Отключение электричества в Турции

Түркиянын көп аймагында электр жарыгы жапырт өчүп, башаламандыкты пайда кылды

(жаңыланган 19:06 31.03.2015)
Жергиликтүү убакыт боюнча саат 10:36да Түркиянын ири шаарларында электр жарыгы өчүп, метро, трамвайлар токтоп, башаламандык жаралды.

БИШКЕК, 31-мар. — Sputnik. Түркиянын көпчүлүк аймагында электр жарыгы жапырт өчтү. Премьер-министр Ахмет Давутоглу электр кубатынын өчүшүнө "террордук кол салуу ыктымалдуулугу" да каралып жатканын билдирди деп Sputnik Türkiye сайты жазды.

Жергиликтүү убакыт боюнча саат 10:36да Стамбул, Анкара, Измир, Анталья сыяктуу ири шаарларда электр жарыгы жапырт өчтү. Андан сырткары Мармара, Эскишехир, Кутахья, Билежик, Бурса жана Кожаэли аймактары да жарыксыз калганы маалымдалды.

Стамбул шаарына саат 13-00дөн тарта электр энергиясы берилип, токтоп турган трамвай, метронын бир бөлүктөрү кыймылга келди. 

Түркиянын премьер-министри Ахмет Давутоглу масштабдуу авариянын себептери териштирилип жатканын белгиледи. Ал ошондой эле, "террордук сол салуу ыктымалдуулугу" да каралып жатканын кошумчалап, Энергетика жана Жаратылыш ресурстары министрлиги чукул жыйынга чогулганын айтты.

Жарыктын өчүшү менен жол кыймылы да кыйындап, светофорлор иштебей калды. Мындай абал айдоочулар менен жөө жүргөндөргө өтө кооптуулуктарды жана ыңгайсыздыктарды тартуулады.

Андан сырткары өлкөдөгү ири аба майдандардагы каттамдар үзгүлтүккө учурап, асманда коно албай айланган учактардын кезеги жаралганын жергиликтүү ЖМКлар жазып чыкты.

Түркияны электр энергиясы менен камсыздаган BEDAŞ жана AYEDAŞ компанияларынын интернет сайтына кирип, мындай алааматтын себебин билүүнү каалаган колдонуучулардын көптүгүнөн, алардын сайттары иштен чыкты.

Белгилер:
электр энергиясы, Анталья, Измир, Анкара, Стамбул, Түркия
Екатеринбург шаарындагы мигранттар. Архив

Россияда мигрант куруучулардын реестрин түзүү сунушталууда. Максаты кандай

(жаңыланган 16:02 22.04.2021)
Жаңы эреже мигранттарга жумушка оңой орношууга, айлык акысын убагында алып, жакшы шарттарды талап кылууга жардам берери айтылууда.

БИШКЕК, 22-апр. — Sputnik. Россияда Куруучулардын улуттук бирикмеси курулуш тармагында иштеген мигранттардын реестрин түзүүнү сунуштап жатат. Бул тууралуу бирикменин жетекчиси Антон Глушков РИА Новости агенттигине билдирди.

Анын айтымында, учурда Россияга келген куруучулар ден соолугу тууралуу маалым кат даярдап, орус тилинен экзамен тапшырып, ошондой эле жумушка орношуу үчүн документтерди тууралашы керек.

"Мындан ары аларды Россияга келе жатканда эле бирдиктүү реестрге катталууга милдеттендирүүнү сунуштап жатабыз. Бул нерсе мигранттарга жумушка оңой орношууга, айлык акысын убагында алып, жакшы шарттарды талап кылууга жардам берет. Мындан тышкары, салык жагынан ачык-айкындуулук пайда болмок", — деди Глушков.

Ошондой эле жетекчи бул тизме учурда кайсы куруучу иштеп, кайсынысынын колу бош экенин аныктап, тез аранын ичинде аны жаңы объектиге жайгаштырууга мүмкүнчүлүк түзөрүн кошумчалады.

