Мышык тыйын чычкандын жетим калган балдарын эмизип. Көңүл жылыткан видео

695
(жаңыланган 20:52 01.05.2019)
Окуя Крымдын Бакчысарайында болгон

Sputnik Армениянын жазганына караганда, сейил бакка тыйын чычкандын жаңы туулган балдарын таштап кетишкен. Ал эми парктын кызматкерлеринин биринин мышыгы жаңы эле тууган. Ошол жерде иштегендер жетим калган тыйын чычкандарды мышыкка телигенге аракет кылган.

Көңүлгө жылуулук тартуулап, адамдын сезимин ойготкон видео YouTube каналына жарыяланды.

Эми энелүү болгон тыйын чычкандын балдары көчөдө калбайт. Анын үстүнө кичинекей жаныбарлардын ынтымактуу жашап жаткан чагы.

695
Белгилер:
жаныбарлар, боорукерлик, парк, тыйын чычкан, мышык
Тема боюнча
Күлкүң келет! Тыйын чычкандан корккон полиция кызматкеринин видеосу
Чык эшикке! Тыйын чычкан үкүнү кууп чыккан видео

Индияда ээси менен обон созгон ит интернетти жарды. Видео

475
Мумбайлык жазуучу менен анын обон созо алган Зоа аттуу ити экөөнүн интернетке жүктөгөн ырлары дүйнөгө тарап, популярдуу болуп жаткан чагы.

Ээси менен иттин видеолору бир нече күндө эле миллиондогон көрүүчүлөрдү топтоп жатат.

Посмотреть эту публикацию в Instagram

Публикация от Rohit Nair (@sobertooth)

Социалдык тармактын колдонуучулары таң берген комментарийлерди байма-бай жазып, үй жаныбарынын "талантына" таазим этип жатышат.

475
Белгилер:
видео, ыр, ит, Индия
Тема боюнча
Үн созгону бир укмуш! Хьюстон менен жарыша ырдаган иттин видеосу

Өлүмүш болуп арстандардын азуусунан кутулган иттин видеосу

3298
(жаңыланган 10:21 31.07.2020)
Жан керек болгон гиена тектүү жапайы ит өлүмүш болуп жатып калып, арстандардын азуусунан кутулган. Окуяны турист видеого тартып алган.

Бул туурасында National Geographic Россия сайты жазды.

Видео Ботсвана улуттук парктарынын биринде тартылган. Анын автору 50 жаштагы инженер Клаус Бемер (Klaus Boehmer) кызы экөө бул окуяга күбө болгондугун айтып берген. Туристтер гиена тектүү иттерге кызыгып, аларды жакындан көрүүнү максат кылышкан.

Туристтердин көзүнчө арстанга тирүүлөй жем болгон каман. Видео

Паркты аралап бара жатып, арстандарды көрүп аларга байкоо салган. Жырткычтар олжосун жеп жатканда гиена иттери аларга жакындап, кайра кетенчиктегенге арагасыз болгон. Бир учурда алдыдагы этке катуу берилгендиктен, ит арстандарга өтө жакын барганын байкабай калганын көрүүгө болот.

Жырткычтар иттерге кол салганда экинчиси качып кеткенге үлгүргөн. Анткен менен колго түшкөн итти жырткычтардын соо койбосу анык эле. Туристтер бир нече мүнөттөн кийин кыймылсыз жаткан жаныбарды байкашкан.

Азуулуу арстандар аны бир топко тиктеп туруп, ар кайсы тарапка басып кеткенин көрүүгө болот. Бир саамдан кийин ит кадимкидей башын көтөрүп, коркунуч алыста калганына ынанган соң жанталаша качып жөнөгөн. Кол салгандардын бири аны кууп, бирок жетпей калган.

Арстандарды байкабай калган гиена жырткычтарга жем болду. Видео

Видеодон туристтердин анын тирүү калганына кубанып жатканын байкоого болот. Анткен менен кечинде жатагына аксап кайткан ит ага берилген тамакка көңүл бурган да эмес. Арстандардын денесине матырылган тиши менен тырмагы бир топ алсыраткан.

Гиддердин айтымында, жырткычтардын азуусунан качып кутулган ит жарааттан кутула албай, бир нече күндөн соң өлүп калган.

3298
Белгилер:
ит, гигиена, арстан, жаратылыш, Түштүк Африка Республикасы
Тема боюнча
Бакка чыга качып, көпкө отурду. Арстандан араң кутулган кабыландын видеосу
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

14
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

14
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео