Түз эфир маалында ээсин уят кылган иттин видеосу

3334
(жаңыланган 10:40 29.07.2019)
Окуя кыз түз эфирге чыгып, анын күйөрмандары менен сүйлөшүү алдында болгон.

Ал даярданып, жасанып, боёнуп, шараптан ууртап, жаңы гана микрофонго сүйлөөгө камданып жаткан учурунда ити "ишти" бузган.  Жакын келген ит кожойкесине тумшугу менен сөйкөнө коюп, анын колундагы ичимдикти төшүнө, колуна жана отурган жерине чачырата төккөн. Кыязы, жаныбар эркелеп, ойногусу келген.

Окуя Калифорнияда болгон.

Блогер-кыздын абалдан кантип чыкканын видеодон көрүүгө болот.

Буга чейин интернетке жолбун иттин байланып турган башка бир иттин жибин үзүп, бошотуп кетип бара жаткан видеосу чыккан.

3334
Белгилер:
АКШ, Калифорния, түз эфир, ит, шарап
Тема боюнча
Ойго да келбейт. Ит ээси жокто үйдө эмне кылганын видеого тартышкан

Ажатканага барганды үйрөнгөн музоолор. Кызык учурдун видеосу

600
Окумуштуулардын айтымында, уйдун заарасында азот көп. Химиялык затты иштетүү үчүн илимпоздор музоолорго эксперимент жүргүзүп көргөн.

Германиялык окумуштуулар жаңы зеландиялык кесиптештери менен бирге экологияны коргоо үчүн ири мүйүздүү малды ажатканага барганды үйрөткөнүн National Geographic басылмасы жазды.

Кызык учурдун видеосу басылманын Youtube каналына жарыяланды.

Окумуштуулардын айтымында, уйдун заарасында азот көп. Химиялык затты иштетүү үчүн илимпоздор музоолорго эксперимент жүргүзүп көргөн. Аларды тосулган жайда кармап, заара кылган сайын музоолорго даамдуу тамак берип турушкан. Кийинчерээк аларды кармаган жай кеңейтилип торпоктор ажатканага өздөрү барып келгендей шарт түзүлгөн. Ажатканага жетпей заара кылып салгандарга суу чачышкан. Бул иштер 15 күнгө созулуп, сегиз музоонун ичинен жетөө ажатканага барып заара кылганды үйрөнгөн.

600
Белгилер:
Жаңы Зеландия, Германия, уй, ажаткана
Тема боюнча
Кескелдирикти, жыланды да "сулуулайт". Өзгөчө кесиптин ээси менен видеомаек
Ээсине эркелеп жатып көз ирмемде "азезилге" айланган ит. Кызыктуу видео

Буйволду арстандын күчүктөрү тирүүлөй жеп... Аянычтуу видео

286
Түштүк Африкадагы Мала-Мала коругунда буйволду үч арстан акмалап, акыры алып тынган видео тарады. Окуяга туристтер күбө болгон.

Бир нече буйволдун арасынан бирөөсүнө топ арстан кол салган. Өмүр үчүн күрөш жүрүп, бирде арстандар артыкчылык кылса, бирде ири жаныбар үйүрлөштөрүнүн жардамы менен кол салгандардан бошонуп турган. Туристтердин көз алдында адамдын чыдамын кетирген бул окуя бир нече саатка созулган. Арстандардын бири үстүнө чыга калып жонун кажыса, бири арткы шыйрагын тиштеп, үчүнчүсү капталынан качырган. Маңыроо мал өкүрүп, мөөрөп, мүйүзүн булгалаган менен кутула алган эмес.

...Акыры буйволду жырткычтар тирүүлөй жей баштаган. Алсырап калган жаныбар каршылык көрсөтүүгө чамасы келбей калган. Кадрдын соңунда арстандардын кичинекей күчүктөрү жаткан буйволду тирүүлөй эле артынан этин үзгүлөп жей баштаганын көрүүгө болот. Ушул көрүнүш менен көптөрдү ичиркенткен видео аягына чыккан.

286
Белгилер:
Түштүк Африка Республикасы, арстан, буйвол, кол салуу
Тема боюнча
Арстандарга жай бербей айласын кетирген таш баканын жылмайткан видеосу
Кабул шаары. Архив

ЖМК: талибдер өзбек тилин расмий макамынан ажыратып салды

0
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

0
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот