Буйволду арстандын күчүктөрү тирүүлөй жеп... Аянычтуу видео

288
Түштүк Африкадагы Мала-Мала коругунда буйволду үч арстан акмалап, акыры алып тынган видео тарады. Окуяга туристтер күбө болгон.

Бир нече буйволдун арасынан бирөөсүнө топ арстан кол салган. Өмүр үчүн күрөш жүрүп, бирде арстандар артыкчылык кылса, бирде ири жаныбар үйүрлөштөрүнүн жардамы менен кол салгандардан бошонуп турган. Туристтердин көз алдында адамдын чыдамын кетирген бул окуя бир нече саатка созулган. Арстандардын бири үстүнө чыга калып жонун кажыса, бири арткы шыйрагын тиштеп, үчүнчүсү капталынан качырган. Маңыроо мал өкүрүп, мөөрөп, мүйүзүн булгалаган менен кутула алган эмес.

...Акыры буйволду жырткычтар тирүүлөй жей баштаган. Алсырап калган жаныбар каршылык көрсөтүүгө чамасы келбей калган. Кадрдын соңунда арстандардын кичинекей күчүктөрү жаткан буйволду тирүүлөй эле артынан этин үзгүлөп жей баштаганын көрүүгө болот. Ушул көрүнүш менен көптөрдү ичиркенткен видео аягына чыккан.

288
Белгилер:
Түштүк Африка Республикасы, арстан, буйвол, кол салуу
Тема боюнча
Арстандарга жай бербей айласын кетирген таш баканын жылмайткан видеосу

Чөөнү каңшылата кубалаган кичинекей гепарддын видеосу

176
Түштүк Африкадагы Серенгети жаратылыш паркында кара кулак шерлердин тобу жашайт. Алар - энеси Аиша жана төрт күчүгү. BBC операторлору алардын күнүмдүк турмушу тууралуу видео тарткан.

Кадрдан энеси аралыкта туруп көз салып, ал эми балдарынын антилопа менен тамактанып жатканын көрүүгө болот. Алардын айланасында кандын жана эттин жыты жай бербей, чөөлөр ары-бери чуркап, жакын келе албай жүрөт.

Алгач майда жырткычтарды эне гепард кууп салганы менен алар кайрадан келишкен. Бир нече мүнөттөн кийин күчүктөрдүн бири Дума чөөлөрдү чачырата кууп, беркилер коркконунан каңшылай качкан.

Башкаларга тамагын тарттырып жибербөө үчүн, дегеле жашоо үчүн күрөштү Дума жакшы өздөштүргөндөй. Ал беркилерди бир нече ирет айланта кууп, акыры чөөлөр анын айбатына чыдабай жолго түшкөнүн видеодон көрүүгө болот.

176
Белгилер:
Түштүк Африка Республикасы, жаратылыш, парк, гепард, чөө, видео
Тема боюнча
Бир нече мүнөттүн ичинде үч ажалдан кутулган антилопанын видеосу

Ажатканага барганды үйрөнгөн музоолор. Кызык учурдун видеосу

617
Окумуштуулардын айтымында, уйдун заарасында азот көп. Химиялык затты иштетүү үчүн илимпоздор музоолорго эксперимент жүргүзүп көргөн.

Германиялык окумуштуулар жаңы зеландиялык кесиптештери менен бирге экологияны коргоо үчүн ири мүйүздүү малды ажатканага барганды үйрөткөнүн National Geographic басылмасы жазды.

Кызык учурдун видеосу басылманын Youtube каналына жарыяланды.

Окумуштуулардын айтымында, уйдун заарасында азот көп. Химиялык затты иштетүү үчүн илимпоздор музоолорго эксперимент жүргүзүп көргөн. Аларды тосулган жайда кармап, заара кылган сайын музоолорго даамдуу тамак берип турушкан. Кийинчерээк аларды кармаган жай кеңейтилип торпоктор ажатканага өздөрү барып келгендей шарт түзүлгөн. Ажатканага жетпей заара кылып салгандарга суу чачышкан. Бул иштер 15 күнгө созулуп, сегиз музоонун ичинен жетөө ажатканага барып заара кылганды үйрөнгөн.

617
Белгилер:
Жаңы Зеландия, Германия, уй, ажаткана
Тема боюнча
Кескелдирикти, жыланды да "сулуулайт". Өзгөчө кесиптин ээси менен видеомаек
Ээсине эркелеп жатып көз ирмемде "азезилге" айланган ит. Кызыктуу видео
Президент КР принял министра инвестиций страны Алмамбета Шыкмаматова. 27 сентября 2021 года

Инвестициялар министри Шыкмаматов иштен кетүү ниетин билдирди. Себеби

0
(жаңыланган 18:32 27.09.2021)
Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

БИШКЕК, 27-сен. — Sputnik. Инвестициялар министри Алмамбет Шыкмаматов отставкага кетүү үчүн арыз жазуу ниетин билдирди. Бул тууралуу президенттин маалымат кызматы кабарлады.

Президент Садыр Жапаров принял министра инвестиций страны Алмамбета Шыкмаматова. 27 сентября 2021 года
© Пресс-служба президента КР / Султан Досалиев
Президент Садыр Жапаров принял министра инвестиций Алмамбета Шыкмаматова

Бүгүн, 27-сентябрда, мамлекет башчы Садыр Жапаров министрди кабыл алган.

"Алмамбет Шыкмаматов алдыдагы Жогорку Кеңешке шайлоого катышуу каалоосун айтып, буга байланыштуу ээлеген кызматынан кетүү жөнүндө арыз жазуу ниетин билдирди. Мамлекет башчысы анын отставкасын кабыл алууга даяр экенин айтып, аткарган иши үчүн ыраазычылык билдирди", — деп айтылат маалыматта.

Ошондой эле өлкө башчынын жарлыгына ылайык, инвестициялар министри Алмамбет Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

0
Белгилер:
Алмамбет Шыкмаматов, отставка, Жогорку Кеңеш, шайлоо