Садыр Жапаров Кара-Кече көмүрү бүгүн 3 000 сомго түшөрүн айтты. Видео

623
(жаңыланган 18:30 15.11.2021)
Мамлекет башчы жергиликтүү тургундар менен учурашып "үшүбөй эле турасыңарбы, көмүрүңөр барбы" деп сураган. Анда эл көмүрдүн баасы кымбат болуп жатканын айткан.

Президент Садыр Жапаров ТЭЦ-2 объектинин жанындагы конуштун тургундары менен жолугушуу учурунда Кара-Кече көмүрүнүн баасы 3 000 сомго түшөрүн убадалаган.

Анда мамлекет башчы жергиликтүү тургундар менен учурашып "үшүбөй эле турасыңарбы, көмүрүңөр барбы" деп сураган. Анда эл көмүрдүн баасы кымбат болуп жатканын айткан.

"Бүгүн Бишкекте Кара-Кече көмүрүнүн бир тоннасынын баасы 3 000 сомго түшөт. Бир кампага алып келип түшүрүп жатабыз. Кайсы кампа экенин билбейм, ал боюнча маалымат соцтармактарга жана телевидениеге чыгат.  6 000 сомго сатып жаткандар жүк ташуучу унаанын айдоочулары. Аларга "бааны түшүргүлө" десек макул болбой коюшту. Мындан улам өзүбүз алып келип арзандатып салалы деп жатабыз. Сатса алар да түшүрүп сатышат, болбосо аймактарга ташып сатышсын", — деди Жапаров.

Буга чейин президент бүгүн-эртең көмүрдүн баасы сезилерлик арзандай турганын айткан.

Белгилей кетсек, көмүрдүн кымбаттап кетишин токтотуу максатында өкмөттүн атайын токтому чыккан. Анын негизинде Монополияга каршы жөнгө салуу мамлекеттик агенттиги ар бир аймакта кара алтындын баасын бекиткен. Ага карабай ишкерлер жана ортомчулар көмүрдү кымбат сатып, элдин нааразычылыгын жаратып жаткан.

623
Белгилер:
Садыр Жапаров, көмүр, баа, Кара-Кече, арзандатуу
Тема:
Бишкектеги 3 миң сомдук көмүр (14)
Тема боюнча
ТЭЦ-2 жакта жайгашкан үйлөргө кызыл китеп берилет. Жапаровдун тапшырмасы

Валентина Шевченко, жаңырган "кара жорго" жана көлдөгү машыгуу. Видео

125
(жаңыланган 16:00 30.11.2021)
UFC чемпиону Валентина Шевченконун Ысык-Көлдүн жээгинде өзү да машыгып, андан сырткары кыргызстандык спортчу кыздар менен өнөктөш катары иштеп жаткан видеосу тарады.

Видеолорду Шевченко Instagram баракчасына жарыялап, Ысык-Көл ага дем-күч берерин жазган. Мушкердин тер төгө спорт менен алектенип жаткан видеосу Ысык-Көлдөгү пансионаттардын биринин жээгинде тартылган. Кадрдан анын насаатчысы Павел Федотов экөөнүн пристанда машыгып жатканын көрүүгө болот.

"Мен Ысык-Көлдө машыкканды аябай сагындым. Бул мага күч бере турган жер", ― деп жазган спортчу өзүнүн Instagram баракчасына.

Шевченко видео ноябрь айында тартылганын белгилеп, жазган. Кыргызстандык мушкердин видеосу кыска убакыттын ичинде бир нече миң жолу көрүлгөн. Катталуучулар Кыргызстандын даңкын чыгарганы үчүн ага ыраазычылык билдирген пикирлерди калтырышкан.

Ал эми чемпиондун спортчу кыз менен өнөктөш катары машыгып жаткан экинчи видоосу да ошол эле пристандан тартылган.

Валентина Шевченко 21-ноябрда өлкөгө келген. Бишкекте ал маалымат жыйынын жана күйөрмандары менен жолугушуу өткөргөн. Садыр Жапаров мушкер кызды кабыл алып, 1 миллион сомдук сертификат тапшырган. 

125
Белгилер:
Валентина Шевченко, машыгуу, Ысык-Көл
Тема боюнча
Шевченко менен Холли Берринин "мушташы". Кинонун бет ачарынын видеосу
Эмоцияга алдырды. Валентина Шевченко Рафаэль Физиев тууралуу оюн айтты
Шевченко Нуньес менен үчүнчү кармашы тууралуу: ал менден өзү качып жаткандай

Суукка кайыккан, жылаңайлак калган, кар алдында кир жууган мигранттар. Видео

132
Беларусь — Польша чек арасында суукка кайыккан мигранттарга жардам кылууга ыктыярчы болгондор кышкы бут кийим алып келип берип, алардын жуунуп алуусуна шарт түзүп беришти.