Буга чейин Россия президентинин маалымат катчысы Дмитрий Песков "ири пландарды ишке ашыруу үчүн мигранттар жетишсиз болуп жатканын, жумушчу күчтүн тартыштыгы өзгөчө курулуш тармагында байкалганын" билдирген.

Белгилер:
реестр, курулуш, мигранттар, Россия
Тема боюнча
Песков: ири пландарды ишке ашыруу үчүн Россияга мигранттар жетишпей жатат
Энергетика жана өнөр жай министри Кубанычбек Турдубаев. Архивдик сүрөт

Министр: Кыргызстан Казакстанга берген электр кубатынан пайда көрөт

(жаңыланган 12:10 22.04.2021)
Казакстан электр энергиясынын бир киловатт-саатын 2,9 центтен сатып алууну сунуштаган, ал эми Кыргызстан 2,4 центке макул болгон. Бирок тараптар башка чечимге келишти.

БИШКЕК, 22-апр. — Sputnik. Кыргызстан менен Казакстан электр кубатын бири-бирине берүү боюнча макулдашкандыгын энергетика жана өнөр жай министри Кубанычбек Турдубаев билдирди.

Аткаминер Казакстан электр энергиясынын бир киловатт-саатын 2,9 центтен сатып алууну сунуштаган, ал эми Кыргызстан 2,4 центке макул болгон. Бирок тараптар кийинчерээк товар алмашуу боюнча макулдашкан.

"Быйыл Казакстан биздин энергосистемага 900 миллион киловатт-саат берет. Ал эми коңшуларга Токтогул суу сактагычына эквиваленттик көлөмдө суу топтоп, камсыздап беребиз. Биз үч жылдын ичинде миллион киловатт-сааттык сууну кое берип, ошол эквивалентте кутулабыз. Бул электр кубатын иштеп чыгуу үчүн сууну түтүк аркылуу агызышыбыз керек. Товар алмашууну нөлдүк коюм менен жасоону чечтик", — деди министр.

Ал электр энергиясын коңшулардан Кыргызстанга алып келип же аларга жеткирүү чыгымын казак тарап өз мойнуна аларын кошумчалады.

"Кыргызстан транзиттин эсебинен пайда көрөт. Бул киловаттына 0,0000001 доллар болот", — деген министр.

Эске салсак, Токтогул суу сактагычындагы суу былтыркыга салыштырмалуу 3 миллиард куб метрге аз.

Белгилер:
алмашуу, сатуу, электр кубаты, Казакстан, Кыргызстан
Тема:
Жапаров электр кубатынын баасын көтөрүүнү сунуштады
Тема боюнча
Жапаров электр кубатынын тарифин эки эсеге көтөрүүнү сунуштоодо
Кадыр түн учурунда мусулмандар. Архив

Кадыр түн качан болору айтылды

(жаңыланган 16:56 22.04.2021)
Шарият боюнча бул түн миң айдан да артык деп эсептелет. Орозонун 26-күнүнөн 27-күнүнө караган түнү белгиленип келет.

БИШКЕК, 22-апр. — Sputnik. Быйылкы Кадыр түн 9-майга караган түнү белгиленет. Бул тууралуу муфтияттын маалымат кызматы кабарлады.

Орозо быйыл 13-апрелге караган түнү башталды. Кадыр түн дайыма орозонун 26-күнүнөн 27-күнүнө караган түнү белгиленип келет.

Шарият боюнча бул түн миң айдан да артык деп эсептелет. Эгерде Кадыр түнү инсан эки ирет намаз окуса, 84 жыл бою ибадат кылганга барабар соопко ээ болот деп айтылат. 

Белгилер:
муфтият, орозо, Кадыр түн, Кыргызстан
Тема:
Орозо-2021
Тема боюнча
Касиеттүү түн интернет менен өтпөшү керек! Кадыр түнгө карата 7 "болбойт"