Здание ООН в Нью-Йорке

Кыргызстан БУУга мүчөлүк карызынан январдын аягында кутулат

55
Бириккен Улуттар Уюмунун Башкы Ассамблеясы Кыргызстанды кошкондо жети өлкөнү мүчөлүк акы төлөбөгөндүгү үчүн добуш берүү укугунан ажыратты. Каржы министрлиги карызын айдын аягына чейин жоюуга милдеттенди.

БИШКЕК, 30-янв — Sputnik. Кыргызстан Бириккен улуттар уюмуна мүчөлүк карызынан январдын аягында кутулаарын Каржы министри билдирди. 

Бириккен Улуттар Уюмунун Башкы Ассамблеясына мүчөлүк акы боюнча Кыргызстан менен Македония, Гренада, Маршалл аралдары, Тонга, Вануату жана Йемен өлкөлөрү карыз.

Тышкы иштер министрлигинин маалымат катчысы Турдакун Сыдыков Sputnik маалымат сайтынын кабарчысына Каржы министрлиги карыз акчаны которуу боюнча иштеп жатканын, каражат калпыстыктан улам төлөнбөй калгандыгын айтып берди.

Каржы министри 2015-жылдын январынын "Эл аралык уюмдарга берилүүчү гранттар" төлөмдөрүндө 54 271 доллар каралганын кошумчалашты. Ал дайыма ушул айдын аягында бюджетке которулуп турат. Кыргызстан жогоруда аталган эл аралык уюмда добушун кайрадан калыбына келтириш үчүн 6 731 доллар төлөшү керек.

Парламентте бул окуя депутаттардын нааразычылыгын жаратты. "Ата Мекен" фракциясынын депутаты Наталья Никитенко бул мамлекеттик органдар үчүн уят экендигин айтса, "Республикачыл" Курманбек Дыйканбаев атка минерлерди мындай катачылыгы үчүн жазалоого чакырды.

Кыргыз Республикасы Бириккен Улуттар Уюумуна 1992-жылдын 2-мартында мүчө болгон. Бул жылдар ичинде КР өкүлдөрү дүйнөлүк саммиттерге катышып, чыгып сүйлөп, актуалдуу маселелер боюнча өздөрүнүн сунуш, пикирлерин айтып турат. Кыргызстандын бир топ демилгелери БУУга мүчө өлкөлөр тарабынан колдоого алынып келет.

55
Белгилер:
карыз, Каржы министрлиги, Бириккен Улуттар Уюму, Наталья Никитенко, Турдакун Сыдыков
Тема боюнча
БУУ АКШ полициясынын улуттук азчылыктарга мамилесине тынчсызданууда
Министр Турганбаев БУУ БКБнын Кыргызстандагы жетекчиси Федулов менен жолугушту
БУУ: Украинада миллиондон ашык адам өз үйлөрүн таштап кетти
Тажикстандын футболчулары Япон футболчулары менен беттеш учурунда

Тажикстандын командасы Дүйнө чемпионатынын тандоо туруна өтпөй калды. Себеби

106
(жаңыланган 13:20 16.06.2021)
Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген.

БИШКЕК, 16-июн. — Sputnik. Тажикстандын футбол боюнча курама командасы 2022-жылы өтө турчу Дүйнө чемпионатынын үчүнчү тандоо раундуна өтпөй калды. Бул тууралуу Тажикстандын Футбол федерациясы кабарлады.

Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген. Үчүнчү раундга сегиз топтун жеңүүчүлөрү чыккан. Ошондой эле аталган раундда экинчи орунду алган мыкты беш команда да ойномок.

"Тажикстандын улуттук курама командасы 2022-жылы өтө турган Дүйнөлүк чемпионаттын тандоо турнирине катышпай калды. Дүйнөлүк чемпионаттын тандоо турунун үчүнчү раундуна чыгып, 2023-жылы өтө турчу Азия кубогуна жолдомо алуу үчүн курама команда үчүн төрт гол жетпей калды", — деп жазылат федерациянын маалыматында.

Кийинки этапка Сирия, Австралия, Иран, Сауд Аравиясы, Япония, БАЭ жана Түштүк Корея чыкты.

Экинчи орунду алган командалардын көрсөткүчтөрү:

  • Кытай — 13 упай;
  • Оман — 12;
  • Ирак — 11;
  • Вьетнам — 11;
  • Ливан — 10 (өз дарбазасына жана атаандашка кирген топтун айырмасы +3);
  • Тажикстан — 10 (өз дарбазасына жана атаандашка кирген топтун айырмасы — 1);
  • Өзбекстан — 9;
  • Кувейт — 8.
106
Белгилер:
тандоо, футбол, дүйнө чемпионаты, Тажикстан
Тема боюнча
КРдин футбол командасы өз тайпасынан экинчиге илинбей калды. Эми эмне болот?
Новосибирск жарылуу болгон автогаз куюучу жайы

Кыргызстандыктар жабыркаган жарылуу: Новосибирскте АЗСтин директору кармалды

56
(жаңыланган 12:49 16.06.2021)
14-июнда аталган калаада автогаз куюучу жайда жарылуу болуп, анда жабыркагандардын арасында үч кыргызстандык бар экени айтылган.

БИШКЕК, 16-июн. — Sputnik. Новосибирск соту жарылуу болгон автогаз куюучу жайынын директорун эки айга камакка алды. Бул тууралуу РИА Новости жазды.

"Кырсыкка себепкер катары автогаз куюу жайынын директору менен инженери тергөө учурунда эки айга камакка алынды. Алдын ала маалыматтарга караганда, газ ташып келген атайын автоунаа газды куюу учурунда коопсуздук эрежелерин сактабай койгону себеп болушу мүмкүн", — деп айтылат маалыматта.

Эске салсак, 14-июнда жергиликтүү убакыт менен саат 18:00дөр чамасында Новосибирск шаарындагы автогаз куюучу жайда жарылуу болуп, анда жабыркагандардын арасында үч кыргызстандык болгон. Буга чейин Тышкы иштер министрлиги алардын экөө ооруканада, бири үйүндө дарыланып жатканын, өмүрүнө коркунуч жок экенин айткан.

Ошондой эле өрттүн жана жарылуунун натыйжасында Кыргызстандын жараны ижарага алып иштетип жүргөн кафе жана кыргыз жараны иштеген дөңгөлөк алмаштыруучу жай күйүп кеткендиги аныкталган. Дагы бир кыргызстандыктын документтери күйүп кеткен.

56
Белгилер:
камоо, директор, жарылуу, Новосибирск, Россия
Тема боюнча
Сузакта шахта урап, ичинде калып калган эки киши көз жумду
Унаа экиге бөлүнүп кеткен. Түптөгү жол кырсык эки кишинин өмүрүн алды. Сүрөт
Бишкек шаарынын мурунку биринчи вице-мэри Алмаз Бакетаев. Архив

Бишкекте шаар жетекчисинин орун басарлары алмашты

0
Бишкек мэриясында калаа жетекчисинин эки орун басары алмашты. Буга чейинки биринчи вице-мэр Алмаз Бакетаев башка кызматка которулгандыгына байланыштуу иштен бошотулду.

БИШКЕК, 16-июн. — Sputnik. Бишкек мэриясында кадрдык өзгөрүүлөр болуп, биринчи вице-мэр Алмаз Бакетаев башка кызматка которулгандыгына байланыштуу иштен бошотулду. Бул тууралуу муниципалитеттен маалымат кызматынан билдиришти.

Анын ордуна буга чейин тиричилик-коммуналдык чарба боюнча вице-мэр болуп келген Жамалбек Ырсалиев дайындалды.

Ал эми шаар башчысынын экономикалык жана финансылык маселелер боюнча орун басары болуп Максатбек Сазыкулов келди. Буга чейин ал Россия-кыргыз өнүктүрүү фондунда Уюштуруучулукту өнүктүрүү департаментин жетектеген.

0
Белгилер:
вице-мэр, Жамалбек Ырсалиев, Алмаз Бакетаев, Бишкек мэриясы, Бишкек
Тема боюнча
Уланбек Калманбетов Архитектура, курулуш агенттигин жетектемей болду