Кубанган, ызаланып ыйлаган балдар. Шахмат боюнча Президенттин кубогунан видео

353
Бишкекте шахмат боюнча балдар арасында КР президентинин кубогу өттү. Ага өлкөнүн бардык аймактарынан 6дан 14 жашка чейинки 350 шахматчы катышты. Алар жаш курагы боюнча 5 категорияга бөлүнүп, кыздар менен уул балдар өзүнчө таймашты.

Турнирде жалпысынан алдыңкы үч орун үчүн 30 медаль ойнотулду. Финалдык беттештер бүгүн, 13-ноябрда, жыйынтыкталды.

Борбор калаада жашаган Жибек Сагынбекова 8 жашка чейинки кыздар арасында 1-орунду алды. Ал ушуну менен Президенттин кубогун экинчи ирет утту, буга чейин эки жолу Кыргызстандын чемпиону болгон. Мындан сырткары, эл аралык турнирлерде алдыңкы орундарга жетишкен.

"Финалдагы атаандашымды кыйынчылык менен жеңдим. Аягында ал мага "ат" (шахмат фигурасы — ред.) менен келди эле "пил" менен чаптым. Анан "ладья" менен чапты эле аны кайра мен чаап алдым. Ошондон кийин өзү "багындым" деди. Мен шахмат менен беш жашымдан тарта машыга баштагам. Мага үйдөн атам менен апам үйрөтөт", — деп айтып берди Жибек.

Шахматчынын апасы Жылдыз Боргемикова мурдагы жылы кызы шахмат боюнча Азия чемпионатына жолдомо алып, бирок пандемиянын айынан бара албай калганын айтты. Ушундай эле себеп менен былтыр дагы дүйнө чемпионатына барбай калышкан. Айтымында, ал жолдомолордун баары күйүп кетти, кайра башынан Кыргызстандын чемпионатына катышыш керек.

Турнирдин башкы калысы Сардарбек Нурдин уулу бул жерге ар аймактан тандалган күчтүү шахматчылар келгенин билдирди.

"Регламент боюнча Президенттин кубогуна Кыргызстандын чемпионатында алдыңкы 10 орунду алгандар, окуучулар арасындагы өлкө чемпионатынан да 10-орунга чейин ээ болгондор, өз облусунан тандалып чыккан шахматчы балдар катыша алат. Бул абдан күчтүү турнир, биздин шахматчыларыбызга жакшы мотивация болот деп ойлойм. Өздөрүнүн оюндарынын сапатын жогорулатышат. Бул турнирди биздин балдар, ата-энелер абдан күтөт", — деди Сардарбек уулу.

Аталган турнирди Кыргызстандын шахмат федерациясы уюштуруп, президенттин колдоосу менен өттү.

353
Белгилер:
шахмат, кубок, балдар, жеңүүчү
Тема боюнча
Испания: дуатлон боюнча чемпионатта Абдувалиев күмүш медаль утту. Сүрөт

Валентина Шевченко, жаңырган "кара жорго" жана көлдөгү машыгуу. Видео

69
(жаңыланган 16:00 30.11.2021)
UFC чемпиону Валентина Шевченконун Ысык-Көлдүн жээгинде өзү да машыгып, андан сырткары кыргызстандык спортчу кыздар менен өнөктөш катары иштеп жаткан видеосу тарады.

Видеолорду Шевченко Instagram баракчасына жарыялап, Ысык-Көл ага дем-күч берерин жазган. Мушкердин тер төгө спорт менен алектенип жаткан видеосу Ысык-Көлдөгү пансионаттардын биринин жээгинде тартылган. Кадрдан анын насаатчысы Павел Федотов экөөнүн пристанда машыгып жатканын көрүүгө болот.

"Мен Ысык-Көлдө машыкканды аябай сагындым. Бул мага күч бере турган жер", ― деп жазган спортчу өзүнүн Instagram баракчасына.

Шевченко видео ноябрь айында тартылганын белгилеп, жазган. Кыргызстандык мушкердин видеосу кыска убакыттын ичинде бир нече миң жолу көрүлгөн. Катталуучулар Кыргызстандын даңкын чыгарганы үчүн ага ыраазычылык билдирген пикирлерди калтырышкан.

Ал эми чемпиондун спортчу кыз менен өнөктөш катары машыгып жаткан экинчи видоосу да ошол эле пристандан тартылган.

Валентина Шевченко 21-ноябрда өлкөгө келген. Бишкекте ал маалымат жыйынын жана күйөрмандары менен жолугушуу өткөргөн. Садыр Жапаров мушкер кызды кабыл алып, 1 миллион сомдук сертификат тапшырган. 

69
Белгилер:
Валентина Шевченко, машыгуу, Ысык-Көл
Тема боюнча
Шевченко менен Холли Берринин "мушташы". Кинонун бет ачарынын видеосу
Эмоцияга алдырды. Валентина Шевченко Рафаэль Физиев тууралуу оюн айтты
Шевченко Нуньес менен үчүнчү кармашы тууралуу: ал менден өзү качып жаткандай

Суукка кайыккан, жылаңайлак калган, кар алдында кир жууган мигранттар. Видео

104
Беларусь — Польша чек арасында суукка кайыккан мигранттарга жардам кылууга ыктыярчы болгондор кышкы бут кийим алып келип берип, алардын жуунуп алуусуна шарт түзүп беришти.

"Беларусь — Польша чек арасында турган мигранттардын бул күнү жуунуп-тазалануудан башталды. Алгач медиктер качкындарды карап чыкты, андан соң суук кадыресе түшүп, кар жаап жатса да аялдар, кыздар эшиктен кирлерин жууп алды", — деп маалымдаган Sputnik Беларусь.

Кадрдан карда, суукта мигранттардын айрымдары курткачан турганы менен бутуна ар тарабы ачык жайкы тапичке кийип, кылчылдап үшүп жатканын көрүүгө болот.

Бирок бул күн алар үчүн майрам болду. Аларга волонтерлор 900 жуп кышкы бут кийим алып келип, 200үн эркектерге, 700үн аялдарга таратып беришкен.

Тикенектүү зымды бойлой каңгып басып жүргөн мигранттарды көбүнүн жылуу аба ырайына ылайыкталган бут кийимдеринин таманы эбак түшүп, капталынан дал-дал болуп айрылганын көрүүгө болот.

Беларусь башчысы Александр Лукашенко логистика борборуна баргандан кийин качкындардын ыктыярчыларга кайрылып, зарыл болгон нерселерин айтып алууга мүмкүнчүлүк түзүлдү. Муктаждыктарын тизмеге жаздыруу үчүн мигранттар сааттап кезекке турду.

Мигранттардын жок дегенде буту үшүбөй турушун камсыздаган учур тартып алынган видеону назарыңыздарга сунуштайбыз.

104
Белгилер:
Беларусь, Польша, чек ара, мигранттар, бут кийим, кыш
Тема боюнча
Польшадагы качкындар жагдайынын Кыргызстанга таасири. Серепчилер эмне дейт
"Спецназ жана кибер чабуулдар". Европа Америкадан өч алгысы барбы?
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

0
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

0
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео