Казакстандыктар үч күн ичинде Ысык-Көлдөн үч мезгилди видеого тартышты
(жаңыланган 12:40 08.06.2016)
Казакстандан келген видеограф-саякатчылар Кыргызстанга атайын Ысык-Көлдүн кооздугун тартуу үчүн келишкен.Келген топтун мүчөсү Катерина Кошконун айтымында, үч күн ичинде Ысык-Көлдөн жылдын үч мезгилин тартып алышкан.
"Барскоон капчыгайынан ооздон буу чыкса, аптаптуу жай Ысык-Көлдүн жээгинен тартылды. Ал эми коңур күз Жомок капчыгайынан чагылдырылды", — деп билдирди казакстандык конок.
Ал Кыргызстандын жаратылышынын кооздугу көздүн жоосун алып, бул жакка кайра кайтып келүүнү каалап жатканын билдирди.
Аппак коён кар кишинин мурдуна коюлган сабизди жеп кетти. Элжиреткен видео
Ал үй-бүлө кызыктуу ирмемди видеого тартып, соцтармак колдонуучулары менен бөлүшкөн. Бир күн мурун калың кар жаагандан кийин балдар ата-энеси менен чыгып кичирээк кар киши жасашкан. Ал эми мурдуна адаттагыдай эле сабизди коюп койгон.
Эртеси алар ойгонгондон кийин терезеден аппак түстөгү коён кар кишинин мойнуна асылып алып, мурдун жеп жатканын көрүшкөн. Бул учурду жылмаюу менен карап кала беришкен.
Белгилер:
Араң качып кутулушту. Туристтерди чаңызгыта кууган акыранын видеосу
(жаңыланган 18:54 17.12.2020)
Кениядагы Масаи-Мара коругунда жираф бир топ жерге чейин кууп келип, туристтер качып араң кутулган. Бул тууралуу "National Geographic Россия" сайты жазды.Окуяны видеого фотограф жана мугалим Дикен Мучена жолтандабас менен качып бара жатканда тартып алган.
Видеодон жаныбардын автоунаанын артынан калбай чуркап келе жаткандыгын көрүүгө болот.
Туристтин айтымында, жаныбар эки ирет темир тулпарга урунуп ала да жаздаган. Айдоочу башка жолго түшүп, акыраны жолунан адаштырып араң кутулган.
Мектептер ачылат, балдарга аяр мамиле жасагыла! Милиция айдоочуларга эскертти
(жаңыланган 21:28 17.01.2021)
Борбор калаанын милициясы айдоочуларга кайрылып жатып эртең, 18-январдан тарта, мектептерде 1-5-9унчу жана 11-класстар окуй баштаарын эскертти.БИШКЕК, 17-янв. — Sputnik. Бишкек шаардык милициясы коомдук транспорттун айдоочуларын окуучуларга, бөтөнчө кичинекей класстын балдарына аяр мамиле жасоого чакырды.
ШИИББ айдоочуларга кайрылып жатып эртең, 18-январдан тарта, мектептерде 1-5-9унчу жана 11-класстар окуй баштаарын эскертти.
"Шаардык милиция коомдук транспорттун айдоочуларын окуучуларга, бөтөнчө кичинекей класстын балдарына аяр мамиле жасоого чакырат. Аларга түшүнүү жана жоопкерчилик менен мамиле жасап, зарыл болсо жардамыңыздарды аябаңыздар. Жолдордо жана аялдамаларда этият болуңуздар, балдар бар жерден абайлап өтүңүздөр жана суукта калтырбай алып кетиңиздер", — деп жазылган билдирмеде.
Ошондой эле жоголгон окуучуну кезиктирип калгандарды жакынкы аралыктагы милицияга тапшырып же күнү-түнү иштеген 102 номерине чалып коюуну өтүнүштү.
Белгилер: