Федералдык коопсуздук кызматы академиясын 11 кыргызстандык бүтүрүүчү аяктады

© Sputnik / Сергей Гунеев / Медиабанкка өтүүРоссиянын Федералдык коопсуздук кызматы (ФКК) академиясын бүтүрүүчүлөрү Кызыл аянттагы парадда. Архив
Россиянын Федералдык коопсуздук кызматы (ФКК) академиясын бүтүрүүчүлөрү Кызыл аянттагы парадда. Архив - Sputnik Кыргызстан
Жазылуу
УКМК жетекчиси Бусурманкул Табалдиев жаш чекисттерге улуттук коопсуздук кызматкери деген атка татыктуу болуп, кыргыз элине чын дилинен кызмат кылуусун каалады.

БИШКЕК, 2-июль — Sputnik. Россиянын Федералдык коопсуздук кызматы (ФКК) академиясын кыргызстандык 11 бүтүрүүчү аяктаганын УКМКнын маалымат кызматы билдирди.

Үстүбүздөгү жылдын 1-июлнда УКМКнын борбордук аппаратында Россиянын ФКК бүтүрүп келген курсанттардын урматына салтанаттуу кече болуп өттү.

Советтер Союзунун Баатыры, генерал-майор Дайыр Асанов атындагы Кыргыз улуттук аскер лицейи кезектеги бүтүрүүчүлөрү. Архив - Sputnik Кыргызстан
Аскер лицейи кезектеги бүтүрүүчүлөрүн чыгарды
11 бүтүрүүчүнүн ичинен экөө окуу жайды алтын медаль, дагы экөө кызыл диплом менен аякташкан. 

Иш-чарага УКМК жетекчилиги, коопсуздук органдарынын ардагерлери жана ата-энелер катышты.

УКМК жетекчиси Бусурманкул Табалдиев өз сөзүндө жаш чекисттерге улуттук коопсуздук кызматкери деген атка татыктуу болуп, кыргыз элине чын дилинен кызмат кылуусун каалады.

Майрамдуу салтанат учурунда жеке курал жана кызмат күбөлүктөрү тапшырылып, бардык бүтүрүүчүлөргө лейтенант наамы ыйгарылды.

Жаңылыктар түрмөгү
0