекова кечээ, 28-ноябрда, берген маалымат жыйында билдирди.

Белгилей кетсек, буга чейинки жыйындардын биринде Шайлдабекова былтыркы парламенттик шайлоодо БШК, укук коргоо органдары, өкмөт административдик ресурс, добуш сатып алуу боюнча мыйзам бузууларды ооздуктай албаганын айткан. Буга мамлекеттик бийликтин саясий эрки жетпей калганын белгилеген.

Sputnik Кыргызстандын кабарчысы "бул ирет бийликтин эрки жеттиби, алардын аракети БШКны канааттандырдыбы?" деп сурады.

"Мен эрки жетти деп ойлойм. Анткени "кандайдыр бир басым болду" деген арыздар абдан аз түштү. Админресурс боюнча түшкөн билдирүүлөрдүн мазмунун карасак башкача. "Айыл өкмөт үгүт иштерине аралашып жүрөт" деген сыяктуу. Мурдагыга салыштырмалуу административдик ресурстун белгиси таптакыр башка болууда. Санынан да, сапатынан да. Муну коомчулук көрүп турду деп ойлойм. Албетте, бир жолу эле бардык көйгөйдү чечип салуу мүмкүн эмес. Добуш сатып алуулар да сезилерлик деңгээлде азайды", — деди Шайлдабекова.

Мындан сырткары, ал БШК укук коргоо органдары менен тыгыз координацияда иштеп жатканын белгиледи.

"Борбордук шайлоо комиссиясынын кароосунун натыйжасында кыскартылган бир нече тергөө кайра ачылды. Бул жолу биз укук коргоо органдары менен шайлоо мыйзамдарын бузууга жол бербеген алдын ала эффективдүү чараларды көрө алдык. Бирок бардык шайлоо процессинде мыйзам бузуулар болот. Мисалы, мында арыздардын көбү үгүт эрежелерин бузуу жөнүндө болду. Мурда административдик ресурсту пайдалануу, добуш сатып алуу тууралуу көп түшчү", — деди БШКнын жетекчиси.

Нуржан Шайлдабекова Борбордук шайлоо комиссиясын 2016-жылдан бери жетектеп келет. Үстүбүздөгү жылдын июль айында экинчи мөөнөткө шайланган.

330
Белгилер:
Нуржан Шайлдабекова, бийлик, жыйынтык, админресурс, добуш
Тема:
Жогорку Кеңешке жаңы тартип менен болчу шайлоо
Тема боюнча
Жапаров: мурда мен да Шайлдабекованы жаман көрчүмүн, кийин түшүндүм
Байсалов: "Шайлоо" системасы үзгүлтүккө учураган эмес, таблицадан ката кеткен

Кененсаров баштаган "Азия MIX" командасы Москвадагы КВНге катышты. Видео

426
(жаңыланган 15:37 29.11.2021)
Бишкектин "Азия MIX" командасы Москвада КВНдин 60 жылдык юбилейине катышты. Оюн кечээ Россиянын Биринчи каналынан көрсөтүлдү.

"Шайырлар жана тапкычтар клубунун" юбилейлик оюну эң таанымал командаларды чогулткан, арасында мурда кубокту уткандар жана чемпион болгондор бар. Иш-чара 23-ноябрда Москвадагы Crocus City Hall концерттик залында өттү.

Калыстар тобуна Россиянын президентинин маалымат катчысы Дмитрий Песков, музыкант, саясатчы жана RTVI телеканалынын башкы продюсери Сергей Шнуров, Биринчи каналдын башкы директору Константин Эрнст, режиссер жана алып баруучу Юлий Гусман, Россиянын эл артисти Геннадий Хазанов жана актриса Юлия Пересильд кирген.

Бишкектин командасынын курамында Эльдияр Кененсаров жана иниси Эрмек Кененсаров, Камила Абдил, Сергей Душимов, Азамат Токтосунов, Азамат Уланов жана башкалар ойногон.

Программанын саламдашуу бөлүмүндө кыргызстандыктар Дмитрий Песков тууралуу тамашалуу ыр ырдаган.

"Башчыңар каякта, жолдобу? Ал азыр Кремлде жалгыз отуруп көп маселени чечип жатат. Чалса албайсыңар, бир саат издеди, а силер КВН көрүп жыргап отурасыңар", — деп айтылган ырда.

"Азия MIX" финалды да ыр менен жыйынтыктаган.

КВН 1961-жылдын 8-ноябрынан бери көрсөтүлүп келет.

426
Белгилер:
Москва, 'Азия MIX', КВН, Дмитрий Песков, шоу, юбилей
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт
Кыргызстандык Аскат Осмонов Азиянын келишимдүү жигити сынагына катышууда. Видео
Чай. Архив

Чайды өтө кызыл демдеп ичпеш керек. Эндокринологдун кеңеши

8
Эндокринолог кайсы бир дарыны, маселен, канды суюлтуу үчүн аспирин ичип жаткандарга да кызыл демделген чайды сунуштаган эмес.

БИШКЕК, 30-ноя. — Sputnik. Эндокринолог, диетолог Оксана Михалева кимдерге чай ичкенге болбой турганын айтты. Адистин кеңеши "Известия" басылмасына жарыяланды.

Эндокринолог чайдын курамында полифенол (катехиндер, теафлавиндер,флавоноиддер), амин кычкылы, A, C, K, β-каротин витаминдери, органикалык кычкылдар, липид, белок, углевод, кофеин, фтор, бор, кобальт, жез, марганец жана цинк сыяктуу микронутриенттер бар экенин айтып, ал микробго каршы таасир эте аларын, антиоксиндат экенин белгилеген. Холестеринди түшүрүүгө да жардам берет.

Ошол эле учурда медик аны көп ичүү зыян экенин эскерткен.

"Кызыл демделген чайды көп ичүү өзгөчө ашказанды оорутуп, жүрөктү айлантып, ичти катырышы ыктымал. Ошондой эле боорду бузуп, нерв системасына, уйкуга терс таасирин тийгизиши мүмкүн", — деди адис.

Мындан улам Михалева аритмия, жүрөк оору, депрессия, кант диабети, гипертония, бөйрөк оорусу менен жабыркагандар, ашказанда жарасы барлар, он эли ичегиси ооругандар, боорунда өнөкөт дарты барларга кызыл демделген чайды сунуштаган эмес. Анткени бул учурда мындай илдети барлардан кан кетиши ыктымал.

Эндокринолог кайсы бир дарыны, маселен, канды суюлтуу үчүн аспирин ичип жаткандарга да чайды өтө кызыл демдеп ичпеш керектигин эскерткен. Бул учурда дагы кан кетиши мүмкүн.

8
Белгилер:
эндокринолог, чай, эскертүү, алдын алуу, жүрөк, оору
Тема боюнча
Адис чарчоону чакырган тамактарды санап берди
Дарыгер эмнеге кеңсе жумушу адамды стресске кептей турганын айтты
Дарыгер күз-кышта адам эмнеге уйкусурап, чарчай берерин айтып берди