"Беларусь — Польша чек арасында турган мигранттардын бул күнү жуунуп-тазалануудан башталды. Алгач медиктер качкындарды карап чыкты, андан соң суук кадыресе түшүп, кар жаап жатса да аялдар, кыздар эшиктен кирлерин жууп алды", — деп маалымдаган Sputnik Беларусь.

Кадрдан карда, суукта мигранттардын айрымдары курткачан турганы менен бутуна ар тарабы ачык жайкы тапичке кийип, кылчылдап үшүп жатканын көрүүгө болот.

Бирок бул күн алар үчүн майрам болду. Аларга волонтерлор 900 жуп кышкы бут кийим алып келип, 200үн эркектерге, 700үн аялдарга таратып беришкен.

Тикенектүү зымды бойлой каңгып басып жүргөн мигранттарды көбүнүн жылуу аба ырайына ылайыкталган бут кийимдеринин таманы эбак түшүп, капталынан дал-дал болуп айрылганын көрүүгө болот.

Беларусь башчысы Александр Лукашенко логистика борборуна баргандан кийин качкындардын ыктыярчыларга кайрылып, зарыл болгон нерселерин айтып алууга мүмкүнчүлүк түзүлдү. Муктаждыктарын тизмеге жаздыруу үчүн мигранттар сааттап кезекке турду.

Мигранттардын жок дегенде буту үшүбөй турушун камсыздаган учур тартып алынган видеону назарыңыздарга сунуштайбыз.

132
Белгилер:
Беларусь, Польша, чек ара, мигранттар, бут кийим, кыш
Тема боюнча
Польшадагы качкындар жагдайынын Кыргызстанга таасири. Серепчилер эмне дейт
"Спецназ жана кибер чабуулдар". Европа Америкадан өч алгысы барбы?
Кыргызстандык режиссёр Айкөл Нурланбек улуу Стамбулдагы эл аралык кинофестивалында

Айкөл Нурланбек уулунун тасмасы 65 өлкө катышкан фестивалда баш байге утту

0
(жаңыланган 18:49 30.11.2021)
Нурланбек уулунун эмгеги абройлуу эл аралык кинофестивалда "Эң мыкты даректүү тасма" деп аталып калды.

БИШКЕК, 30-ноя. — Sputnik. Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту. Маалыматты Sputnik Кыргызстанга режиссёр тастыктады.

  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту
    © Фото / Alemlere Rahmet Kısa Film Festivali
  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Аталган сынакка 65 өлкөдөн 568 кыска метраждуу тасма катышкан
    © Фото / Alemlere Rahmet Kısa Film Festivali
  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Анын ичинен Нурланбек уулунун эмгеги "Эң мыкты даректүү тасма" сыйлыгына татыган
    © Фото / Alemlere Rahmet Kısa Film Festivali
1 / 3
© Фото / Alemlere Rahmet Kısa Film Festivali
Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту

Аталган сынакка 65 өлкөдөн 568 кыска метраждуу тасма катышкан. Анын ичинен Нурланбек уулунун эмгеги "Эң мыкты даректүү тасма" сыйлыгына татыган.

"Канн кинофестивалында сыйланган франциялык режиссёр, сценарист жана актёр Оливер Лакс менен сүйлөшкөндө "Мээрман" фильмине "мен көргөн мыкты даректүү тасма" деген баасын берди. Ал бул фестивалда калыстар тобунун төрагасы болгон. Тасманы жаратууга салым кошкон чыгармачылык топко ыраазычылыгымды билдирем", — деди Нурланбек уулу.

"Ааламдарга ырайым" — абройлуу эл аралык кинофестивалдардын бири. Быйыл 22-27-ноябрь күндөрү Түркиянын Стамбул шаарында жетинчи ирет өткөрүлдү.

Белгилей кетсек, Айкөл Нурланбек уулунун "Мээрман" киносу буга чейин "Түрк дүйнөсүнүн даректүү тасмалары" фестивалында үчүнчү орунга татыган.

0
Белгилер:
Айкөл Нурланбек уулу, режиссер, фестиваль, баш байге
Тема боюнча
АКШда сыйлык алган "Шамбала" фильминдеги кичинекей Артур: апамды сагынып ыйладым
"Акыркы көч" тасмасы Россиядагы кинофестивалда "Мыкты музыка" сыйлыгына татыды
Артыкпай Сүйүндүковдун "Шамбала" тасмасы АКШда дагы бир сыйлык алды