Демонстранты во время акции протеста против полицейского насилия по отношению к меньшинствам, Нью- Йорк, США.

Америкалыктар башкы көйгөйлөрдүн бири улуттар аралык келишпестик маселелери деп эсептейт

56
(жаңыланган 15:04 22.01.2015)
Сурамжылоо Sputnik агенттигинин өтүнүчү менен ICM Research компаниясы тарабынан АКШда 2014-жылдын 5-17-декабрында жүргүзүлгөн. Ага миңден ашуун адам катышты, алардын катарында жыныстык, жаш-курагы, ошондой эле географиялык жактан түрдүү топтордун өкүлдөрү бар.

БИШКЕК, 22-янв — Sputnik. Sputnik агенттигинин өтүнүчү менен ICM Research компаниясы тарабынан жүргүзүлгөн сурамжылоонун натыйжаларына ылайык, америкалыктардын дээрлик 70%ы расалар жана улуттар аралык келишпестиктер бүгүнкү күндө америкалык коомдун эң курч көйгөйлөрүнүн бири деп эсептейт.

Бүгүнкү күндө расалар жана улуттар аралык келишпестиктер америкалык коомдо эң курч көйгөйлөрдүн бири деген ойго канчалык кошуласыз деген суроого америкалыктардын 67%ы "толук макулмун" же "макулмун десем болот" деп жооп берген. Терс жооп бергендердин саны 21%ды түздү.

Сурамжылоо Sputnik агенттигинин өтүнүчү менен ICM Research компаниясы тарабынан 2014-жылдын 5-17-декабрында АКШда жүргүзүлгөн. Ага миңден ашуун адам катышып, алардын катарында жыныстык, жаш-курагы, ошондой эле географиялык жактан түрдүү топтордун өкүлдөрү бар.

АКШда өткөн жылдын ноябрь жана декабрь айларында полиция кызматкерлери тарабынан болгон негизсиз зомбулук аракеттерине байланышкан массалык нааразылык акциялары өткөн. Атап айтканда, Америка коомунда толкундоолорго африкалык-америкалыктар: Нью-Йоркто колго түшүрүү учурунда муунтуп өлтүрүлгөн Эрик Гарнер менен Мссури штатында полиция тарабынан атылган Майкл Браундун өлүмү себеп болгон.

56
Белгилер:
АКШ, ICM Research
Кыргызстандык балбан Акжол Махмудов. Архив

Акжол, Мээрим, Үзүр. Кыргызстандык балбандардын алгачкы атаандаштары аныкталды

192
(жаңыланган 13:04 01.08.2021)
Бүгүн кыргызстандык балбандар чүчү кулак кармашкан. Алар эртең, 2-августта, саат 08:00дө килемге чыгат.

БИШКЕК, 1-авг. — Sputnik. Токиодогу Олимпиада оюндарында күрөш боюнча 2-августта килемге чыга турган кыргыз балбандарынын алгачкы атаандаштары аныкталды. Бул тууралуу Кыргызстандын күрөш федерациясынын маалымат кызматы кабарлады.

Бүгүн балбандар чүчү кулак кармашкан. Алар эртең, 2-августта, саат 08:00дө килемге чыгат.

Грек-рим күрөшүнөн 77 килограмм салмак категориясы боюнча катышып жаткан Акжол Махмудов Тунистин балбаны Ламджед Маафи менен кармашат.

68 килограмм салмак категориясы боюнча Мээрим Жуманазарова болгариялык Мими Христова менен күрөшөт. Анын атаандашы 28 жашта, 2020-жылы Европанын чемпиону болгон. 2016-жылы өткөн Олимпиаданын катышуучусу.

97 килограмм салмак категориясы боюнча Үзүр Жузупбеков армениялык Артур Алексанян менен беттешет. Ал дүйнөнүн үч жолку чемпиону, 2016-жылкы Олимпиаданын чемпиону.

192
Белгилер:
Олимпиада-2020, күрөш, балбан, чучу кулак
Тема:
2021-жылы Токиодо өтө турган Олимпиада оюндары
Тема боюнча
Бекдөөлөт Расулбеков Олимпиадада 6-орунду ээледи. Видео
Шашып кетти. Жоламан Шаршенбеков жарым финалга чыга албай калды
Көчөдө бараткан адам. Архив

Эксперт: COVID бир нече жылдан кийин кадимки сасык тумоодой болуп калышы мүмкүн

22
(жаңыланган 13:31 01.08.2021)
Адистин айтымында, дүйнөдө беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Ошентсе да алар коронавирустун жеңил түрү менен ооруй бериши мүмкүн.

БИШКЕК, 1-авг. — Sputnik. Коронавирус бир нече жылдан кийин кадимки сасык тумоо сыяктуу болуп калышы ыктымал. Ал тургай ага антителасы барлар да ооруп, эл дартты жеңил формада көтөрүшү мүмкүн. Бул тууралуу антисептиктин формуласын ойлоп тапкан швейцариялык адис Дидье Питте РИА Новости агенттигиндеги маегинде айткан.

Ал дүйнөдө пандемияга алып келген коронавирустун бир нече түрү бар экенин айтып, бирок адамдар жуктуруп жаткан түрүнө иммунитет бала кезден эле иштелип чыгарын белгилеген.

"Биз бул вирустарды билип, иммунитет иштелип чыккан күндө деле убакыт өткөн сайын ал жеңил сасык тумоо сыяктуу болуп калат. Беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Бирок анын жеңил түрү менен ооруй берет. Ал сасык тумоодой эле болуп калат", — деди ал.

Питте дүйнөдө коронавируска каршы вакцина иштелип чыкпаганда жамааттык иммунитеттин пайда болуусу үчүн 6дан 10го чейин коронавирус толкуну болушу керек эле деген ойду кошумчалаган. Ал калк канчалык көп эмделсе, дүйнө ошончо эрте кадимки жашоого кайтарын эскертип, балдарды да эмдөө керектигине токтолгон.

22
Белгилер:
коронавирус, сасык тумоо, мутация, эмдөө
Тема:
Дүйнөгө жайылган коронавирус
Тема боюнча
Дарыгер коронавирустан кийин кимдерде тромбоз пайда болорун айтты
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

0
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

0
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет