Тап берип, кубалап: баласын арстандан коргогон жираф. Аянычтуу видео

464
Кениядагы жаратылыш паркында туристтердин көз алдында өмүр менен өлүм кармашкан окуя болуп, көптөрдүн көңүлүн оорутту.

"National Geographic Россия" сайты окуя Масаи-Мара паркында болгонун жазды. Үйүрү менен жүргөн жирафтардын арасындагы эң кенжесине ошол тегеректеги арстандын көзү түшүп, алардын артынан бир топко чейин ээрчип алган. Олжону туйган гиеналар да алыстан багып, ошол тегеректен кеткен эмес.

Жаңы туулган бала-жирафты тажрыйбалуу энеси бардык жагынан коргоп, жырткычка жем болуудан алынын келишинче коргогон. Карылуу арстан алардын артынан калбай, алты чакырымдай "коштоп" жүргөн. Оңтоюн келтире олжосуна кол салууга камынган арстанды эне-жираф буттары менен жерди тепкилеп, жакындатпай, каары келип алыстата кууп турган.

Бир учурда кичинекей жаныбар жардын кырынан кулап, ойдуңга түшкөн. Андай оңтойлуу учурду күтүп турган жырткыч секирип түшүп, аны тамактап, суу тарапка ары сүйрөп кеткен. Муну көргөн эне-жираф эч нерсеге карабай айбат кылып, чапчып, айтор, баласын ажыратып калган.

Окуянын кандай болуп жатканын туристтер, гиддер көз албай карап, байкоо салып, акмалап жүрүшкөн. Кыймылдабай соолуп жатып калган бала-жаныбарды баары өлдү деп түңүлүп калган. Бирок бир нече убакыттан кийин туруп, темтеңдеп баса баштаган. Бутуна бекем тура албаган кичинекей жираф сууга киргенден кийин тең салмагын сактай албай... мойну кайрылган тейде чөгүп кеткен.

Эне-жираф баласын арстандын азуусунан сактап калганы менен башка жоодон – суудан коргоп, алып чыга албай калганы туристтерди да өкүткө салганын басылма жазды.

464
Белгилер:
Африка, Кения, жаратылыш паркы, бала, жираф, арстан, өлүм, видео
Тема боюнча
Туристтер кол чаап, кыйкырып жиберишти. Бала кабыландын ажалдан калган видеосу
Кийин кандай болор экен. Жырткычтардын ынтымактуу балдарынын видеосу
Жер бетин бербей көчүп бара жаткан крабдардын видеосу

"Матрица 4" киносунун экинчи трейлери чыкты. Видео

109
(жаңыланган 00:12 07.12.2021)
Warner Brothers Russia YouTube каналына "Матрица 4: Воскрешение" деп аталган кинонун трейлери жарыяланды. Анда башкы ролду Киану Ривз ойнойт.

Трейлерде Нео Тринити (Кэрри-Эн Мосс) менен Неонун виртаулдуу жана реалдуу жашоо жөнүндө диалогу көрсөтүлгөн. Нео "бул жерде" болуп кеткендигин, ал эми Тринити ага дежавю сезими калгандыгын, бирок бир туруп кайра башкача көрүнөрүн айтып жатат.

Трейлерде башкы каармандардын өзгөчө окуялуу учурлары камтылган.

Андагы айтылган анонско караганда, Киану Ривздин каарманы матрицада жашайт, көк таблеткаларды ичет. Мурдагы сюжетте ал иллюзияда да болуп жана виртуалдуу дүйнөнүн бардыгына ишенгени баяндалган.

Тасманын премьерасы Россияда 16-декабрга пландалган. Белгилүү кинотеатрлар тармагы мурдараак кинонун калың элге качан көрсөтүлөрүн билдирген эле.

109
Белгилер:
кино, Киану Ривз, премьера, 'Матрица' тасмасы, трейлер
Тема боюнча
"Кальмар оюну" YouTube тармагында "Игра престолов" сериалынан озуп кетти

Бүгүн Садыр Жапаров 53 жашка чыкты. Шаардыктардын куттуктоосу видеодо

437
(жаңыланган 15:28 06.12.2021)
Бүгүн – Кыргызстандын президенти Садыр Жапаровдун туулган күнү. Ал ушул учурда 53 жаш курагын белгилеп жатат.

Sputnik Кыргызстандын кабарчысы көчөгө чыгып кыргызстандыктардын мамлекет башчыга болгон куттуктоосун жана каалоо-тилегин угуп келди.

Президент Садыр Жапаров жубайы Айгуль менен. Архив
© Пресс-служба президента КР / Султан Досалиев
Жарандар ага биринчи кезекте ден соолук каалашты. Ошондой эле президенттик мөөнөтүндө жолдорду, мектептерди, университеттерди оңдоп, Кыргызстанды өнүктүрсүн деген каалоо-тилектерин айтышты.

