Архив: набережная Воронежа

Сурамжылоо: кыргызстандыктар көчүп барууга РФтин кайсы аймактарын тандашат?

(жаңыланган 09:22 11.02.2015)
Россияда жашоо үчүн жер тандоодо кыргызстандыктарды биринчи кезекте аймактын социалдык-экономикалык шарттары, иш орундарынын болушу жана акыркы кезекте аба ырайынын шарты кызыктырат.

БИШКЕК, 10-фев — Sputnik. Жыл сайын кыргызстандыктар Россияга Чет мамлекеттерде жашоочу мекендештерди көчүрүү программасы боюнча кетип турушат.

РФтин Федералдык миграция кызматынын маалыматы боюнча көчүп кетип жаткан мекендештер — эмгекке жарамдуу курактагылар. Алсак, көчүп кеткендердин 36 пайызын 18-30 жаштагылар; ал эми 34 пайызын 30-40 жаштагылар; 18,6 пайызын болсо 40-50 жаштагылар түзөт.

Россия Федерациясына туруктуу жашоого көчүп кетүүнү каалоочулар программага киргизилген ар түрдүү аймактарды тандашат. Sputnik кетүүгө камынып "чемоданда отурган" адамдардын жана жаңы жерге көчүп кеткендердин арасында сурамжылоо жүргүздү. Башкы суроо аймактарды кайсы принцип боюнча тандагандары жөнүндө болду. 

Илья Лохтин, куруучу-монтажчы:

— Үй-бүлөбүз менен чогуу Воронежди тандап алдык. Мени ал жакка досторум чакырышып, алар мага жакшы иш таап коюшкан. Көчүрүү программасын биз жарым-жартылай эле пайдаландык, себеби жарандык берүүчү документтерди тезирээк алыш керек болду. Жубайым көчүп барууга карата документерди үч айда толтуруп алды.

Бул аймакта мени кызыктырган баа саясаты болду. Бул жерде баары Бишкекке караганда арзан. Азыр курулуш күчөп турган убак, ошон үчүн менин кесибиме суроо-талап көп. Көчүү жөнүндө акыркы чечимди кабыл алардан мурун мен Воронежде бир жыл жашадым. Мага аба ырайы да, россиялыктардын көчүп келгендерге мамилеси да жакты. Мага жана үй-бүлөмө бул жерде жашоо жагат деп ойлойм. 

Елизавета Лесникова, тейлөө тармагынын кызматкери:

— Россияга көчүп кетели деп чечкенден кийини, аймакты тандоодо биз үй-бүлөбүз менен бир нече принципке таяндык: социалдык-экономикалык жакшы шарттардын болушу, надистик боюнча иш орундарынын болушу, ошондой эле Россияга туруктуу жашоого көчүп кеткен туугандарга жакыныраак болуу.

Социалдык түйүндөрдө көпкө чейин иликтөө жүргүзүп, көчүп кеткендер менен болгон сүйлөшүүлөрдөн кийин Новосибирскти тандап алдык. Биз Мекендештерди көчүрүү программасы боюнча бара жаткандыктан, бизге социалдык төлөмдөр каралган. Бирок алар биз үчүн башкысы эмес болчу, ал болгону жөн эле жагымдуу кошумча. 

Мага шаар өзү жакты. Ал жаш жана жандуу. Биз жолдошум экөөбүз өз адисбиз боюнча иш таптык. Жакында биз жаңы мекенибизге кетебиз.

Жаңы жашоо шартына, сибирликтердин биздин менталитеттен айырмаланган кулк-мүнөзүнө көнүш керектигин түшүнөм. Өзүмдүн кыял-мүнөзүмдү да өзгөрткөнгө туура келет. 

Денис Вольф, журналист:

— Россияга көчүп кетүү жөнүндө чечим бир жагынан күтүүсүз болду. Өз жашоомдо бир нерсени өзгөртүш керек деген түшүнүк пайда болду. Ага бир нече фактор себеп. Жубайым менен РФке эс алууга барып, Москвада, Питерде, анан Воронежде болдук. Кызыкчылык үчүн бардык жерден иш сурап көрдүк, бирок чет элдикти Воронежде эле ишке алышты. Ошон үчүн биз ал жакка көчүп кетүүнү чечтик. Анан калса, ал жакта аялымдын туугандары да жашайт.

Биз Көчүп баруу программасы боюнча жайгашкан жокпуз. Мен жөн эле жаңы кесиптештеримдин биринде каттоого туруп, убактылуу жашоого уруксат алдым. Анан жарым жылдан кийин Кыргызстанга кайтып келгенде, көчүп кетүүнү толук чечтим. Документтерди программа боюнча даярдай баштадым. Эң чоң артыкчылыгы ал программа боюнча автоунааны бажы акысыз алып өтүүгө болот экен. 

