Ирандын желеги. Архив

Ирандын өзөктүк программасынын изоляциядан чыгышы КРдин кызыкчылыгына төп келет

61
(жаңыланган 12:23 07.07.2015)
Өзөктүк программа маселесинин чечилиши жана эл аралык изоляциядан чыгышы менен Иран башка мамлекеттер менен экономикалык алакасын жакшыртууга аргасыз болот. Бул өлкөлөрдүн ичинде Кыргызстан да бар.

БИШКЕК, 7-июль — Sputnik. Өзөктүк программа боюнча Иранга карата жарыяланган санкциялардын алынышы анын Кыргызстан менен соода мамилесин сапаттуу деңгээлге чыгара турганын мурунку вице-премьер-министр Токон Мамытов билдирди.

Вена шаарында Ирандын өзөктүк программасы боюнча эл аралык  алты ортомчу мамлекеттин тышкы иштер министрлеринин координациялык жолугушуусу башталганын РИА Новости кабарлайт.

Эксперттин айтымында, Ирандын өзөктүк программасы батыш мамлекеттери эле эмес, коңшу өлкөлөрдү да тынчсыздантып жатат. Мындан улам, аталган мамлекетке карата саясий, аскердик жана соода-экономикалык санкциялар киргизилген.

"Алтылык мамлекеттери үч жылдан бери өз ишин аткарып келе жатат. Мында Россия менен өз ара кызматташуунун негизинде Ирандын жолго коюлган, көйгөйдү жөнгө салууга багытталган өзүнүн тышкы саясаты менен жүргүзүлгөн аракеттери аягына чыгууда", — деди Мамытов.

Анын пикиринде, Жакынкы Чыгыш эле эмес, бүтүндөй дүйнө жүзү аталган маселенин чечилишине көз салып турат.

Кытайдын Тышкы иштер министри Ван Инин билдирүүсү боюнча, алдыдагы эки күн аралыгында "алтылык" Иран менен биргеликте Тегерандын өзөктүк көйгөйүн чечүү боюнча ири макулдашууга жетиши мүмкүн. 

"Биз аталган көйгөйлөрдү чечүүгө болот жана макулдашууга жетүү мүмкүн деп эсептейбиз. Калган маселелердин бүгүн, эртең бардык тараптар, биринчи кезекте Иран менен АКШ тарабынан чечилиши абдан чоң мааниге ээ", — деди Ван И өзөктүк программа боюнча Венага кайтып келип, журналисттерге берген маегинде.

Министр анын кайтып келиши Кытайдын иран өзөктүк программасы боюнча макулдашууга жетишүүгө кызыкдар экенин белгилейт деп кошумчалады. 

Мамытовдун айтымында, эл аралык коомчулуктун көңүлү Жакынкы Чыгыш мамлекеттери – Сирия, Ливиядагы көйгөйлөрдүн терс жыйынтык алып келишинен улам Иран маселесине өзгөчө бурулуп турганын белгиледи.

"Бул өлкөлөрдө болуп өткөн окуялар жана кризистен кийин Иран мамлекетте түзүлгөн аскердик-саясий оор кырдаалдан чыкты. Ал эми аталган мамлекеттердеги кандуу окуяларга Ирандын дал ушул өзөктүк программасы себепчи болгонун айта кетүү керек."

Өзөктүк программанын чечилип, эл аралык изоляциядан чыккандан кийин Иран башка мамлекеттер менен экономикалык алакасын жакшыртууга мажбур болот. Бул өлкөлөрдүн катарында Кыргызстан да бар. Бул жагдайда Иран ШКУ, ЕАЭБ жана ЖККУ менен интеграциялык процесстерге кызыкдар болот.

"Эртеби-кечпи, Иран бул уюмдардын катарына кирет, бул Кыргызстанга автоматтык түрдө эки мамлекеттин ортосундагы соода байланышын көбөйтүүгө мүмкүнчүлүк берет", — деди эксперт.

Бул багыттан алып караганда, Иранда атомдук электростанциялар комплексинин курулушу жана атомдук энергетиканын өнүгүшү алыска ташталган кадам болот деп кошумчалады Мамытов.

"Бардык мамлекеттер өз ара байланышта, качандыр бир кезде биз дагы нефть өндүрүмү эле эмес, электр энергиясын экспорттоо жана импорттоо боюнча бирдиктүү системага келебиз", — деди эксперт.

Аналитик 15-20 жылдан кийин нефть өндүрүмү азая баштаганда өзгөчө Иран, Россия жана Казакстандын суу ресурстары евразиялык контингенттин өнүгүшүнө түрткү берерин белгилеп өттү.

