Ок жааган Кабулда манас айткан Уркаш Мамбеталиев. 31 жыл мурунку видео

610
"Кыргызфильм" киностудиясы быйыл 80 жылдык мааракесин белгилеп жатат. Бул киностудиянын казынасында өлкөнүн тарыхын чагылдырган нечендеген даректүү тасмалар бар.

1990-жылы тартылган "А рядом шла война" аттуу эки бөлүктөн турган даректүү тасманы колумнист Алмаз Батилов киностудиянын архивинен тапкан. Фильмдин биринчи бөлүгүндө 1990-жылдын 26-октябрында Кыргыз ССРинин расмий делегациясы Кабулга барып, Кыргызстандын маданият күндөрүн өткөргөнү баяндалат. Бул иш-чара советтик аскерлердин Афганистандан чыгып кеткенинин бир жылдыгына арналган. Кыргызстандын маданият күндөрү он беш күнгө созулган. Буга чейин Кабулга Советтер Союзунан жана башка чет мамлекеттерден бир да делегация барган эмес эле. Ал эми экинчи бөлүгүндө расмий Кабулдун делегациясы Кант районуна (азыркы Ысык-Ата району) келгени чагылдырылган.

Ошол кезде Кыргыз ССРинин чет өлкөлөр менен достук жана маданий байланыштар коомунун президиумунун төрагасынын орун басары, Кыргызстандын атайын жана ыйгарым укуктуу кенже элчиси, делегациянын мүчөсү Сактанбек Кадыралиевдин айтымында, Кабулга Токтогул районунун элдик театры жана "Миң кыял" фольклордук ансамбли барган. Программа атайын тандоодон өткөн соң бекитилген. Мындай иш-чаралардын планын Москвада Борбордук Коммунисттик партиянынын комитети текшерип, анан каражат бөлдүрчү.

1990-жылы башталган козголоңдон улам тутанган жарандык согуш маалында өлкө башчы Наджибуллага Советтер Союзу гана жардам берген. Ал афган эли менен тарапташтарына таянып моджахеддерге жана аларды колдогон бир катар чет мамлекеттерге каршы күрөш жүргүзүп жаткан учур эле. Афганистан экономикалык жана маалыматтык блокадада калган.

Делегацияны Кыргызстандын статистика комитенинин төрагасы Болот Акказиев жетектеген. Анын ичинде Кыргыз эл жазуучусу Асанбек Стамов, белгилүү ырчылар Шахра Талипова, Кенжеш Тиленбаева, Бусурманкул Корошов, манасчы Уркаш Мамбеталиев бар эле. Мындан сырткары, Ысык-Ата районунун аткаруу комитетинин башчысы Мелисбек Беккоёнов жана республиканын Коммунисттик партиясынын биринчи катчысы Абсамат Масалиевдин жардамчысы Ахмат Абдукаримов кошулган. Анткени Кант районундагы (азыркы Ысык-Ата району) Киргшёлк айылындагы балдар үйүндө жетим афган балдар тарбияланчу. Ал эми Абдукаримовдун жалгыз уулу, лейтенант Канатбек 1986-жылы 6-декабрда Чарикар шаарынын (Түндүк Афганистан) жанында каза болгон экен.

Илимпоз жана афган согушунун ардагери Айбек Дехканов котормочу катары барган. Делегация адегенде Фрунзеден Москвага учуп, 25-октябрда Ташкентке келип, андан кийин Кабулга аскердик-транспорттук Ил-76 учагы менен кеткен. Кадыралиевдин айтымында, делегацияны СССРдин Афганистандагы элчиси Борис Пастухов менен советтик дипломаттар тосуп алган.

Кыргыз ССРинин чет өлкөлөр менен достук жана маданий байланыштар коомунун Бельгия, Йемен, Швейцария, Дания жана Франция сыяктуу өлкөлөрдө өткөн маданий иш-чарасы даректүү тасмага тартылган. Алардын баары "Кыргызфильм" киностудиясынын алтын казынасында сакталууда. Афганистандагы тасманы белгилүү оператор жана режиссер Мурат Жыргалбаев тартып, текстин атактуу кино жана театр актрисасы Гүлсара Ажибекова окуган. Кыргызстандык өнөрпоздор Афганистандын борборундагы СССРдин илим жана маданият үйүндө, аскердик бөлүктөр жана госпиталда концерт коюшкан.

610
Белгилер:
Афганистан, Кабул, маданият күндөрү, Уркаш Мамбеталиев, Манас эпосу, Кыргыз ССРи, СССР
Тема боюнча
Күндүн жарыгын көрбөгөн кыз-келиндер... Талибдерди бийликке алып келген 7 учур

Валентина Шевченко, жаңырган "кара жорго" жана көлдөгү машыгуу. Видео

120
(жаңыланган 16:00 30.11.2021)
UFC чемпиону Валентина Шевченконун Ысык-Көлдүн жээгинде өзү да машыгып, андан сырткары кыргызстандык спортчу кыздар менен өнөктөш катары иштеп жаткан видеосу тарады.

Видеолорду Шевченко Instagram баракчасына жарыялап, Ысык-Көл ага дем-күч берерин жазган. Мушкердин тер төгө спорт менен алектенип жаткан видеосу Ысык-Көлдөгү пансионаттардын биринин жээгинде тартылган. Кадрдан анын насаатчысы Павел Федотов экөөнүн пристанда машыгып жатканын көрүүгө болот.

"Мен Ысык-Көлдө машыкканды аябай сагындым. Бул мага күч бере турган жер", ― деп жазган спортчу өзүнүн Instagram баракчасына.

Шевченко видео ноябрь айында тартылганын белгилеп, жазган. Кыргызстандык мушкердин видеосу кыска убакыттын ичинде бир нече миң жолу көрүлгөн. Катталуучулар Кыргызстандын даңкын чыгарганы үчүн ага ыраазычылык билдирген пикирлерди калтырышкан.

Ал эми чемпиондун спортчу кыз менен өнөктөш катары машыгып жаткан экинчи видоосу да ошол эле пристандан тартылган.

Валентина Шевченко 21-ноябрда өлкөгө келген. Бишкекте ал маалымат жыйынын жана күйөрмандары менен жолугушуу өткөргөн. Садыр Жапаров мушкер кызды кабыл алып, 1 миллион сомдук сертификат тапшырган. 

120
Белгилер:
Валентина Шевченко, машыгуу, Ысык-Көл
Тема боюнча
Шевченко менен Холли Берринин "мушташы". Кинонун бет ачарынын видеосу
Эмоцияга алдырды. Валентина Шевченко Рафаэль Физиев тууралуу оюн айтты
Шевченко Нуньес менен үчүнчү кармашы тууралуу: ал менден өзү качып жаткандай

Суукка кайыккан, жылаңайлак калган, кар алдында кир жууган мигранттар. Видео

130
Беларусь — Польша чек арасында суукка кайыккан мигранттарга жардам кылууга ыктыярчы болгондор кышкы бут кийим алып келип берип, алардын жуунуп алуусуна шарт түзүп беришти.

"Беларусь — Польша чек арасында турган мигранттардын бул күнү жуунуп-тазалануудан башталды. Алгач медиктер качкындарды карап чыкты, андан соң суук кадыресе түшүп, кар жаап жатса да аялдар, кыздар эшиктен кирлерин жууп алды", — деп маалымдаган Sputnik Беларусь.

Кадрдан карда, суукта мигранттардын айрымдары курткачан турганы менен бутуна ар тарабы ачык жайкы тапичке кийип, кылчылдап үшүп жатканын көрүүгө болот.

Бирок бул күн алар үчүн майрам болду. Аларга волонтерлор 900 жуп кышкы бут кийим алып келип, 200үн эркектерге, 700үн аялдарга таратып беришкен.

Тикенектүү зымды бойлой каңгып басып жүргөн мигранттарды көбүнүн жылуу аба ырайына ылайыкталган бут кийимдеринин таманы эбак түшүп, капталынан дал-дал болуп айрылганын көрүүгө болот.

Беларусь башчысы Александр Лукашенко логистика борборуна баргандан кийин качкындардын ыктыярчыларга кайрылып, зарыл болгон нерселерин айтып алууга мүмкүнчүлүк түзүлдү. Муктаждыктарын тизмеге жаздыруу үчүн мигранттар сааттап кезекке турду.

Мигранттардын жок дегенде буту үшүбөй турушун камсыздаган учур тартып алынган видеону назарыңыздарга сунуштайбыз.

130
Белгилер:
Беларусь, Польша, чек ара, мигранттар, бут кийим, кыш
Тема боюнча
Польшадагы качкындар жагдайынын Кыргызстанга таасири. Серепчилер эмне дейт
"Спецназ жана кибер чабуулдар". Европа Америкадан өч алгысы барбы?
Дарыгер COVID-19га каршы вакцина даярдап жатат. Архив

ДССУнун Кыргызстандагы өкүлү "омикрон" штаммы тууралуу эмне белгилүү экенин айтты

0
(жаңыланган 18:05 30.11.2021)
Коронавирустун "омикрон" жаңы штаммынын 32ден ашык мутациясы бар. ДССУ өкүлү алардын айрымдары кооптонуу жаратарын айтты.

БИШКЕК, 30-ноя. — Sputnik. Коронавирустун "омикрон" жаңы штаммы учурда толук изилденип бүтө элек. Бирок ал иммунитети бар адамдарга дагы жуга турганы белгилүү. Бул тууралуу Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов билдирди.

Ал Sputnik Кыргызстандын пресс-борборунда өткөн "Дүйнөгө коркунуч жараткан штамм-супермутанттан Кыргызстан кантип коргонот" аталышындагы брифингге катышты.

Эсенгуловдун айтымында, ДССУ жаңы штамм тууралуу 24-ноябрда Түштүк Африка өкмөтү инфекция табылганын кабарлагандан кийин билген.

Сотрудник офиса Всемирной организации здравоохранения по чрезвычайным ситуациям в Кыргызстане Акбар Эсенгулов на брифинге в пресс-центре Sputnik Кыргызстан
© Sputnik / Жоомарт Ураимов
Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов
"Бул штаммдын мутациялары көп, 26дан 32ге чейин жетет. Алардын айрымдары тынчсызданууну жаратат. Штамм канчалык оор ооруну пайда кылары жана мурунку инфекцияларга салыштырмалуу канчалык жугуштуу экени азырынча белгисиз. Алдын ала маалыматтар боюнча, ал мурда иммунизацияланган адамдарда да кайра инфекцияны козгоо мүмкүнчүлүгүнө ээ. Ошондуктан биз өлкөлөрдү бул коркунучка карата даярданууга жана көзөмөлдү күчөтүүгө чакырабыз", — деген Эсенгулов.

Анын айтымында, коргонуу боюнча калкка мурдагыдай эле сунуштар айтылат:

  • Колду самындап жуу;
  • Социалдык аралыкты сактоо;
  • Эл көп чогулган жерлерге баруудан кармануу.

Эске салсак, министрлер кабинети Дүйнөлүк саламаттык сактоо уюму менен COVID инфекциясынын "омикрон" жаңы штаммынын пайда болушу боюнча чукул кеңеш өткөргөн. ДССУ аны кооптуу штаммдардын катарына киргизген. Саламаттык сактоо жана Тышкы иштер министрликтерине вирустун жаңы мутациясынын Кыргызстанда жайылышын алдын алуу боюнча чараларды көрүү тапшырылды.

0
Белгилер:
Кыргызстан, 'омикрон' штаммы, жаңы штамм, коронавирус
Тема:
Кыргызстандагы коронавирус
Тема боюнча
"Омикрон" штаммынан коргонуунун жападан жалгыз жолу айтылды
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат