Кемелер парады, абадан май куйган истребитель. Россия-Кытай кайгуулунун видеосу

117
Россия менен Кытай Тынч океандын түндүк-батыш тарабында абадагы аскердик кайгуул иштерин жүргүзүп, мындан аркы кызматташуу боюнча маселелерди талкуулады.

Кадрдан Тынч океанда, чалкыган мухитте каз катар тизилип бара жаткан аскердик кемелерди, учуп бара жаткан истребителге абада жүрүп май куйган ири учакты, асманда кайкып, оңбогондой тездик менен көздөн кайым болгон аскер учактарын көрүүгө болот.

Канттагы Россиянын авиабазасынын терроризмге каршы бөлүгү окуу-машыгуунун жүрүшүндө көзөмөлдөп өткөрүү пунктунан каршылаштын чабуулун артка кайтарды
© Фото / пресс-служба Центрального военного округа Минобороны РФ
RT Россиянын коргонуу министри Сергей Шойгу Кытайдын аскердик ведомствосунун башчысы менен жумушчу жолугушуусун өткөргөнүн кабарлады. Анда эки тарап баллистикалык ракеталар атылганда жана космостук ташып жүрүүчү ракеталар коё берилгенде бири-бирине маалымдоону милдеттендирген келишимди узарта турганы айтылды.

Шойгу Россия-Кытай мамилелери өз ара ишеним жараткан деңгээлге жеткендигин жана бул алакалар "геосаясий турбуленттуулуктун шартында" өзгөчө мааниге ээ экендигин белгилеген.

117
Белгилер:
Россия, Кытай, Тынч океаны, истребитель, кеме
Тема боюнча
Россия менен Беларустун биргелешкен машыгуусу. Асмандан тартылган видео

Үкү-робот карышкырлардын аң уулоого чыкканын көрсөттү. Видео

212
John Downer Productions студиясы жапайы жаныбар жана кушка окшогон роботторду жасашат. Алар кадимки жаныбарлардын тобуна аралашып, билинбей видеого тартат.

Бул ирет карышкыр-робот бөрүлөрдүн кантип аң уулоого чыкканын көрсөтүшү керек эле. Бирок олжо таап, ордунан атырылган жырткычтардын жоон тобуна жетпей калган.

Мындан улам карышкырлардын аңчылыкка чыкканын үкү-робот тарткан. Жырткычтар букалардын үйүрүнө кол салууга аракет кылган. Бирок мүйүздүү жаныбарлардын ага жол бербей топтошуп туруп алганын видеодон көрүүгө болот.

Карып калган бука менен карышкырлардын тиреши бир саатка созулуп, акыры ал жырткычтарга жем болгон.

212
Белгилер:
карышкыр, робот
Тема боюнча
Эки миңден ашык. РФте учкучсуз башкарылган техникалардын тобун санап беришти
Заманбап роботтор: учат, скейтборд тебет. Кызыктуу видео
COVID борбордо иштеген жакшынакай, сулуу робот кыздын видеосу

АКШда каршылашын сулата тепкен мушкер өзүнүн бутун сындырып алды. Видео

132
Америкалык ММА мушкери Дилан Кискила эсте каларлык нокаут менен атаандашын утуп алды. Бирок жеңиш оңойчулук менен келбей бутун сындырып алган.

Окуя Фарго шаарындагы Captain"s Fight Club турниринде болгон. Видео уюштуруучулардын Facebook баракчасына чыккан.

Кадрлардан көрүнүп тургандай, Кискила атаандашы Кая Дюкени буту менен башка тээп нокаутка кетирип, андан кийин чогуу кулап түшкөн. Кийин спортчу бутун сындырып алганы белгилүү болгон. 

Беттештен кийин спортчу уюштуруучулар менен байланышып, жаракат алганын тастыктаган.

Конор Макгрегор Дастин Порье менен UFC турниринде ушундай жаракат алганы белгиленет. Ирландиялык атлет бутун кызыл ашыктын үстүнөн сындырып алган.

132
Белгилер:
АКШ, мушкер, нокаут, бут, жаракат, видео
Тема боюнча
Үмүт үзүлгөндө утуп... UFC жеңишке кеч жеткендердин видеосун топтоду
Чыканагы менен жыга коюп... UFC турнириндеги беттештердин видеосу
COVID-19 тест лабораториясынын кызматкери. Архив

Адис: COVID-19дун жаңы штаммы СПИД болгон адамда пайда болушу мүмкүн

0
(жаңыланган 11:03 27.11.2021)
Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталып, Дүйнөлүк саламаттык сактоо уюму жума күнү чукул жыйын өткөргөн.

БИШКЕК, 27-ноя. — Sputnik. Азырынча аталышы жок, бирок B.1.1.529 деп белгиленип жаткан коронавирустун жаңы түрү алгач СПИД менен ооруган адамдын организминде пайда болушу мүмкүн. Бул тууралуу россиялык иммунолог Николай Крючков "Ридус" басылмасына билдирди.

Эске салсак, Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталгандыгына байланыштуу Дүйнөлүк саламаттык сактоо уюму жума күнү чукул жыйын өткөргөн.

Коронавирустун жаңы түрү аныкталганына байланыштуу Улуу Британия менен Израилде Түштүк Африкага каттамдар токтотулган.

"Жаңы вариант тууралуу азырынча көп нерсе белгисиз. Бирок окумуштуулар бул мутация ВИЧ-инфекциясын жуктурган адамдын организминде болгон деп божомолдоп жатышат. Болгондо дагы оорусу күчөп кеткен адамда. Жаңы штамм пайда болгон Түштүк Африкада СПИД илдетине чалдыккан адамдар көп болгондуктан, бул туура божомол деп ишенип жатабыз", — деди дарыгер.

Адис вирус өтө жугуштуу экенин айтып, ал вакцинага дагы туруштук бериши мүмкүн деп божомолдоодо.

"Бул вирус 32 жолу мутация болгон. Демек, өтө жугуштуу. Штаммдын бир бөлүгү "дельта", дагы бир бөлүгү "беттадан" турат. Курамында жаңы бөлүкчөлөр дагы бар", — деди Крючков.

Адис бул штамм дагы дүйнөгө тарап кетиши толук мүмкүн экенин кошумчалады.

0
Белгилер:
Дүйнө, коронавирус, жаңы штамм
Тема:
Дүйнөгө жайылган коронавирус
Тема боюнча
Адис COVID-19га каршы вакцинанын таасири канча убакытка жетип жатканын айтты
Россия: COVID-19га каршы өспүрүмдөр вакцинаcын колдонууга уруксат берилди