Американын жарандыгынан үч миӊден ашык адам баш тартты

© flickr.com / Beatrice MurchПаспорт гражданина США
Паспорт гражданина США - Sputnik Кыргызстан
Жазылуу
Кошмо Штаттарынын Салык башкармалыгынын бүтүмүнө ылайык, Американын жараны болууну каалабагандардын саны былтыр акыркы жылдардагы көрсөткүчтөрдүн максималдуу чегине жеткен. Бул мамлекеттин учурдагы фискалдык саясатына байланыштуу деп эсептейт ведомство.

БИШКЕК, 17 фев. — Sputnik. 2014-жылы 3 миӊ 415 америкалык АКШ жарандыгынан баш тарткан деп билдирет РИА Новости Америка Кошмо Штаттарынын Каржы министрлигине караштуу Салык башкармалыгына таянуу менен. 

Фискалдык жана акча саясатын чагылдыруучу порталдардын бири эмне үчүн америкалык жарандыктан баш тарткандардын саны улам көбөйүп жаткандыгын аныктоо максатында эксперттерди сурамжылоого алган. Алар мындай чечимге Штаттардын салык төлөө боюнча татаал схемасы себеп болду деп эсептейт. Дал ушул Америкадан башка өлкөлөрдөн көчүп келгендер үчүн эӊ оор жашоо шарты болуп эсептелет.

Отчёт берүү үчүн ушунчалык көп документтер менен кагаздарды чогултуш керек болгондуктан, көпчүлүгү каржы маселелери боюнча кеӊешчи жалдоого туура келди деп даттанышууда. Бул албетте акчага жасалат.

"Көбү дагы кезекте турат… Америкалык паспорттон баш тартуудан мурун экинчи паспорт алууну дагы эле күтүп жаткандар бар. Башка паспортуӊ болмоюнча, АКШныкынан баш тарта албай турганыӊ анык", — дейт каржы адиси Винченцо Вильямена.

Бул маселе боюча статистика АКШнын жарандыгынан баш тартууну каалагандардын саны былтыр 2013-жылга караганда 14 пайызга өскөнүн көрсөтөт. Деги эле бул сан алты жылдан бери бир топ өстү. Анда америкалык жаран болуудан баш тарткандардын саны расмий түрдө 231 адамды гана түзсө, азыр бул сан 2008-жылга караганда 15 эсе көп.

Жаңылыктар түрмөгү
0