Ракетный двигатель РД-180 на НПО Энергомаш

"Энергомаш" $1 миллиарддык ракета кыймылдаткычтарын АКШга сатат

50
(жаңыланган 17:11 19.01.2015)
Россиянын кыймылдаткычтары Orbital Sciences тарабынан чыгарылуучу Antares ракетасынын биринчи баскычында колдонулат. "Энергомаш" ИӨБ менен Бириккен ракеталык-космос корпорациясы келишим боюнча 60 кыймылдаткыч сатышы керек.

БИШКЕК, 16-янв — Sputnik. Orbital Sciences эл аралык америкалык компаниясы менен "Энергомаш" ИӨБ жана Бириккен ракеталык-космос корпорациясы (БРКК) РД-181 үлгүсүндөгү 60 ракета кыймылдаткычын сатуу жөнүндө келишимге кол коюшту деп билдирет РИА Новости "Известия" гезитине таянуу менен.

Россия тарап АКШга ракеталык кыймылдаткычтарды сатуу боюнча өкмөттөн уруксат берүүчү бардык документтерди мурдараак алган деп белгиледи "Энергия" ракеталык-космос корпорациясынын президенти Владимир Солнцев.

"Сатуунун баасына 60 кыймылдаткычтын гана наркы кирбейт. Ага учууга даярдоо, кыймылдаткычты ракетага орнотуп жана аны сыноодон өткөрүү боюнча кызматтардын акысы да киргизилген. Келишимдин жалпы баасы 1 миллиардга жакын долларды түзөт", — деди Солнцев.

Корпорациянын "Энергомаштын" атынан келишимге кол койгон жетекчисинин айтымында, РД-181 аскер багытындагы космос аппараттарында пайдаланбоо шарты белгиленген.

Россиянын кыймылдаткычтары Orbital Sciences тарабынан чыгарылуучу Antares ракетасынын биринчи баскычында колдонулат.

"Келишимде көрсөтүлгөн кыймылдаткычтар үчкө бөлүнүп, жыйырмадан сатылат. Биринчи 20 кыймылдаткыч боюнча толук макулдашылган келишим бар. Биз аларды чыгарууга кириштик, себеби эки РД-181 келерки жылдын июнунда сатылышы керек деп макулдашылган", — деп сөзүн бүтүрдү Солнцев.

Премьер-министр Дмитрий Медведев жылдын аягында РД-181 кыймылдаткычтарын сатуу боюнча Россиянын "Энергомаш" ИӨБ менен Американын Orbital Sciences компаниясынын ортосунда келишим түзүү процесси жөнүндө буйрукка кол койгон.

Өткөн жылдын октябрында Antares ракета алып жүрүүчү "Валлопс" космодромунда (Виржиния штаты) учар алдында жарылып кеткен. Кемеде орнотулган Cygnus космос жүк ташыгычы ЭКСке эки тонна жүк жеткириши керек болчу.

Кырсыктын расмий себеби жарыяланган эмес, бирок серепчилер жарылуу советтик НК-33 кыймылдаткычынын негизинде жаңыланып жасалган AJ-26 кыймылдаткычындагы оң эместиктен болду деген бир пикирди айтышат. Окуя болгондон кийин Orbital Sciences өзүнүн ракета алып жүрүүчүлөрүн башка кыймылдаткычтар менен жабдууну пландап жатканын билдирген.

50
Белгилер:
АКШ, Россия, Энергомаш, Orbital Sciences
КМШ желектери. Архивдик сүрөт

Бишкекте КМШнын коопсуздук кызматынын өкүлдөрү жолукту. Эмне талкууланды

17
(жаңыланган 16:23 23.10.2021)
Кеңешмеде КМШ мамлекеттери террордук активдүүлүк күчөгөн аймактарга география жактан жакын экенин эске алуу менен бир нече багыт боюнча ишти улантуу зарылдыгын белгилешкен.

БИШКЕК, 23-окт. — Sputnik. Бишкекте КМШга мүчө мамлекеттердин коопсуздук органдарынын, атайын кызматтардын жана укук коргоо органдардын өкүлдөрүнүн XI аймактык эксперттик кеңешмеси болуп өттү. Бул тууралуу УКМКнын маалымат кызматы кабарлады.

Иш-чарага Кыргызстан, Казакстан, Россия, Тажикстан жана Өзбекстандын коопсуздук кызматынын өкүлдөрү менен КМШнын коопсуздук көйгөйлөр боюнча илимий изилдөө институтунун эксперттери катышкан.

"Жыйындын алкагында Афганистанда ички саясий кырдаалдын курчушунда Борбор Азия чөлкөмүндөгү өлкөлөрдүн ыкчам абалынын өнүгүү өзгөчөлүктөрү боюнча пикир алмашуу болду. КМШ мамлекеттери террордук активдүүлүк күчөгөн аймактарга географиялык жактан жакын экени, андан улам элге терроризм идеологиясын жайылтуу, экстремисттик жана террордук  иштерге тартуу коркунучу жаралып жатканы айтылды", — деп жазылган маалыматта.

Иш-чаранын катышуучулары бир нече багыт боюнча ишти улантуу зарылдыгын белгилешкен:

  • Борбор Азиядагы террордук, экстремисттик уюмдардын жана мыйзамсыз куралдуу топтордун абалына жана ишмердүүлүгүнө жүргүзүлгөн мониторинг боюнча маалымат алмашуу;
  • жан кечтилерди жана алардын үй-бүлө мүчөлөрүн аныктоо үчүн миграциялык агымдарды тактоо;
  • террордук мүнөздөгү кылмыштарды жасап, жазадан качкандарга мамлекеттер аралык издөө жарыялоодо координацияланган иш-чараларды жүргүзүү.
17
Белгилер:
УКМК, КМШ, коопсуздук, терроризм
Тема боюнча
Медетбеков: ЖККУнун аскердик окутуулары террордук уюмдарга белги болот
УКМК эмнеге унчукпай отурушу керек. Жапаров атайын кызматтардын тыңшоосу боюнча айтты
Аэропорттогу жүргүнчүлөр. Архив

Россиялыктар арасында бир апталык эс алууда Кыргызстанга келгиси келгендер бар

201
(жаңыланган 23:15 22.10.2021)
Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин дем алыш жарыялаган.

БИШКЕК, 22-окт. — Sputnik. Россиянын саякаттоо сервиси боюнча анализ жүргүзгөн Туту.ру сайты алдыдагы бир апталык деп алышта жарандар кайсы мамлекеттерге көбүрөөк бара турганын жарыялады.

Россиянын жашоочулары 30-октябрдан тарта 7-ноябрга чейин барып келүүнү пландаган алдыңкы 10 мамлекеттин ичинде Кыргызстан дагы бар.

Россиялыктар барууну пландаган өлкөлөрдүн ондугу (эл аралык авиакаттамдарга билет алгандардын жалпы санынан пайыз менен бөлүп көрсөтүлөт):

  • Өзбекстан — 16,6 пайыз;
  • Армения — 14,1;
  • Түркия — 13,5;
  • Кыргызстан — 9,6;
  • Азербайжан — 6,6;
  • Молдова — 6,1;
  • Беларусь — 4,4;
  • Кипр — 3;
  • Казакстан — 2,8;
  • Египет — 1.

Эске салсак, Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин эс алуу жарыялаган. Ошондой эле ал абал жакшырбаса, дем алыштын мөөнөтү узартыларын кошумчалады.

201
Белгилер:
Россия, пандемия, эс алуу, билет, Кыргызстан
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
Москвада коронавирустан улам бир катар чектөөлөр кирди. Тизме
Президент Садыр Жапаров. Архивдик сүрөт

Кесипкөйлүгүңүздөр азыр өтө маанилүү. Жапаров дипломаттарды куттуктады

10
(жаңыланган 17:53 23.10.2021)
Президент бүгүнкү эл аралык татаал кырдаалда дипломаттардын кесипкөйлүгүн, чет элдик өнөктөштөр менен тил табыша билүүсү өтө маанилүү экендигин айткан.

БИШКЕК, 23-окт. — Sputnik. Президент Садыр Жапаров бүгүн, 23-октябрда, дипломатиялык кызматкерлерди кесиптик майрамы менен куттуктады. Бул тууралуу мамлекет башчынын маалымат кызматынан кабарлады.

"Өлкөбүздүн тышкы саясат кызматы өзүнүн бай тарыхы менен сыймыктана алат. Кыргыз дипломаттары бүгүнкү күндө улуттук кызыкчылыктарды коргоонун алдыңкы сабында туруп, дүйнөдө тынчтыкты чыңдоого, эң маанилүү глобалдык жана региондук маселелерди чечүүгө салым кошууда. Республикабыздын Тышкы иштер министрлигинин ишмердүүлүгүндө кыргыз дипломаттары жогорку кесипкөйлүгүн жана ата мекенине берилген кызматын далилдешип, улуттук кызыкчылыктарды коргоп, эл аралык аренада КРдин позициясын бекемдөөдө", — деп айтылган куттуктоодо.

Мамлекет башчы мындан сырткары ардагер дипломаттардын эмгегин белгилеген.

"Тышкы иштер кызматынын ардагерлеринин жана кызматкерлеринин мамлекетибиздин калыптанышына кошкон салымы баа жеткис", — деген Жапаров.

Президент бүгүнкү эл аралык татаал кырдаалда дипломаттардын кесипкөйлүгүн, чет элдик өнөктөштөр менен тил табыша билүүсү өтө маанилүү экендигин айткан.

Күн тартибинде тынчтыкты сактоо, стратегиялык стабилдүүлүктү чыңдоо, кризис жана конфликтилерди саясий-дипломатиялык жолдор менен гана чечүү, евразиялык интеграцияга көмөктөшүү маселелери турарын белгилеген. Буга эки тараптуу кызматташтыкты бекемдөө, ошону менен бирге эл аралык уюмдардын алкагында өз ара иштешүүнү кошкон.

Жапаров экономикалык дипломатияны өнүктүрүүнү улантуу керектигин, ошондой эле чет өлкөлөрдөгү кыргызстандык жарандардын укуктарын жана кызыкчылыктарын коргоо зарылдыгын айткан.

10
Белгилер:
Кыргызстан, Садыр Жапаров, куттуктоо, дипломат
Тема боюнча
ТИМ жетекчиси Россиянын Кыргызстандагы элчиси менен жолукту