Сайт Sputnik на турецком языке

Sputnik Интернетке жана радио толкунуна түрк тилинде чыкты

19
(жаңыланган 10:42 27.12.2014)
tr.sputniknews.com жаңы сайты түрк аудиториясына көп сандагы жергиликтүү, россиялык жана дүйнөлүк кызыктуу жана көйгөйлүү темалар боюнча альтернативалуу көз карашты жеткирүүнү көздөйт.

БИШКЕК, 26-дек — Sputnik. Sputnik 26-декабрда түрк тилиндеги tr.sputniknews.com мультимедиалык сайтты жана радио берүүнү ишке киргизди деп билдирет РИА Новости.

Радио толкунун өлкөнүн алты — Стамбул, Анкара, Измир, Бурса, Анталия жана Манавгат шаарларында кармап укса болот, берүүлөр интернет-порталында да бар.

tr.sputniknews.com жаңы сайты түрк аудиториясына көп сандагы жергиликтүү, россиялык жана дүйнөлүк кызыктуу жана көйгөйлүү темалар боюнча альтернативалуу көз карашты жеткирүүнү көздөйт. Ал Москвадагы жана Стамбулдагы түрк редакцияларынын биргелешкен күч-аракетинин аркасында иштейт.

Түрк тилиндеги Sputnikтин берүүлөрүнүн сапаты журналисттердин жогорку кесипкөйлүгү, маалыматтардын эксклюзивдүүлүгү жана берилиш тездиги, учурда болуп жаткан дүйнөлүк окуялардын темалары терең жана ар тараптуу каралышы, ошондой эле аларга карата калыс жана объективдүү мамилеси менен аныкталат.

Сайтта маалыматтар мультимедиалык форматтарда: инфографика, видео, фоторепортаждар, онлайн толкундары, интернет-добуш берүү түрүндө сунушталат. Оперативдүү жаңылыктардан сырткары, Sputnik Түркияда өз окурмандарына аналитикалык материалдарды, эксклюзивдүү маектерди, серепчилердин бааларын сунуштайт. Sputnikтин Түркияда FM-диапазонунда күнү-түнү берилишин RS FM радиостанциясы катары белгилүү болгон Стамбулдун хабы ишке ашырат. Жаңы долбоордун ишке киргизилиши менен радио берүүлөрдү интернет-порталынан да алып угууга болот.

Sputnik долбоорунун түрк тилиндеги расмий каналдары Facebook, Twitter, ВКонтакте и Google+ тармактарында күнү-түнү иштейт.

Sputnik — ондогон өлкөлөрдөгү мультимедиалык хабдарга ээ маалымат агенттиги жана радио. Анын чет өлкөлүк аудиторияга багытталган маалымат жайылтуу каналдары – 30 тилдеги аймактык сайттары, аналогдук жана сан ариптик радио берүүлөры, уюлдук тиркемелери жана социалдык түйүндөрдө беттери бар. Жазылуучулар үчүн үчүн Sputnikтин жаңылыктык тасмалары күнү-түнү англис, араб, испан жана кытай тилдеринде чыгып турат.

19
Белгилер:
Түркия, Стамбул, Анкара, Измир, Бурса, Анталия, Манавгат, Sputnik
Тема боюнча
Sputnik сайты немис тилинде чыгып баштады
Sputnik испан тилинде мультимедиалык кызматын баштады
"Россия сегодня" мультимедиалык Sputnik брендинин бет ачарын жасады
Венгриялык балбан Тамаш Лёринц

Акжол алтын үчүн ким менен күрөшөт? Венгриялык Тамаш Лёринцтин таржымалы

841
(жаңыланган 21:20 02.08.2021)
Кыргызстандык балбандын атаандашы дүйнө чемпионатын утуп, Олимпиаданын күмүш медалын тагынган. Дүйнөлүк рейтингде алдыңкы сапта турат.

БИШКЕК, 2-авг. — Sputnik. Грек-рим күрөшү боюнча 77 килограмм салмакта Олимпиадага катышып жаткан кыргызстандык балбан Акжол Махмудов финалда венгриялык Тамаш Лёринц менен кез келет.

Тамаш Лёринц 35 жашта. Бириккен күрөш дүйнөсү (United World Wrestling) уюмунун рейтингинде 77 килограмм салмак даражасында экинчи сапта турат.

Олимпиада оюндарынын байге ээси. 2012-жылы Лондондо өткөн Олимп оюндарында 66 килограмм салмакта финалга чыгып, күмүш медаль тагынган.

2019-жылы Казакстандын Нур-Султан шаарында өткөн дүйнө чемпионатын утуп Олимпиадага жолдомо алган. 2014, 2017 жана 2018-жылдары өткөн дүйнө чемпионаттарында байгелүү орундарга жетишкен. Төрт жолку Европа биринчилигинин жеңүүчүсү болуп саналат.

Лёринц жарым финалда ирандык, чейрек финалда япониялык, ал эми баштапкы этапта марокколук балбандарды уткан.

Акжол Махмудов 22 жашта, эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо уткан.

Акжол Олимпиада-2020 мелдешинин финалына чейин Армения, Азербайжан жана Тунис өлкөлөрүнүн балбандарын жеңген.

Балбандар грек-рим күрөшү боюнча 77 килограмм салмакта Олимпиаданын алтын байгеси үчүн таймашат. Финалдык беттеш эртең, 3-августта, болот.

841
Белгилер:
Акжол Махмудов, таржымал, Олимпиада-2020
Тема:
2021-жылы Токиодо өтө турган Олимпиада оюндары
Тема боюнча
Атаандашын ай-буйга келтирбей жыккан Акжол. Жарым финалдагы жүрөк толкуткан видео
Былтыр 14:0 менен жеңилген. Айсулуунун алгачкы каршылашынын таржымалы

Жаалданган куруучу өнбөгөн карызы үчүн өзү курган тамды талкалап салды. Видео

285
Германияда көп кабаттуу үйдү салган адам акчасын төлөбөй койгондугу үчүн тамдын айнектерин жана балкондорун экскаватордун сузгучу менен талкалап салды. Муну ал өч алуу деп атаган.

Немец басылмалары окуя Блумберг шаарында болгонун жазышты. Имараттын жана анын жанындагы гараждардын чыгымы жарым миллион еврого бааланууда.

47 жаштагы "өч алгыч" субподрядчы болгон. Анын айтымына караганда, анын компаниясына 5 миллион евролук жумуштун акысын төлөп бербей коюшкан. Үй куруу үчүн башка техникаларды ижарага алып иштеткендиктен аларга да карыз болуп кеткен.

Экскаватор менен "өч алуу процессин" бүтүргөндөн кийин автоунаасына отуруп алып, полиция тилкесине барып, окуяны төкпөй-чачпай айтып берген. Тартип сактоочулар кийинчерээк ал адамдын бөтөн мүлктү талкалаганы үчүн жооп бере тургандыгын билдиришкен. Анткен менен ФГРдин мыйзамдары боюнча, ал адамдын иштери кылмыш жоопкерчилигине тартууга жол бербейт.

285
Белгилер:
Германия, курулуш, өч алуу, полиция
Тема боюнча
Иштен бошотулган киши Mercedes заводунда 50 автоунааны талкалап салды. Видео
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео