В.Путин принимает участие в саммите Группы двадцати

G20 энергиялык натыйжалуулукту жогорулатуу иштеринин планын макулдашты

31
(жаңыланган 16:49 06.12.2014)
Энергиялык натыйжалуулукту жакшыртуу боюнча өз ара маалымат алмашып, аларды шайкеш келтирүү багытында иштиктүү иш алып баруу менен, өлкөлөр ишкердиктин натыйжалуулугун көтөрүүгө өбөлгө түзө алышат.

БИШКЕК, 18-ноя — Sputnik. "Жыйырманын тобу" Брисбенде саммитте энергиялык натыйжалуулукту камсыз кылуу тармагында ыктыярдуу кызматташтык боюнча иш-аракеттердин планын макулдашты. Анда ири унаа каражаттарынын абага зыяндуу газдарды чыгаруусун, түйүндүк жабдууларды, имараттарды, өнөр жай менен өндүрүштүн энергиялык натыйжалуулугун, о.э. энергиянын натыйжалуулугун каржылоо ишин көзөмөлдөө боюнча жаңы иш-аракеттер камтылган деп  билдирет РИА Новости.

"Чоң жыйырманын" саммити 15-16-ноябрда Австралиянын Брисбен шаарында өттү

"Дүйнөлүк энергия корлорунун 80%дан ашыгын керектөөчү дүйнөлүк эң ири экономика дөө-шаалар катары "Жыйырмалыктын тобуна" катышуучу өлкөлөр энергиялык натыйжалуулук тармагында кызматташтыкты кеңейтүү экономикалык активдүүлүктүн жана өндүрүмдүүлүктүн өсүшүн арттырып, энергиялык коопсуздукту жогорулатып жана айлана-чөйрөнүн абалын жакшыртууга түрткү бермек деген ойду тең бөлүшөт", — деп белгиленет саммиттин жыйынтыктоочу документтеринде.

Андан тышкары, энергиялык натыйжалуулук компаниялар менен үй чарбаларынын чыгымдарын кыскартууга мүмкүндүк берет. Энергиялык натыйжалуулукту көтөрүү көз караштары жөнүндө өз ара маалымат алмашып жана аларды шайкеш келтирүү багытында иш алып баруу менен, өлкөлөр ишкердиктин натыйжалуулугун көтөрүүгө өбөлгө түзө алышат

Унаа каражаттары

Унаа тармагы — энергиянын эң ири керектөөчүсү жана абага газдарды бөлүп чыгуунун эң ири булагы. Ага дүйнө боюнча керектелүүчү энергиянын 20 пайызы туура келет. Эл аралык энергетикалык агенттиктин (ЭЭА) баалоолору боюнча, эгер энергиянын натыйжалуулугу ж.б. тармактарда саясат күчөтүлбөсө, дүйнө жүзү боюнча унаанын энергияны пайдалануусу 2050-жылда 70%га чейин өсүшү мүмкүн, деп белгиленет саммиттин жыйынтыктоочу документтеринде. 

Ири жүк ташуучу автоунаалар – жүк ташыгычтар, автобустар ж.б. ири автоунаа каражаттары – өзгөчө көңүлгө аларлык багыттардын бири. Ири жүк ташуучу автоунаалар дүйнө жүзүндөгү автоунаалардын 10%ын гана түзөт, бирок күйүүчү майдын жарымына жакынын пайдаланышат жана жалпы унаалар болуп чыккан зыяндуу заттардын жарымынан көбү аларга тиешелүү; ири жүк ташуучу автоунаалардын 75%ы "Жыйырмалыктын тобуна" кирчү өлкөлөргө туура келет.

Өлкөлөр энергиянын натыйжалуулугуна жана унаа каражаттарынын, атап айтканда, ири жүк ташуучу автоунаалардын таштандыларынын мүнөздөмөлөрүн жакшыртууга байланышкан маселелердин үстүндө бирге иштешет.

Алдыңкы ролду АКШ аткара турган "Жыйырмалык тобунун" иши жаңы автоунаа каражаттары үчүн унаанын күйүүчү майлары менен абаны булгап жаткан таштандылардын азыркыдан катуу улуттук стандарттарын, о.э. ага байланышкан күйүүчү майдын сапатынын стандарттары менен экологиялык жүк ташуу программаларын иштеп чыгып киргизүүнү тездетүү үчүн мүмкүнчүлүктөрдү баалап жана алдыга жылдыруудан турат.

Тармактык түйүндөр

Түйүнгө туташылчу жабдуулар дүйнө жүзү боюнча сатылат. Ал жабдуулар пайдаланылбай тургандагы кубаттуулукту керектөөсүнүн өсүшү көйгөйлүү маселеге айланууда. ЭЭА 2020-жылга карата түйүнгө туташылган жабдуулардын саны 50 миллиард даанага жетиши мүмкүн деп эсептейт. Бүгүн эле түйүнгө туташылып, бирок пайдаланылбай турган жабдуулар жылына 600 кВт саат кубаттуулукту коротуп жатат деп бааланууда. Бул Канаданын кубаттуулукту жалпы жылдык керектөөсүнөн жогору. 

Алдын ала божомолдоолор боюнча 2025-жылда күтүү абалындагы жабдуулардын короткон кубаттуулугунун көлөмү эки эсе көбөйөт. Бирок ЭЭА баалоолору боюнча кол жетерлик технологиялардын эң мыктыларын киргизүү бул көрсөткүчтү 65%га төмөндөтмөк. 

Катышуучу өлкөлөр ЭЭА менен биргеликте тийиштүү изилдөөлөрдү кеңейтип жана жабдуулар пайдаланчу кубаттуулукту төмөндөтүүгө, алардын күтүү абалындагы кубаттуулукту коротушун азайтууга мүмүкүндүк берген өндүрүмдөрдү чыгарууга, атап айтканда, технологияга байланышкан стандарттарын иштеп чыгууну тездетүүнүн үстүндө иштешет. Мында Улуу Британия алдынкы ролду ойнойт.

Каржылар 

Жыйынтыктоочу документтерде "Жыйырмалык тобуна" кирүүчү бардык өлкөлөрдө энергиялык натыйжалуулуктун учурдан жогору болушуна көп сандаган артыкчылыктарын жүзөгө ашыруу үчүн бул тармактагы инвестицияларды көбөйтүү зарыл деп белгиленген. 

Энергиянын натыйжалуулугун жакшыртуу чаралары, анын ичинде кубатты таза жана майнаптуу өндүрүү, имараттарды кайра жабдуу, азыркыдан натыйжалуу курал-жабдыктарды пайдаланууну алдыга жылдыруу, коомдук унааларга инвестицияны өнүктүрүү көп учурда олуттуу чыгымдар менен коштолот жана жеткиликтүү каржылоону талап кылат. 

"Жыйырмага" кирчү өлкөлөр энергиялык натыйжалуулук тармагында долбоорлорду каржылоо боюнча максаттык топ түзүшөт. Ал топ ЭК+У ж.б. буга ылайык келчү эл аралык уюмдардын, анын ичинде Дүйнөлүк банктын колдоосу менен жана тийиштүү демилгелердин алкагында иштейт. Бул ишти Мексика менен Франция жөнгө салып турат.

31
Брюсселдеги Европарламенттин штаб-квартирасында жанында турган аял. Архив

"Спецназ жана кибер чабуулдар". Европа Америкадан өч алгысы барбы?

78
Бир армия, бир штаб жана бир душман... Евробиримдикте "Стратегиялык компас" планы талашта. Европа өлкөлөрү өз аскердик блогун түзүп, НАТО менен АКШдан көз карандылыгын азайтат. Бирок көпчүлүк ар кандай себептер менен буга каршы чыгууда.

"Европаны улуу жана чыныгы эгемен кылабыз", — деп кайталашат Брюсселдегилер. Буга 2020-жылга чейинки жаңы коргоо стратегиясы өбөлгө болоруна ишенишет. Антон Скрипуновдун ушул документ тууралуу ой толгоосу РИА Новости сайтына жарык көргөн.

Коргоо стратегиясы өтө тездик менен даярдалды. 2020-жылдын аягында Германия ар кандай коркунучтардан коргонуу "чараларынын комплексин" иштеп чыгууну сунуштаган. Жарым жыл өтпөй улуттук өкмөттөргө анын баштапкы варианты тааныштырылган. Ал эми 2022-жылдын мартында концепцияны бекитүүгө белсенип турушат. Биримдиктеги негизги жетекчилер союздаштарын болуп көрбөгөндөй шаштырууда.

"Кооптуулуктарды талдоонун жыйынтыгы Европа коркунучта экенин ачык көрсөтүүдө. Биринчиден, экономикалык мүмкүнчүлүктөр улам чектелип барат. Отуз жыл мурун Европа биримдигине дүйнөлүк байлыктын чейреги таандык болсо, жыйырма жылдан соң болгону он пайызы гана калат. Мындан сырткары, калктын саны кескин азаюуда: кылым аягында Европада дүйнө калкынын беш пайызы гана калат", — деп үрөй учурууда ЕБдин тышкы саясат жана коопсуздук комиссары Жозеп Боррель.

Ал эми Афганистандагы абал "америкалык өнөктөштөрүнүн" башкаларды түгүл өздөрүн коргой албай турганын тастыктап турат. Ошондуктан европалыктар алдыда күтүлгөн апааттарды керт башы менен алдын алууга тийиш.

Документте "кыяматтын чабандеси" катары Россияны белгилешкен. Авторлор бул мамлекет "гибриддик согуштун тактикасын, бурмаланган маалымат жана киберчабуулду пайдаланып жатат" дешет. Кытайды "экономикалык жана системалуу атаандаш" катары сыпатташкан. Ушул себептен документтин демилгечилери Евробиримдикке жалпы стратегия абзел, жалпы коргоо бюджети жана керек болсо космосто да жалпы күчтөрү болушу шарт деген пикирде.

2025-жылга дейре Брюссель беш миң жоокерден турган "ыкчам чара көрүүнүн бирдиктүү универсалдык тобун" түзүүнү көздөйт. Боррель жаңы стратегия европалык күчтөрдү ыкчам жана майнаптуу кыларынан шек санабайт. Ошону менен бирге эле Польша-Беларусь чек арасындагы мигранттар каатчылыгын да бул документ кабыл алынса, заматта чечип коюуга болорун да кошумчалайт. Бирок кантип чечүүнүн чоо-жайына токтолгон эмес.

Мындай демилгени Брюссель гана алып чыгып жаткан жок. Жаңы тутумга Берлин менен Париж да кызыкдар. Тышкы күчтөрдөн "көз карандысыздыкка умтулуу" туурасында ал жакта ачык эле айтылууда. Эң оболу мында кеп НАТО жөнүндө. Евробиримдик жөнүндөгү келишимде дал ушул альянстын күчтөрү континенттин коргоо тармагынын негизи катары кызмат өтөйт. Албетте, башында АКШ турат. Америкалыктар Европада Экинчи дүйнөлүк согуштан бери орун алышкан. Топтун саны улам өсүп, 1980-жылдары 300 миңге жеткен. Ал эми ушул тапта 60 миңдин тегерегинде. Негизги контингент — Германияда, 34 миңди түзөт. Бул өлкөдө АКШ чегинен тыш эң ири америкалык "Рамштайн" базасы жайгашкан. Акыркы жылдары океан ар жагынан келген меймандарын кыртышы сүйбөй барат, анткени алардын басымдуу бөлүгү Берлиндин каражатына багылат.

Анан да куралды Пентагондон гана сатып алуу шарт. Азыр бундестагда F-35 менен жергиликтүү Eurofighter учактарынын бирин тандоо милдети турат. Немецтердин бул жаатта дымагы да чоң, алар алтынчы муундагы истребителди алгачкылардан болуп француздар менен биргеликте чыгарууну самашат. Эммануэль Макрон менен дайым ЕБдин көз карандысыздыгы жөнүндө ой жүгүртүшөт.

Париж Африка жана Жакынкы Чыгыштай эле курал рыногунда Вашингтонду атаандаш катары санайт. Беш жыл ичинде Париж аскердик экспортун 72 пайызга өстүрдү. Эгер капыстан Австралия франциялык субмариналардан баш тартпаса, бул көрсөткүч мындан да жогору болмок. Канберра Кошмо Штаттар жана Улуу Британия AUKUS долбоорунун алкагында аскердик союзду өзүнө ылайык көрдү. 56 миллиард евролук келишимдин бузулушун Елисей ордосу "далыга бычак уруу" катары кабыл алган.

Прибалтикада айрым өлкөлөрдүн бийлиги "америкалык күчтөрдүн" келишин кубаттайт. Алар үчүн база куруп, ушул жылдын августунда литвалык "Геркус" ачылды. Пентагон анчалык көңүлсүнбөгөнү менен бул долбоор Вильнюстун демилгеси менен ишке ашты.

"Болуп көрбөгөндөй зарылдык бар. Биз силерге күчтөрдү даярдоо үчүн бардык тийиштүү шарттарды түзүп беребиз", — деп кайрылды Вашингтонго өлкөнүн коргоо министри Арвидас Анушаускас.

Учурда республикада 500 чакты америкалык аскер кызматкери жашайт. Ошондой эле базада 30 "Абрамс" танкы жана зооттолгон 25 "Брэдли" машинасы бар. Маал-маалы менен топ окууларды өткөрүп турат.

Польшада эми бүтүндөй зооттолгон танк бригадасы жайгашкан десек болот. Жакында Пентагон бул өлкөдө толук кандуу база куруп, 85 танк, 190 пехоталык машина, өзү жүрүүчү 35 артиллериялык түзүлүш жана төрт даана танктын төшөлмө көпүрөлөрүн алып келет. Айтмакчы, бул жактан россиялык чек арага чейинки аралык – болгону 256 чакырым.

Польша жана Прибалтика "россиялык коркунучтан" улам "Компаска" каршы. Документти жактырбагандардын бир даары экономикалык себептерди аташат. Көбүнесе бар жагынан мүмкүнчүлүктөрү чектелүү кенже европалык республикалар жаңы стратегияны сынга алууда. Маселен, Чехия. Европарламенттеги өкүлү Александр Вондра долбоорду "ашкере дымактуу" деп сүрөттөдү. "Бир жагынан Россия менен Кытай кооптуу душмандар катары аталган, — дейт саясатчы. — Экинчи тараптан, Евробиримдик аларды өнөктөш деп эсептейт".

Ошондой эле ковид каптап турганда мындай аракеттер экономикалык кырдаалды курчутат дегендер да жок эмес. Европа биримдиги ансыз да жети жыл аралыгында коргоо тармагына 1,93 триллион доллар сарптап келсе да, Брюссель аскердик чыгымдарды дагы көбөйтүүнү талап кылууда. Бир катар мамлекеттер ага макул эмес. НАТОдон бөлөк, Европада дагы бир нече түзүмдөр, айталы, European Corpus бар. Ал төрт дивизияны уюштура алат, жети миң жоокери бар. 20 жыл мурун Босния жана Косоводо кызмат өтөшкөн.

"Долбоорго кызыкдар өлкөлөр, эң оболу Франция ал структураны басып коёт. Тема актуалдуу. НАТО башка шарттарда, бөлөк максаттар үчүн түптөлгөн. Ал эми азыр каршы туруу түзүмү башка: фронттун так сызыгы жок", — деп түшүндүрөт РФтеги Геосаясий маселелер академиясынын вице-президенти Константин Соколов. Бирок эксперттин баамында, жаңы альянс америкалык күчтөр менен тил табышып кетери бышык, себеби алар "өз базаларын таштап кетери" арсар эмеспи. Европа биримдигинин ичинде чыңалуулар жаралышы ыктымал.

78
Белгилер:
Россия, НАТО, АКШ, Пентагон, Евробиримдик, курал-жарак, Аскер, Франция
Тема боюнча
Орус куралы: 2021-жылдын алдын ала жыйынтыгы
Россиялык блогер Гусейн Гасанов. Архив

Кыргыздар, азаматсыңар! Гусейндин таксистке ыраазы болгон билдирүүсү

1428
(жаңыланган 15:21 28.11.2021)
Блогер KIA Rio автоунаасын белек кылган кыргызстандык Эген Апсаматовдун үй-бүлөсү менен таанышып, социалдык тармактагы баракчасына сүрөт жана видео жүктөгөн.

БИШКЕК, 28-ноя. — Sputnik. Россиялык блогер Гусейн Гасанов Instagram баракчасынын Stories бөлүмүндө кыргызстандык таксист Эген Апсаматовдун постун бөлүштү.

