Группалашынын кеңеши, белектер. Шевченконун күйөрмандары менен жолуккан видеосу

700
UFC чемпиону Валентина Шевченко бүгүн Бишкектеги күйөрмандарына жолугуп, кызыктырган суроолорго жооп берип, ой-пикири менен бөлүштү.

Кыргызстандык мушкер алгач ЖМК өкүлдөрү менен маалымат жыйын курду. Ал Кыргызстанга келиши парламенттик шайлоого байланыштуу эмес экенин белгиледи. Буга аны коштоп жүргөндөрдүн арасында Жогорку Кеңештин депутаттыгына талапкерлердин бири болгондуктан суроо жаралган. Шевченко спорт саясаттан тышкары болушу керек деп эсептейт.

"Биздин өлкө аябай уникалдуу, ак көңүл эли, жакшы адамдары, ажайып жаратылышы бар. Ашканасы тууралуу айтпай эле коёюн, тамактарын аябай жакшы көрөм. Бишкек кеңейип калгандай сезилди. Көп жаңы имараттар, жаңы турак жайлар курулуптур. Бирок мага эң жага турган жери эски шаар, борбор ошол бойдон экен. Бул мурас мурда кандай болсо, ошол бойдон калышы керек деп ойлойм. Ошол эле учурда шаар тоого жакын таза аймактарга карай өсүшү идеалдуу көрүнүш", — деген мушкер кыз.

Мындан сырткары, Шевченко келечекте Кыргызстанда мушташ өнөрү боюнча академия ачуу ниети бар экенин билдирди.

Маалымат жыйындан кийин ал жүздөгөн фанаттары менен жүз көрүштү. Алгач ага күйөрмандарынын бири чапан кийгизип, жоолук салды

Кыргызстандык мушкер буга чейин бразилиялык Аманда Нунис менен эки ирет беттешке чыгып, экөөндө тең упай айырмачылыгы менен жеңилип калган. Күйөрмандар алгач эле "аны менен кайра беттешесизби?" деп сурады.

"Аманда (Нунис) менен беттеш болушу керек деп ойлойм. Бирок ал менден качып жаткандай таасир калтырууда", — деп жооп берди Шевченко.

Ошондой эле ал эң чоң мотивацияны кыргызстандыктардан аларын белгилеп, өз элин кубантуу үчүн ар дайым жеңишке умтуларын айтып өттү.

"Менден көбү "Валентина, сага эмне мотивация берет? Эмнеге сен ушунча жылдан бери биринчи күнкүдөй машыгууну улантып келесиң?" деп сурашат. Мотивация — силерсиңер, силер берген энергия мен үчүн чоң мотивация. Себеби ушундай жолугушуулардан кийин ар бир беттешти жеңгим келет. Кыргызстанга, жалпы элибизге көбүрөөк кубаныч тартууласам дейм. Бул мен үчүн өтө маанилүү", — деди Шевченко.

Мушкер бул ирет Кыргызстанда көбүрөөк убакыт жүрө турганын айтты. Ош, Жалал-Абад облустарына дагы барышы мүмкүн.

700
Белгилер:
Валентина Шевченко, Бишкек, жолугушуу, күйөрман, UFC, чемпион, видео
Тема:
Валентина Шевченконун Кыргызстанга келиши (9)
Тема боюнча
Шевченко Нуньес менен үчүнчү кармашы тууралуу: ал менден өзү качып жаткандай
Шевченко: ар бир адам максат коюш керек, 60 жашта деле турмушка чыкса болот

Үкү-робот карышкырлардын аң уулоого чыкканын көрсөттү. Видео

211
John Downer Productions студиясы жапайы жаныбар жана кушка окшогон роботторду жасашат. Алар кадимки жаныбарлардын тобуна аралашып, билинбей видеого тартат.

Бул ирет карышкыр-робот бөрүлөрдүн кантип аң уулоого чыкканын көрсөтүшү керек эле. Бирок олжо таап, ордунан атырылган жырткычтардын жоон тобуна жетпей калган.

Мындан улам карышкырлардын аңчылыкка чыкканын үкү-робот тарткан. Жырткычтар букалардын үйүрүнө кол салууга аракет кылган. Бирок мүйүздүү жаныбарлардын ага жол бербей топтошуп туруп алганын видеодон көрүүгө болот.

Карып калган бука менен карышкырлардын тиреши бир саатка созулуп, акыры ал жырткычтарга жем болгон.

211
Белгилер:
карышкыр, робот
Тема боюнча
Эки миңден ашык. РФте учкучсуз башкарылган техникалардын тобун санап беришти
Заманбап роботтор: учат, скейтборд тебет. Кызыктуу видео
COVID борбордо иштеген жакшынакай, сулуу робот кыздын видеосу

АКШда каршылашын сулата тепкен мушкер өзүнүн бутун сындырып алды. Видео

131
Америкалык ММА мушкери Дилан Кискила эсте каларлык нокаут менен атаандашын утуп алды. Бирок жеңиш оңойчулук менен келбей бутун сындырып алган.

Окуя Фарго шаарындагы Captain"s Fight Club турниринде болгон. Видео уюштуруучулардын Facebook баракчасына чыккан.

Кадрлардан көрүнүп тургандай, Кискила атаандашы Кая Дюкени буту менен башка тээп нокаутка кетирип, андан кийин чогуу кулап түшкөн. Кийин спортчу бутун сындырып алганы белгилүү болгон. 

Беттештен кийин спортчу уюштуруучулар менен байланышып, жаракат алганын тастыктаган.

Конор Макгрегор Дастин Порье менен UFC турниринде ушундай жаракат алганы белгиленет. Ирландиялык атлет бутун кызыл ашыктын үстүнөн сындырып алган.

131
Белгилер:
АКШ, мушкер, нокаут, бут, жаракат, видео
Тема боюнча
Үмүт үзүлгөндө утуп... UFC жеңишке кеч жеткендердин видеосун топтоду
Чыканагы менен жыга коюп... UFC турнириндеги беттештердин видеосу
Алтын куймалары. Архив

Улуттук банктын алтын запасы бир айда 1,6 млрд. сомго азайды

6
Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган.

БИШКЕК, 27-ноя.— Sputnik. Кыргызстандын алтын-валюта кору октябрь айында 1 миллиард 577 сомго кыскарды. Бул тууралуу Улуттук банктын ачык маалыматтарында айтылат.

Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган. Тагыраагы, 99 миллиард сомдон 36, 4 миллиард сомго түшкөн. Кийинчерээк алтындын кору бир аз (37, 9 миллиард сомго) кымбаттаган. Сентябрда кайра 29 миллиард 74,4 миллион сомго чейин түшүп кеткен.

1-октябрга карата анын баасы 49 миллиард 905,7 миллион сомго өскөнү айтылды. Бирок ноябрда кайра 48 миллиард 328,7 миллион сомго төмөндөгөн.

Алтын-валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат: CDR (Атайын карыз алуу укугу – Эл аралык валюта фондунун (ЭВФ) жасалма резерви жана төлөө каражаттары) жана алтын.

6
Белгилер:
Кыргызстан, Улуттук банк, алтын
Тема боюнча
Евразия өнүктүрүү банкы Кыргызстанда инфляция качан басаңдай турганын айтты
Кыргызстанда доллардын курсу жакынкы жылдары кандай өзгөрөт? ЕАӨБдүн божомолу