Кыргызстандык Аскат Осмонов Азиянын келишимдүү жигити сынагына катышууда. Видео

361
(жаңыланган 11:33 19.11.2021)
Кыргызстандык модель жана блогер Аскат Осмонов өлкө атынан Face of Asia эл аралык сулуулук сынагына катышып жатат.

Моделдин өзүн-өзү тааныштыруу иретинде даярдаган проморолиги конкурстун YouTube-каналына жарыяланды.

Ал эми расмий сайтында жазылган маалыматка ылайык, сынак быйыл эпидемиологиялык чектөөлөргө байланыштуу онлайн өтөт. Ага 27 өлкөдөн 80дей жигит жана бийкеч катышууда.

Ар бир категориядагы атаандаштар актёрдук чеберчилигин көрсөтүп, улуттук маданиятын даңазалаган креативдүү кийимдерди кийип чыгышты.

Аскат Осмонов конкурска экинчи ирет катышып жатат. Ал 2018-жылы февралда Mister Universal Ambassador Kyrgyzstan улуттук сынагын жеңип, эл аралык конкурстарга жолдомо алган. Жыйынтыгында ал алдыңкы ондукка кирген.

Face of Asia — 10 жылдан ашык убакыттан бери Түштүк Кореяда өтүп келген Asia Model Festival эл аралык конкурсунун алдындагы сынак. 2017-жылы кыргызстандык модель жана актриса Мээрим Атантаева анда Борбор Азиянын мыкты модели деп табылган.

361
Белгилер:
сулуулук сынагы, Азия, конкурс, Аскат Осмонов
Тема боюнча
Биринен бири өтүп... "Казакстан сулуусу" сынагынын жеңүүчүлөрү видеодо
Кыргызстандык модель Египетте өтүп жаткан сулуулар сынагына катышууда. Сүрөттөр
"Эсимдени" скрипкада сыздатып... Москвада вице-мисс болгон Маралдын видеосу

Үкү-робот карышкырлардын аң уулоого чыкканын көрсөттү. Видео

221
John Downer Productions студиясы жапайы жаныбар жана кушка окшогон роботторду жасашат. Алар кадимки жаныбарлардын тобуна аралашып, билинбей видеого тартат.

Бул ирет карышкыр-робот бөрүлөрдүн кантип аң уулоого чыкканын көрсөтүшү керек эле. Бирок олжо таап, ордунан атырылган жырткычтардын жоон тобуна жетпей калган.

Мындан улам карышкырлардын аңчылыкка чыкканын үкү-робот тарткан. Жырткычтар букалардын үйүрүнө кол салууга аракет кылган. Бирок мүйүздүү жаныбарлардын ага жол бербей топтошуп туруп алганын видеодон көрүүгө болот.

Карып калган бука менен карышкырлардын тиреши бир саатка созулуп, акыры ал жырткычтарга жем болгон.

221
Белгилер:
карышкыр, робот
Тема боюнча
Эки миңден ашык. РФте учкучсуз башкарылган техникалардын тобун санап беришти
Заманбап роботтор: учат, скейтборд тебет. Кызыктуу видео
COVID борбордо иштеген жакшынакай, сулуу робот кыздын видеосу

АКШда каршылашын сулата тепкен мушкер өзүнүн бутун сындырып алды. Видео

140
Америкалык ММА мушкери Дилан Кискила эсте каларлык нокаут менен атаандашын утуп алды. Бирок жеңиш оңойчулук менен келбей бутун сындырып алган.

Окуя Фарго шаарындагы Captain"s Fight Club турниринде болгон. Видео уюштуруучулардын Facebook баракчасына чыккан.

Кадрлардан көрүнүп тургандай, Кискила атаандашы Кая Дюкени буту менен башка тээп нокаутка кетирип, андан кийин чогуу кулап түшкөн. Кийин спортчу бутун сындырып алганы белгилүү болгон. 

Беттештен кийин спортчу уюштуруучулар менен байланышып, жаракат алганын тастыктаган.

Конор Макгрегор Дастин Порье менен UFC турниринде ушундай жаракат алганы белгиленет. Ирландиялык атлет бутун кызыл ашыктын үстүнөн сындырып алган.

140
Белгилер:
АКШ, мушкер, нокаут, бут, жаракат, видео
Тема боюнча
Үмүт үзүлгөндө утуп... UFC жеңишке кеч жеткендердин видеосун топтоду
Чыканагы менен жыга коюп... UFC турнириндеги беттештердин видеосу
Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясы

Шайлоого байкоо салчу КМШ өлкөлөрүнүн депутаттары ишин баштады

12
(жаңыланган 12:16 27.11.2021)
28-ноябрь күнү Кыргызстанда аралаш система менен парламенттик шайлоо өткөрүлөт. Кыргызстандыктар 54 депутатты партиялык тизме, 36сын бир мандаттуу округ аркылуу шайлайт. Элдин добушун алуу үчүн 21 партия, 287 талапкер жарышка чыккан.

БИШКЕК, 27-ноя. — Sputnik. Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады.

  • К краткосрочному мониторингу выборов депутатов Жогорку Кенеша Кыргызстана приступила группа международных наблюдателей от Межпарламентской ассамблеи СНГ. 27 ноября 2021 года
    Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады
    © Фото / пресс-служба Межпарламентской Ассамблеи СНГ
  • К краткосрочному мониторингу выборов депутатов Жогорку Кенеша Кыргызстана приступила группа международных наблюдателей от Межпарламентской ассамблеи СНГ. 27 ноября 2021 года
    Мониторингдин алкагында талапкерлигин коюп жаткан саясий партиялардын лидерлери менен жолугушуулар болуп өттү
    © Фото / пресс-служба Межпарламентской Ассамблеи СНГ
1 / 2
© Фото / пресс-служба Межпарламентской Ассамблеи СНГ
Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады

Мониторингдин алкагында талапкерлигин коюп жаткан саясий партиялардын лидерлери менен жолугушуулар болуп өттү.

Маектешүү учурунда ар бир лидер шайлоо, үгүт иштери, программасы боюнча байкоочулар менен пикир алышты.

Делегациянын курамына Азербайжан, Армения, Беларусь, Казакстан, Россия, Тажикстан, Өзбекстан парламентинин депутаттары кирген. Ошондой эле ассамблея кеңешинин катчылыгынын өкүлдөрү, Жарандардын шайлоо укуктарын сактоону, парламентаризмди, демократияны өнүктүрүү эл аралык мониторинг институтунун эксперттери да бар. Кыргызстандын Борбордук шайлоо комиссиясынын каттоосунан жалпы 75 байкоочу өткөн. Алар Жогорку Кеңештин төрагасы тарабынан чакырылган.

Эске салсак, эртең, 28-ноябрь күнү, Кыргызстанда аралаш система менен парламенттик шайлоо өткөрүлөт. Кыргызстандыктар 54 депутатты партиялык тизме, 36сын бир мандаттуу округ аркылуу шайлайт. Элдин добушун алуу үчүн 21 партия, 287 талапкер жарышка чыккан.

12
Белгилер:
Кыргызстан, Жогорку Кеңешке шайлоо, шайлоо, байкоочу
Тема:
Жогорку Кеңешке жаңы тартип менен болчу шайлоо
Тема боюнча
Бүгүн Кыргызстанда "жымжырт күн", үгүт иштери токтотулду
УКМК бийликти басып алууга шектелген талапкерлердин атын атады