Ирандын өзөктүк программасынын аягына чыгарына аз убакыт калды деп ишеним артып турабыз. Ал эми сүйлөшүүлөрдүн оң жагына чечилиши Кыргызстандын кызыкчылыгы үчүн да маанилүү деп оюн жыйынтыктады Мамытов.

61
Белгилер:
Иран, Россия, Кыргызстан, Токон Мамытов, өзөктүк программа, энергетика
Тема боюнча
Ирандан санкциялар алынган соң, РФ С-300 боюнча келишимге кайра кайрылышы мүмкүн
Венгриялык балбан Тамаш Лёринц

Акжол алтын үчүн ким менен күрөшөт? Венгриялык Тамаш Лёринцтин таржымалы

821
(жаңыланган 21:20 02.08.2021)
Кыргызстандык балбандын атаандашы дүйнө чемпионатын утуп, Олимпиаданын күмүш медалын тагынган. Дүйнөлүк рейтингде алдыңкы сапта турат.

БИШКЕК, 2-авг. — Sputnik. Грек-рим күрөшү боюнча 77 килограмм салмакта Олимпиадага катышып жаткан кыргызстандык балбан Акжол Махмудов финалда венгриялык Тамаш Лёринц менен кез келет.

Тамаш Лёринц 35 жашта. Бириккен күрөш дүйнөсү (United World Wrestling) уюмунун рейтингинде 77 килограмм салмак даражасында экинчи сапта турат.

Олимпиада оюндарынын байге ээси. 2012-жылы Лондондо өткөн Олимп оюндарында 66 килограмм салмакта финалга чыгып, күмүш медаль тагынган.

2019-жылы Казакстандын Нур-Султан шаарында өткөн дүйнө чемпионатын утуп Олимпиадага жолдомо алган. 2014, 2017 жана 2018-жылдары өткөн дүйнө чемпионаттарында байгелүү орундарга жетишкен. Төрт жолку Европа биринчилигинин жеңүүчүсү болуп саналат.

Лёринц жарым финалда ирандык, чейрек финалда япониялык, ал эми баштапкы этапта марокколук балбандарды уткан.

Акжол Махмудов 22 жашта, эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо уткан.

Акжол Олимпиада-2020 мелдешинин финалына чейин Армения, Азербайжан жана Тунис өлкөлөрүнүн балбандарын жеңген.

Балбандар грек-рим күрөшү боюнча 77 килограмм салмакта Олимпиаданын алтын байгеси үчүн таймашат. Финалдык беттеш эртең, 3-августта, болот.

821
Белгилер:
Акжол Махмудов, таржымал, Олимпиада-2020
Тема:
2021-жылы Токиодо өтө турган Олимпиада оюндары
Тема боюнча
Атаандашын ай-буйга келтирбей жыккан Акжол. Жарым финалдагы жүрөк толкуткан видео
Былтыр 14:0 менен жеңилген. Айсулуунун алгачкы каршылашынын таржымалы

Жаалданган куруучу өнбөгөн карызы үчүн өзү курган тамды талкалап салды. Видео

278
Германияда көп кабаттуу үйдү салган адам акчасын төлөбөй койгондугу үчүн тамдын айнектерин жана балкондорун экскаватордун сузгучу менен талкалап салды. Муну ал өч алуу деп атаган.

Немец басылмалары окуя Блумберг шаарында болгонун жазышты. Имараттын жана анын жанындагы гараждардын чыгымы жарым миллион еврого бааланууда.

47 жаштагы "өч алгыч" субподрядчы болгон. Анын айтымына караганда, анын компаниясына 5 миллион евролук жумуштун акысын төлөп бербей коюшкан. Үй куруу үчүн башка техникаларды ижарага алып иштеткендиктен аларга да карыз болуп кеткен.

Экскаватор менен "өч алуу процессин" бүтүргөндөн кийин автоунаасына отуруп алып, полиция тилкесине барып, окуяны төкпөй-чачпай айтып берген. Тартип сактоочулар кийинчерээк ал адамдын бөтөн мүлктү талкалаганы үчүн жооп бере тургандыгын билдиришкен. Анткен менен ФГРдин мыйзамдары боюнча, ал адамдын иштери кылмыш жоопкерчилигине тартууга жол бербейт.

278
Белгилер:
Германия, курулуш, өч алуу, полиция
Тема боюнча
Иштен бошотулган киши Mercedes заводунда 50 автоунааны талкалап салды. Видео
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео