Центр транзитных перевозок ВВС США на базе Манас

НАТОнун аскерлери Афганистандан кетип жатат

34
(жаңыланган 11:13 29.12.2014)
АКШнын президенти белгилегендей, Афганистанда америкалык аскерлердин бир аз бөлүгү калат. Анын милдети "Афганистандын коопсуздук күчтөрүнө жардам берүү жана "Аль-Каиданын" жактоочуларынын террористтик аракеттерине каршы операцияларды жүргүзүү".

БИШКЕК, 29-дек — Sputnik. Коопсуздукка көмөк көрсөтүү боюнча эл аралык күчтөр (ISAF) Афганистанда өз миссиясын аяктоо менен, ага арналган расмий салтанатты жашыруун шартта өткөрдү деп билдирет РИА Новости "Аль-Жазира" араб телеканалына таянуу менен.

Миссиянын расмий аяктоо салтанаты Кабулда талибдердин кол салуу коркунучуна байланыштуу жашыруун өттү. Аскерлердин акыркы маалыматына караганда, радикалдуу исламисттер өлкөнүн борборунда өз аракеттерин жандандырууда деп билдирет телеканал.

Салтанатты НАТОнун атынан ISAFтин командачысы генерал Жон Кэмпбелл өткөрдү. Батыш контингентинин командачысы америкалык генерал Кэмпбелл билдиргендей, "бир доор аяктап, экинчиси башталууда".

"НАТО олуттуу ийгиликтерге жетишкен жана зор курмандыктарды башынан кечирген миссиясынын аягына чыкты", — деген башкы командачынын сөзүн келтирет телеканал.

Кошмо Штаттарынын башчысы Барак Обама буга байланыштуу АКШ "Афганистанда чектелүү сандагы аскерлерин калтыра турганын" айтты. Анын пикири боюнча, аталган миссия коопсуздук күчтөрүнө жардам берип жана "Аль-Каиданын" жактоочуларынын террористтик аракеттерине каршы операцияларды жүргүзмөкчү.

Андан сырткары, РИА Новостинин The Wall Street Journal журналынан алып келтирген маалыматтарына ылайык, Афганистанда 13,5 миң жоокер, негизинен америкалыктар калып жатат. Дал ошол аскерлер согуш аракеттеринде чектелген шарттарда катышмакчы, ал эми НАТОнун башка өлкөлөрүнүн аскерлери Афганистандын жоокерлерин аскердик ишке окутат. Журнал Ошондой эле Афганистанда калтырылган аскерлер Афганистандын аскер жетекчилигин өзгөчө тынчсыздандырган абадан сокку урууларды жүргүзбөйт деп билдирет журнал.

34
Белгилер:
Жон Кэмпбелл, Барак Обама, АКШ, Афганистан
Тема боюнча
Башкы штаб: НАТО аскердик инфраструктурасын Россиянын чек арасын көздөй жылдырууда
Афган кыргыздарына үзгүлтүксүз жардам берүү маселеси талкууланат
Киберкоопсуздук. Архивдик сүрөт

Медведев БУУ аянтчасындагы киберкоопсуздук боюнча келишимге чакырык жасады

21
(жаңыланган 18:28 24.10.2020)
Медведев Россия дүйнө коомчулугун киберкылмыштуулукка каршы биргеликте күрөшүп, маалымат айдыңда коопсуздукту камсыздап алууга бир нече ирет чакырык таштагандыгын айтты.

БИШКЕК, 24-окт. — Sputnik. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бере аларын РФтин Коопсуздук кеңешинин жетекчисинин орун басары Дмитрий Медведев БУУнун 75 жылдыгына арналган макаласында жазды.

Россиянын Коопсуздук кеңешинин төрагасынын орун басарынын макаласын толугу менен RT телеканалынан таанышууга болот.

Дүйнө чарчады. Лавров БУУнун Башкы Ассамблеясынын сессиясында сүйлөдү

"Глобалдуу маалымат айдыңында коопсуздукту камсыздоо принципиалдуу мааниге ээ болуп бара жатат. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек", — деп айтылат макалада.

Медведев бул боюнча кылмыштардын арбып бара жаткандыгын да жазган.

"Санариптин өнүгүшү, тилекке каршы, маалыматтык айдыңда кылмыштардын арбышын жаратат (анын пандемия учурунда көбөйүп кеткендигин байкоого болорун белгилей кетели)", — деген ал.

Медведев Россия дүйнө коомчулугун киберкылмыштуулукка каршы биргеликте күрөшүп жана маалыматтык айдыңда коопсуздукту камсыздап алууга бир нече ирет чакырык таштагандыгын айтты.

Ал БУУнун Башкы Ассамблеянын 73-сессиясында көпчүлүк добуш менен россиялык резолюция кабыл алынгандыгын эске салды.

Медведев пандемия маалындагы мамлекеттердин башкы милдети тууралуу айтты

"Аталган резолюциянын зарылдыгы улут аралык мүнөздөгү чакырыктар эл аралык коомчулуктун жапа тырмак катышуусунда гана майнаптуу болот. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бериши мүмкүн. Ал эл аралык укуктун ченемдерине, принциптерине таянат, маалымат тармагындагы жалпы кызыкчылыктарга жооп берет", — деп айтылган макалада.

Медведевдин айтымына караганда, мындай нерсе "эл аралык тынчтык менен коопсуздукту колдоону арттырып, аны менен катар эле эл аралык укукта макулдашылбаган технологияларды колдонууга жол бербейт".

21
Белгилер:
резолюция, киберкылмыштуулук, пандемия, Дмитрий Медведев, БУУ, Россия
Тема боюнча
Медведев БУУда "өзөктүк бештиктин" жеке саммитин өткөрүүнү сунуштады
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

59
(жаңыланган 17:55 24.10.2020)
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

59
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди
Туризм ассоциациясынын төрагасы Эрмек Мырзабеков

Мырзабеков: кышкы туризм дагы кризиске кептелүү коркунучунда

0
Туризм ассоциациясынын төрагасы Эрмек Мырзабеков өлкөдө кышкы туризм да киреше алып келе албай тургандыгын айтып, бул тармактагы ишкерлерге тынчсызданды.
Мырзабеков: кышкы туризм дагы кризиске кептелүү коркунучунда

Коронавирустун таасиринен улам болгон туризм тармагындагы кризистин таасири алдыда билинет. Мындай пикирин Эрмек Мырзабеков Sputnik Кыргызстан радиосуна маек берип жатып билдирди.

Анын айтымында, коронавирус туризм бизнесин эки доорго бөлүп койду.

Кыргызстанда туризм тармагында канча адам ишсиз калды. Кейиштүү сандар

"2019-жылга салыштырмалуу туризм багытындагы өнүгүү тескери динамиканы көрсөтүп калды. Көпчүлүгү кризис деп жатат. А чынында каатчылык эми болот. Себеби туризм менен жан баккан аймактарыбыз бар. Алсак, Ысык-Көл облусунун тургундары, ишкерлери турсезондо каражат таап, аны менен бир жыл жашайт. Быйыл андай болгон жок. Демек, алар мурда топтолгон, катылган каражаттарын колдонушууда. Ал акчалар деле акыры түгөнөт. Мына ошондо биздин экономика, коом үчүн кыйын убак келет. Албетте, учурда кышкы туризмди тосуп алууга даярдыктар көрүлүп жатат. Бирок медиктер боолголоп жаткандай эпидемиологиялык абал кайрадан начарласа, кышкы туризм тармагында кызмат көрсөткөн ишкерлер дагы катаал күнгө туш болушу ыктымал. Негизи эле бул вирус дүйнө жүзүндөгү туризмди эки доорго бөлүп койду", — деди Мырзабеков.

Ошондой эле ал туризм тармагына өкмөт тарабынан бөлүнгөн каражат жеткиликтүү деңгээлде таканчык боло албастыгын кошумчалады.

0
Белгилер:
каатчылык, коронавирус, туризм
Тема боюнча
Карап эле турсаң!.. Бирде бар, бирде жок болгон Көл-Суунун укмуш сүрөттөрү