Аймак мени толук канааттандырат, иште эч көйгөй жок, Россиянын жарандары менен дээрлик тең укуктарым бар. Бирок добуш гана бербейм. Бирок, баса, бир көйгөйгө туш болдум: ФМС органдарында бардык документтерди убагында толук толтуруп алуу мүмкүн эмес. Ар кандай далилкат алыш үчүн көпкө чейин кезекте туруш керек. Керектүү да, кереги жок да кагаздын баарын КРде камдап алыш керек экен. Бул жумуш издөөнү жеңилдетип, көчүп баруу процессинен убагында өтүүгө жардам болот.

Елена Куприянова, event-менеджер:

— Мен кыргыз жарандыгымды россиялыкка алмаштырууну жумуштагы кыйынчылыктардын айынан чечтим. Калининград областын программа боюнча аймактардын ичинен көзүмдү жумуп туруп эле тандап алдым. Мен ал кезде эмне кайсы жерде жайгашканын жакшы деле билчү эмесмин. Жана бул анклав экени оюма да келбептир. Болгону Европа "жолдун аркы бетинде" экенин билчүмүн. Мага жакканы, программага арыз берип жатканда Калининград областы артыкчылык орунда болчу. Башкача айтканда, колдоо иретиндеги акчанын көлөмү чоң болчу, жатакана жана, ал тургай, кайсы бир иш орундары да берилип жаткан. 

Калган жакшы жактарын көчүп келгенден кийин көрдүм. Бул жерде биздин туугандарыбыз да, досторубуз да жок болчу. Көчүрүү программасы убада кылгандын баарын алдым: белгиленген мөөнөтө жарандык, Россиянын паспорту, бардык төлөмдөр.

Жумушту көчүп келгенден 1.5 айдан кийин таптым. Жарандыгы жок ишке орношуу өтө кыйын, бирок мүмкүн. Мени расмий түрдө Россиянын жараны боло электе эле ишке алышты. Каатчылыкка карабай, иш табууга болот. Азыр мен бул жерди тандап алганыма эч өкүнбөйм.

Белгилер:
мекендештерди көчүрүү программасы, ФМК, Россия
БУУнун желеги. Архив

БУУнун Башкы ассамблеясы Кыргызстан сунуштаган демилгени бир добуштан колдоду

(жаңыланган 17:51 20.04.2021)
Расмий Бишкек демилгелеген резолюцияга Япония, Кытай, Россия жана Индия өңдүү 60 өлкө авторлош болгону белгиленет.

БИШКЕК, 20-апр. — Sputnik. Бириккен Улуттар Уюму Кыргызстан демилгелеген "Жаратылыш чек араны билбейт: чек ара кызматташтыгы — биологиялык ар түрдүүлүктү сактоонун, калыбына келтирүүнүн жана туруктуу пайдалануунун чечүүчү фактору" деп аталган жаңы резолюцияны жактырды. Бул тууралуу Тышкы иштер министрлигинин маалымат кызматы билдирди.

75-сессиянын пленардык жыйынында БУУнун Башкы ассамблеясы резолюцияны бир добуштан кабыл алган.

Резолюциянын негизги максаты — 2030-жылдын күн тартибин ишке ашыруу жана туруктуу өнүгүү принциптерине негизделген жаратылыш ресурстарын сарамжалдуу пайдалануу менен биргелешкен иштерди жүргүзүү. Муну менен келечек муунду таза, коопсуз жана туруктуу чөйрө менен камсыз кылуу боюнча биологиялык ар түрдүүлүктү сактоо тармагында чек ара кызматташтыгын бекемдөө.

Долбоорго БУУнун Биоартүрдүүлүк жөнүндө конвенциясы, Көчүп жүрүүчүлөр түрлөрү боюнча конвенциясы, Рамсар конвенциясы жана Германиянын Коргоо союзу (NABU) сыяктуу бир катар глобалдык экологиялык уюмдар өз баасын берип колдоого алган.

"Резолюциянын бир добуштан кабыл алынып, дүйнөнүн 60 мамлекетинин авторлош болушу демилгенин актуалдуулугун далилдеп, мындан ары илгерилетүүгө колдоо көрсөтөрүн тастыктайт. Бул Кыргызстандын экология жаатында жогору бааланган ийгиликтүү демилгелеринин уландысы болду. Буга чейин ак илбирсти сактоо, тоолуу аймактарды туруктуу өнүктүрүү, Нью-Йоркто БУУнун алдында Тоолуу өлкөлөрдүн досторунун тобун түзүүнү сунуштаган", — деп айтылат маалыматта.

Кыргызстан демилгелеген резолюцияга Япония, Кытай, Россия жана Индия өңдүү 60 өлкө авторлош болгону белгиленет. Тизме менен Тышкы иштер министрлигинин сайтынан таанышууга болот.

Белгилер:
чек ара, жаратылыш, резолюция, демилге, Кыргызстан
Тема боюнча
Жапаров ЮНЕСКО директорун КРдеги чокуга чыгууга чакырып, макулдугун алды
БУУнун башкы катчысы Антонио Гутерриш. Архив

Гутерриш дүйнө туңгуюкка кептелгенин айтып, эл башчыларына сунуш берди

(жаңыланган 16:14 20.04.2021)
Эл аралык уюм былтыр токойлор өрттөнүп, кургакчылык болуп, суу ташкындап, ага кошумча мөңгүлөр эригенин айтып, климат ушул боюнча кете берсе дүйнө алапайын таппай каларын айткан.

БИШКЕК, 20-апр. — Sputnik. БУУнун башкы катчысы Антониу Гутерриш Reuters агенттигине берген маегинде дүйнө туңгуюкка кептелип баратканын билдирди.

Анын айтымында, Дүйнөлүк метеорологиялык уюм 2020-жылы токойлор өрттөнүп, кургакчылык болуп, суу ташкындап, ага кошумча мөңгүлөр эригени боюнча отчёт берген. Мындай көрүнүш тарыхта сейрек кездешери айтылат.

"Биз жоголуп кетүү коркунучунда турабыз. Тропикалык бороон-чапкындардын, глобалдык жылуулуктун кесепетинен муз менен мөңгүлөрдүн эриши, токой өртү боюнча рекорддук деңгээл байкалууда. Илимий коомчулук тарабынан аныкталган кооптуу 1,5 градуска жетебизби деп турам", — деген БУУ өкүлү.

Мындай жагдай климаттын кескин өзгөрүшүнөн ансыз да жапа чеккен миллиондогон адам үчүн бөтөнчө кыйынчылык жаратарын кошумчалаган.

Гутерриш дүйнө лидерлерин аталган документ менен таанышууга чакырып, жаратылыш кырсыктарын алдын алуу боюнча чараларды көрүүгө үндөдү.

Белгилер:
климат, жаратылыш, дүйнө, Антониу Гутерриш, БУУ
Тема боюнча
БУУнун катчысы кансыз согуштун алдын алуу жолун айтты
Сокулук музыкалык мектебинин окуучусу Адинай Жумакадырова комуз белекке алды

Президенттен комуз сураган Адинай белегин алды. Сүрөт

(жаңыланган 19:10 20.04.2021)
Өзүмдүн өрүк комузум болсо деп кыялданган окуучу кыз президентке кат жазып көрүүнү чечкен. Мамлекет башчы Адинайдын өтүнүчүн жоопсуз калтырган жок.

БИШКЕК, 20-апр. — Sputnik. Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды. Бул тууралуу президенттин аппаратынан билдиришти.

  • Заведующий отделом Аппарата Президента Кудайберген Базарбаев подарил ученице Сокулукской музыкальной школы Адинай Жумакадыровой от комуз. 20 апреля 2021 года
    Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды
    © Пресс-служба президента КР / Султан Досалиев
  • Ученица Сокулукской музыкальной школы Адинай Жумакадыровой играет на подаренном от имени президента комузе. 20 апреля 2021 года
    Маалыматка караганда, тестиер кыз Нооруз майрамына карата президентке кат жолдоп, өрүк комуз белек кылууну суранган
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды

Маалыматка караганда, тестиер кыз Нооруз майрамына карата президентке кат жолдоп, өрүк комуз белек кылууну суранган.

Бүгүн, 20-апрелде, президенттин аппаратынын гуманитардык өнүктүрүүгө мониторинг жүргүзүү жана жарандык коомдун институттары менен өз ара кызматташуу бөлүмүнүн башчысы Кудайберген Базарбаев Адинайдын өтүнүчүн аткарып, президенттин атынан ага комуз белек кылды.

"Адинайдын жолдогон каты дарегине жетти. Бүгүн биз Садыр Жапаровдун атынан улуттук музыкалык аспапты Адинайга белекке тапшырып жатканыбызга кубанычтабыз. Комуз өрүктөн жасалган. Мамлекет башчы Адинай мыкты музыкант болуп, эл аралык конкурстарда өлкөнүн атынан чыгат деген чоң үмүтүн билдирди", — деди Базарбаев.

Ал эми жаш музыканттын апасы Асел Асаналиева президентке кат жазуу кыздын жеке идеясы болгонун айтты.

Кыргызстандын президенти Садыр Жапаров. Архив
© Пресс-служба президента КР / Султан Досалиев
"Адинай бала кезинен эле музыкага, комузга өзгөчө жакын. Ар дайым өзүмдүн комузум болсо деп кыялданчу. Кыялын ишке ашырууга аракеттенип, президенттен суроону чечкен. Көп өтпөй эле комуз белекке берилери жөнүндө кабарлашты", — деди ал.

Адинай аспапка аяр мамиле жасап, көрүнүктүү комузчу болуш үчүн болгон күч-аракетин жумшарын белгиледи.

Белгилер:
аспап, Нооруз, комуз, Садыр Жапаров, президент, Сокулук
Тема боюнча
Жапаров: Бишкек баатыр ырыс жылоологон касиеттүү адамдардан болгон