"Ушул окуядан кийин, кыргыздар, азаматсыңар деп тартынбай айта алам", — деп жазган блогер.

Эске салсак, Гасанов бир нече күн мурда автоунаа белек кылган кыргызстандык Эген Апсаматовдун үй-бүлөсү менен таанышкан. Жолугушуу Апсаматов белекке алган KIA Rio автоунаасы менен келип токтогон унаа токтотуучу жайлардын биринде болгон.

Кыргызстандык жаран блогерди үй-бүлөсү менен тааныштырып, Instagram социалдык тармагына катталганын айтты. Ошондой эле ал Кыргызстандын өкмөтү аны менен байланышып, жардам сунушташканын кошумчалады.

"Сиз жөн гана автоунаа белек кылып койбой, жашообузду, өзгөчө кызыбыздын жашоосун өзгөрттүңүз. Рахмат", — деди таксисттин жубайы.

Өткөн жумада Гусейн Гасанов менен Арутюн Назарян Москвада такси айдап иштеген кыргызстандыкка автоунаа белек кылган. Блогерлер социалдык эксперимент жүргүзүп, акчасы жок адамдын образын жараткан. Эгер кимде ким аларды акысыз жеткирүүгө макул болсо, ошого жаңы автоунаа алып берүүнү убадалашкан. "Байкуштардын" өтүнүчүн бир нече таксист четке каккан. Акыры кыргызстандык таксист Эген Апсаматов макул болуп, айткан дарегине жеткирген.

1428
Белгилер:
Гусейн Гасанов, блогер, таксист, ыраазычылык
Тема боюнча
Белгилүү блогер Москвада автокырсыктан каза тапты. Окуянын видеосу
Осмонов: контент жаратууда блогер адеп-ахлак, менталитетти да эске алышы керек
Россиялык блогер кыргызстандык кыз менен ырдады. Клип кайдыгер калтырган эмес
БШКнын кызматкерлери Бишкектеги шайлоо участкасында

Шайлоонун жыйынтыгы боюнча корко турган эч нерсе жок! Иманкуловдун кайрылуусу

0
(жаңыланган 01:38 29.11.2021)
Республикалык штабдын жетекчиси шайлоочулардын добушу эми кол менен санала турганын айтып, бул процесске катышууга партия мүчөлөрүн чакырган.

БИШКЕК, 29-ноя. — Sputnik. Шайлоонун жыйынтыгы боюнча коркуп-үркө турган эч нерсе жок, аны бурмалаганга жол бербейбиз. Бул тууралуу парламенттик шайлоону өткөрүү боюнча Республикалык штабдын жетекчиси Марат Иманкулов билдирди.

Ал ар бир бюллетенди текшерип чыгууга даяр экенин белгилеген.

"Айрым партиялар шайлоонун жыйынтыгы бурмаланды деп жазып жатышат. Биз ага жол бербейбиз. Мындай саясатты атайын жүргүзгөн жокпуз. Бул ачык шайлоо. Коркуп-үркө турган эч нерсе жок. Партия лидерлери, келгиле, ар бир бюллетенди текшерип чыкканга даярбыз. Шайлоонун акыркы жыйынтыгы кол менен санаганда гана чыгат. АСУнуку (автоматтык эсептөө урнасы) алдын ала жыйынтык. Бүгүн-эртең бардык шарттарды түзүп беребиз, партия мүчөлөрү менен ар бир шайлоо участкасынан чыккан бюллетендерди санап чыгабыз. Баарын кайра текшерип чыкканга даярбыз. Биз шайлоонун жыйынтыгын бурмалаганга жол бербейбиз", — деди Иманкулов.

Белгилей кетсек, кечээ БШКнын сайты эки жолу иштебей калган. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

0
Белгилер:
БШК, Марат Иманкулов, шайлоо, жыйынтык, кайрылуу
Тема:
Жогорку Кеңешке жаңы тартип менен болчу шайлоо
Тема боюнча
БШК сайтынан "жоголгон" 14% добуш. Шайлдабекова жооп берди
Жогорку Кеңеш-2021 шайлоосунун алдын ала жыйынтыгы
Аял талапкерлердин арасынан Жогорку Кеңешке кимдер келе жатат? Тизме