Эки эркекти мыкаачылык менен сабаган кишилер милицияга өздөрү келди. Видео

(жаңыланган 16:45 06.09.2019)
"Жалбырак ТВ" каналынын YouTube-каналына эки шектүү тең Бишкек ШИИБине өздөрү келген видео жүктөлдү.

Бүгүн, 6-сентябрда, Бишкек милициясы эки эркекти аёсуз сабаган шектүүлөрдү кармагандыгы тууралуу маалымат тараткан.

"Ыкчам иликтөө иштеринин натыйжасында Бишкек ШИИБинин Криминалдык милиция кызматы шектүүлөрдүн изине түшкөн. 1985-жылы туулган Бапышов Жаныбек Сейитбекович менен 1999-жылы туулган Сейитбеков Калысбек Сейитбекович кармалды. Экөө тең убактылуу кармоо жайына киргизилди", — деп айтылат маалыматта.

Бирок кадрларда көрүнүп тургандай, алар тартип сакчыларынын коштоосу жок эле милицияга өздөрү келген.

Окуянын чоо-жайы

Эске салсак, 28-августта болжол менен саат 7:00дөр чамасында Бишкек ШИИБге Жал кичи районундагы супермаркеттин жанында кишилердин мушташып жатканы кабарланган. Жерине Милициянын кайгуул-күзөт кызматынын төртүнчү ротасынын кызматкерлери барган. Мындан сырткары, Чүй ОИИББдин кызматкери Казыбек Бапышев дагы келип, эки шектүүнү алып кеткен. Жабырлануучулар болсо ооруканага жеткирилген. 

Адамдарды сабоо фактысы боюнча Бапышев Жаныбек Сеитбекович менен Сеитбеков Калысбек Сеитбекович изделип жаткан болчу.
Ал эми шектүүлөрдүн бир тууганы делген милициянын майору Казыбек Бапышев иштен алынып, бир нече милиция кызматкерине кылмыш иши козголгон. Мындан сырткары, милициянын эки кызматкери иштен алынып, дагы экөө катуу сөгүш алган.

Белгилер:
ур-токмокко алуу, шектүү, милиция
Тема:
Бишкекте чала жан сабалган кишилер (29)

Болбогон жерден жем болду… Чалынып кетип арстанга кармалган эликтин видеосу

(жаңыланган 16:18 13.04.2021)
Далбас уруп арстандан качкан элик жырткычты кыйла артта калтыргандай болгон. Бирок капыстан аңга түшүп кетип жем болгону видеого түшүп калган.

Кадр Кениянын түштүк-батышындагы Масаи-Мара коругунда тартылганын National Geographic жазды. Бул жаратылыш паркы арстандары менен белгилүү. Анда бул жырткычтын саны 900гө жакын. Аңчылыкка ургаачылары гана чыгат.

Видеодон жаш арстан эликтин артынан түшүп, бирок аны кармоого кокустук гана жардам бергенин көрүүгө болот.

Белгилер:
элик, арстан, Кения
Тема боюнча
Тарбаңдап, улам жакындап. Жаалданган осьминогдун чочуткан видеосу

Тарбаңдап, улам жакындап. Жаалданган осьминогдун чочуткан видеосу

Австралиядагы Дансборо шаарынын аймагындагы суудагы осьминогдон жабыркаган киши адамды чочуткан видео жарыяланды.

Daily Mail басылмасы жабыркаган киши 34 жаштагы мурдагы куткаруучу Ланс Карлсон аттуу адам экендигин жазды. Алгач эки жашар кызын ээрчиткен Карлсон Географ булуңунан агрессиялуу осьминогду байкап, бирок маани бербей кетип калган. Бир нече убакыттан кийин булуңга сууга түшкөнү барып, ракушкалардын үстүндө түйдөктөлүп жаткан суу жаныбарын байкаган.

Осьминог капыстан кол салганын ал "бирөө колго чаап жибергендей болду" деп сүрөттөп, бир аздан кийин моюн тарабы ачышып чыккандан соң дароо жээкти көздөй жөнөгөн.

"Кургакка чыккандан кийин денем кызарып кеткендигин байкадым", — деп айтып берген ал. Аялы ошол замат Coca Cola менен сүртүп жибергенин жана ачышканы басылып калганын кошумчалаган.

Белгилер:
осьминог, видео, куткаруучу, Австралия
Тема боюнча
Осьминог менен мурендин айыгышкан кармашы. Видео
Беларустун ички иштер министрлигинин кызматкерлери.Архивдик сүрөт

ФСБ: Лукашенкону өлтүрүүгө камданып, Беларуста төңкөрүш даярдагандар кармалды

(жаңыланган 03:18 18.04.2021)
Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан.

БИШКЕК, 18-апр. — Sputnik. Москвадан 9-май күнү Беларусь президенти Александр Лукашенкону жок кылып, өлкөдө аскердик төңкөрүш жасоого камданып жүргөндөр кармалды. Бул тууралуу ФСБнын коомдук байланыш борборуна таянуу менен РИА Новости жазды.

Маалыматта колго түшүрүлгөндөр Беларусь менен Россиянын жарандыгын алган Юрий Зенкович менен беларусиялык Флександр Федута аттуу адамдар экени айтылат.

Россиянын атайын кызматы коңшу өлкөнүн Мамлекеттик коопсуздук комитети менен биргеликте иш алып барган.

"Беларустук кесиптештердин берген маалыматы боюнча, Зенкович менен Федута мессенжерлердин биринде аскердик төңкөрүштүн планын талкуулап, Москвада оппозициялык маанайдагы генералдар менен жолугууну көздөгөн", — деп айтылат кабарда.

Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан. Түзүлгөн план боюнча радио жана теле борборлорду басып алып, ички аскер бөлүктөрүнүн жолун тосуу каралган. Күч структураларынын ишин токтотуу үчүн электр энергияны өчүрүү даярдалганы маалым болду.

Натыйжада конституциялык түзүлүш өзгөрүп, бийлик "Улуттук элдешүү комитетине" өтмөк.

Зенкович менен Федутага карата Беларустун тергөө органдары 357-беренесинин ("Мамлекеттик бийликти басып алууга аракет кылуу") негизинде иш алып барууда.

Белгилер:
бийлик, мамлекеттик төңкөрүш, Өлтүрүү, ФСБ, Александр Лукашенко, Россия, Беларусь
Тема боюнча
Лукашенконун уулуна генерал наамы берилди
Лукашенко Беларустагы митингдердин көпкө созулушуна пандемияны айыптады