Садыр Жапаров 1968-жылы 6-декабрда Ысык-Көлдүн Түп районуна караштуу Кең-Суу айылында туулган. Орто мектепти 1986-жылы аяктап, Фрунзе шаарындагы Мамлекеттик дене тарбия жана спорт институтуна тапшырган. Бир жылдан кийин Советтик Армиянын катарына чакырылып, кызмат өтөп келген. Андан соң кайра окуусун уланткан. Кийин ЖК депутаты болгондо юридикалык билим алган.

Президент Садыр Жапаров тууралуу кызыктуу фактыларды Sputnik агенттигинин материалынан окуңуздар.

437
Белгилер:
Садыр Жапаров, президент, туулган күн, куттуктоо, шаар, эл
Тема боюнча
Келечегибиз аныкталат! Жапаров элди активдүү добуш берүүгө чакырды. Видео
Садыр Жапаров Кара-Кече көмүрү бүгүн 3 000 сомго түшөрүн айтты. Видео
Депутат Асылбек Жээнбеков. Архив

Абакта отурган Жээнбеков менен Зулпукаровдун кандай байлыгы бар

0
(жаңыланган 11:20 07.12.2021)
Жээнбековдун турак жайынын аянты 1,5 миң чарчы метр, ал эми Зулпукаров 5 миллион сомдук автоунаага ээлик кылат.

БИШКЕК, 7-дек. — Sputnik. Мамлекеттик салык кызматы Жогорку Кеңештин депутаттарынын киреше-чыгашасы тууралуу тапшырган былтыркы декларациясын жарыялады. Анын ичинде Асылбек Жээнбеков менен Төрөбай Зулпукаров дагы бар.

Аталган эл өкүлдөрү үстүбүздөгү жылдын июнь айында "Кумтөр" долбоорун ишке ашырууда коррупцияга барган деген шек менен кармалып, учурда УКМКнын тергөө абагында.

Асылбек Жээнбеков

Экс-президенттин бир тууган иниси жана ЖКнын мурдагы төрагасы өткөн жылы 2 миллион 119,7 миң сом иштеп тапкан.

Ал төмөнкүдөй мал-мүлккө ээлик кылат:

  • Аянты 1,5 миң чарчы метрлик турак жай;
  • Аянты 3,5 чарчы метрди түзгөн толук бүтө элек курулуш объектиси;
  • Аянты 9,7 миң чарчы метрлик жогоруда белгиленгенден башка конструкция;
  • Ишенимдүү башкарууга өткөрүп берилген төрт чарба субъектиси: "Алтын-Көл" акционердик коому, Айдарова Г.К. жеке ишкердиги, "Бий-Мырза" деп аталган эки ЖЧК;
  • Жылкылары 1,25 миллион сомго бааланат;
  • Бодо малы — 1,1 миллион сом;
  • Майда жандыктары (кой, эчки) — 750 миң сом;
  • Акциясы — 210 миң сом;
  • Эмерек — 410 миң сом;
  • Тиричилик техникасы — 135 миң сом;
  • Сүрөт, аудио жана видеотехника — 170 миң сом;
  • Жогоруда белгиленгенден башка кыймылдуу мүлкү — 295 миң сом;

Асылбек Жээнбековдун жакын туугандары 2020-жылы 550 миң сом иштеп тапкан. Турак жай, айыл чарба багытындагы эмес жер тилке, башка конструкциялары бар экени жазылган, бирок аянты "0" деп турат. Ошондой эле аларга таандык Toyota Land Cruiser унаасы, 480 миң сомдук баалуу металлдар, 180 миң сомдук эмерек, 110 миң сомдук фото, аудио-видеотехника жана башка кыймылдуу мүлкү 120 миң сомго бааланган.

Төрөбай Зулпукаров

Депутат ЖК 6 созыва Торобай Зулпукаров от партии СДПК на заседании. Архивное фото
© Sputnik / Табылды Кадырбеков
Депутат Торобай Зулпукаров

Жогорку Кеңештин V чакырылышынын вице-спикери, учурдагы депутат былтыр 1,5 миллион сомдон ашыгыраак киреше чогулткан. Анын турак жайынын аянты 489,6 чарчы метрди түзөт. Үй алдындагы бакчасы жарым гектар, автоунаасы 5 миллион сом. Ал эми жакын туугандарынын автоунаасы 3,1 миллион сомго бааланат.

Кумтөр алтын кенин ишке киргизүүдө коррупцияга барган деген айып тагылып, бир нече учурдагы жана мурдагы чиновник, депутаттар кармалган. Кээ бирлери тергөө менен кызматташууга макул болгону үчүн сот тарабынан жүз миңдеген айып пул салынып абактан бошотулган. Ал эми экс-премьер-министрлер Жоомарт Оторбаев жана Темир Сариевдин баш коргоо чарасы сыртка чыкпоо шарты менен өзгөртүлдү. Жакында эле Жээнбеков менен Зулпукаровдун жана башка саясатчылардын абактагы мөөнөтү 30-январга чейин узартылды.

0
Белгилер:
Төрөбай Зулпукаров, Асылбек Жээнбеков, декларация, байлык, мүлк