Sputnik италиянча сүйлөй баштады

© Sputnik / Алексей Филиппов / Медиабанкка өтүүПрезентация крупнейшего международного информационного бренда "Спутник"
Презентация крупнейшего международного информационного бренда Спутник - Sputnik Кыргызстан
Жазылуу
Sputnik жаңы мультимедиа маалымат порталы италия тилинде чыга баштаганын жарыялады.

БИШКЕК, 27-февраль — Sputnik. Sputnik жаңы мультимедиа маалымат порталы италия тилинде чыга баштаганын жарыялады. it.sputniknews.com дарегинде жайгашкан жаңы ресурс актуалдуу эл аралык темалар боюнча көп түрдүү пикирлерди чагылдырууну көздөйт. Көп кырдуу дүйнөнүн толук сүрөтүн берүү менен, Sputnik сайттары көп сандагы альтернативдүү пикирлерди салыштырууга кызыккан аудиторияга эсептелген. Италия тилиндеги портал англис, француз, серб, португал, араб, хинди, поляк, немис, испан, кытай, түрк, кыргыз жана абхаз тилдеринде иштеп жаткан Sputnik маалымат ресурстарынын катарын толтуктайт.

"Россия сегодня" мультимедиалык Sputnik брендинин бет ачарын жасады
it.sputniknews.com сайтында 24/7 тартибинде чыгуучу маалыматтардын сапаты анын журналисттеринин жогорку кесипкөйлүгү менен да, мультимедиалык форматтары менен да аныкталмакчы. Сайт окурмандарга ар түрдүү контентти: инфографика, видео, фоторепортаж, онлайн-обо, интернет-добуш берүү тартуулайт. Оперативдүү жаңылыктардан тышкары, Sputnik өз аудиториясына аналитикалык материалдары, эксклюзивдүү маектерди, эксперттик бааларды сунуш кылат.

Sputnik — ондогон өлкөлөрдөгү мультимедиалык хабдарга ээ маалымат агенттиги жана радио. Sputnik өзүнө сайттары, аналогдук жана санариптик радио берүүлөрдү, уюлдук тиркемелерди жана социалдык түйүндөрдөгү беттерди камтыйт. Жазылуучулар үчүн Sputnik жаңылыктык тасмалары күнү-түнү англис, араб, испан жана кытай тилдеринде чыгып турат.

Жаңылыктар түрмөгү
0