Falcon 9 ракетасынын кыйроосуна байланыштуу Эл аралык космос станциясына жүк жеткен жок

© AFP / Bruce WeaverАмерикалык ракета Falcon 9 учуруу мезгилинде. Архив
Америкалык ракета Falcon 9 учуруу мезгилинде. Архив - Sputnik Кыргызстан
Жазылуу
Кыйроону ракетаны чыгарган Американын SpaceX компаниясы териштирүүдө.

БИШКЕК, 29-июнь — Sputnik. Америкалык Falcon 9 ракетасы жекшембиде космос орбитасына Dragon жүк ташыгычын алып чыгуу учурунда жарылып кетип, ЭКСтин экипажына дагы жүк жеткирилбей калганын РИА Новости билдирет.

Ракета жекшембиде Канаверал тумшугундагы (Флорида штаты) космодромдон Москва убактысы боюнча саат 17.21де учурулган. Биринчи эки мүнөт баары штаттык тартипте жүрүп, бирок 2,5 мүнөттөн кийин ракета жарылып, чачырап кеткен.

АКШ: жүк ташуучу космос кемеси учуп жатканда жарылып кетти
НАСАда ракетанын кыйрашынын себептери кылдат иликтенерин айтышат. Тергөөнү ракета жана космос жүк ташыгычын иштеп чыгуучу SpaceX менчик компаниясы алып барат.

Жок дегенде бир нече ай SpaceX космоско ракета учурууларды токтот деп болжолууда, ал эми тергөө иштери бир жылга чейин созулушу мүмкүн.

Америка менен Россиянын космос ведомстволору Эл аралык космос станциясында экипаждын өмүрүнө жана ишине эч коркунуч жок экендигин билдиришти.

"Falcon 9 жүк алып жүрүүчү ракета менен болгон авария ЭКСтин ишине таасирин тийгизбейт. Азыр станцияда ЭКС-44 экспедиция мүчөлөрү үчүн зарыл нерселердин баары жетиштүү", — деп блегиледи Роскосмос.

Ушундай эле ойду НАСАнын башчысы Чарльз Болден да билдирди. Анын айтымында, "станциянын бортунда астронавттар үчүн эч коопчулук жок, жана алар үчүн бардык керек нерселердин бир нече айга жете турган запасы бар".

Азыр ЭКСте россиялык Геннадий Падалка менен Михаил Корниенко жана америкалык Скотт Келли бар.

Жаңылыктар түрмөгү
0