Аалы акын депутаттар мушташы болбой калып, эми министрлер концертке келе баштаганын ырдады

2563
(жаңыланган 14:58 01.10.2015)
Токтогул Сатылганов атындагы Кыргыз Улуттук филармониясынын 80 жылдыгына карата өткөн жана Улуттук филармониянын 80-юбилейлик сезонунун ачылышындагы концертте төкмө акын Аалы Туткучев өкмөт мүчөлөрүн, министрлерди бир чымчып өттү.

Аалы акын 30-сентябрдагы филармонияда өткөн концертте өкмөт мүчөлөрүнүн залда отургандыгына таң калганын жашыра аган жок.

"Парламентте депутаттар кармашышкан, чабышкан, муштумдуулары мушташып, бири-биринин мурундарын жарышкан" деп ырдаган акын "министрлер элди эриктирбеген парламенттеги окуяларды көрө берип, концертти унутканын, азыр сессиянын жоктугунан министрлер концертке келе баштаганын" ырдап залда отургандарды "жарды".

Андан сырткары, "алакандай кыргызды чыры менен таанытпай, ыры менен таанытсак" деген Аалы акын артисттердин эл аралап концерт койгонго автобуска муктаждыгын жана айлык акынын аздыгын ырга салды.

Концерттин соңунда сахнага чыгып сүйлөгөн премьер-министр Темир Сариев филармониянын чыгармачыл жамаатына автобус берүү жана айлыктарын көтөрүү маселесин кароого убада берип, кутулду.

2563
Белгилер:
автобус, акын, айлык-акы, өкмөт, парламент, Аалы Туткучев, Темир Сариев
Тема боюнча
Төкмөлүк өнөрдү даңктаган "Алтын комуз" ээсин тапты

Томпоңдоп чуркап, жыт алып качкан бала аюу. Сары-Чат—Ээр-Таштан тартылган видео

280
(жаңыланган 18:43 03.06.2021)
Сары-Чат—Ээр-Таш жаратылыш коругунун аймагында бала аюунун суурдун ийинин казып, андан тапкан олжосу менен тамактанып жаткан учуру көргөн адамды кайдыгер калтырбайт.

Сары-Чат—Ээр-Таш жаратылыш коругунун башкы егери Өмүрбек Курманалиев тарткан эксклюзивдүү видеосун Sputnik Кыргызстанга берген.

"Бул Тянь-Шань күрөң аюусу. Кыргызстанда аюулардын ушул түрү гана жашайт. Болжол менен үч жаштагы баласы", — деп айткан Sputnik Кыргызстанга егерь Курманалиев.

Видеодон коруктун аймагында бала аюу жалгыз жүргөнүн, бир нече жерди "чалгындап", андан соң суурдун ийининдеги топуракты чапчып ыргытып, каза баштаганын көрүүгө болот. Өжөрлөнгөн жырткыч акыры сууруп чыккан тамагын ырахаттана жеп жатканы кадрга түшүп калган. Егерь аны арт жагынан тарткан.

Бир учурда бир саамга токтоп, арт жагын кылчайып карап, мурду менен бир нерсени искегендей түр калтырып, бирок "өз ишин" кайра уланткан. Кылчайганда бала аюунун көздөрүн, тумшугун, алысты шектенгендей караганын даана көрүүгө болот. Албетте, бул көргөн адамда суктануу сезимин жаратат.

Егердин андан кийинки кадрлары жырткычтын келген жагын көздөй томпоңдоп жүгүрүп баратканы менен уланган.

"Жыт алып калды окшойт, качты", — деп комментарий берген егерь.

Бала аюу бир топко чейин чуркап баргандан кийин саамга токтой калып, артын кайрылып карап, кайрадан томпоңдоп жолун улаган. Бир нече метрге чейин баргандан кийин ал чала желген суурун эстедиби же кишинин караанын издедиби, айтор, токтоп алып кайрадан артына көз салган.

Егерь бул ирмемдерди да камерасына даана тартып калган. Бала аюу көзүн ачып-жумуп артын бир нече секунда карап турган да, башын чулгуп алып андан ары чуркаган тейде жолун улаган.

Өмүрбек Курманалиев тартып алган эксклюзивдүү видеолорун Sputnik Кыргызстанга берген.

280
Белгилер:
егерь, Сарычат-Ээрташ мамлекеттик жаратылыш коругу, жаратылыш, Ысык-Көл облусу, Кыргызстан
Тема боюнча
Бүркүт уясын кадимкидей дезинфекциялайт. Сары-Чат — Ээр-Таштын егери менен маек
Каарына карышкырлар чыдабай. Аюу жырткычтарды тамаксыз калтырды. Видео
Аюу менен күрөшкөн Хабибдин үстүнөн UFC уюмуна арыз түштү

Жылан кишини аз жерден муунтуп кое жаздады. Австралияда тартылган видео

327
Австралияда питон кожоюнун тиштеп алганы аз келгенсип, муунтуп кое жаздады. Tag 24 порталы бул окуя Австралиядагы Квинсленд штатындагы Мортон-Бэй аймагында болгондугун жазды.

Жылан кармагыч Жош Касл жергиликтүү тургундун "бакчамда жылан жүрөт" деп кайрылганынан улам келген. Адис бадалдын арасынан жандыкты таап, акырын ийин жагына артып алып, андан соң үйдүн короосуна келген.

Оператор YouTube каналына коюш үчүн жылан кармагычтын ар бир кыймылын видеого тартып турган. Капилеттен эле питон мойнуна ороло баштап, бир аздан кийин анын чыкый жагын тиштеп алган. Окуянын мындай болуп кеткенин көргөн аял коркконунан чаңырып жиберген. Касл шашып кетип жыланды мойнунан ала баштаган. Кадрдан анын чочуп калганын байкоого болот.

Адис өзү менен кошо жыланды алып кетип, кийинчерээк эркиндикке кое берген.

327
Белгилер:
видео, жылан, Австралия
Тема боюнча
Сактайм деген кишинин айласын кетирген коаланын видеосу
Акча санап жаткан кассир. Архив

Төрт айда Кыргызстандан сыртка которулган каражат рекорддук чекке жетти

12
(жаңыланган 09:36 14.06.2021)
Өткөн жылдын төрт айына салыштырмалуу 2021-жылдын январь-апрель айларында 37 миллион доллардан көп каражат чыккан.

БИШКЕК, 14-июн. — Sputnik. 2021-жылдын январь-апрель айларында Кыргызстандан чет жактарга 169,1 миллион доллар акча которулган. Бул тууралуу Улуттук банктын сайтындагы маалыматта көрсөтүлгөн.

Мында сөз жеке адамдардын акча которуу тутуму аркылуу жүргүзгөн операциялары жөнүндө болуп жатат. Эгерде башка жылдардагы алгачкы төрт айдын көрсөткүчтөрүн алсак, быйылкы сумма рекорддук чекке жеткен.

Төмөндө ар башка жылдардын төрт айындагы маалыматтар келтирилди (суммасы 120 миллион доллардан ашкан жылдардагы маалыматтар гана көрсөтүлдү):

2020 — 132,3 миллион;

2019 — 163,3 миллион;

2018 — 151,4 миллион;

2014 — 134,2 миллион.

12
Белгилер:
чет өлкө, Акча которуулар, Кыргызстан
Тема боюнча
Мигранттар которгон акчанын көлөмү быйыл 15 жылдык рекорддон ашып түштү