БРИКСтин Өнүктүрүү банкы Шанхайда ишин баштады

© Фотохост-агентство / Медиабанкка өтүүБРИКСтин логосу. Архив
БРИКСтин логосу. Архив - Sputnik Кыргызстан
Жазылуу
Банктын негизги милдети БРИКС мамлекеттеринде жана өнүгүп келе жаткан өлкөлөрдө инфраструктуралык долбоорлорду каржылоо болуп эсептелет. БРИКС өлкөлөрүнө Россия, Кытай, Индия, Бразилия жана Түштүк Африка Республикасы кирет.

БИШКЕК, 21-июль —Sputnik. БРИКСтин өнүктүрүү банкы шейшемби күнү Кытайдын эң ири шаары эсептелген Шанхайда өз ишин баштады деп билдирет Синьхуа агенттиги.

БРИКС жана ШКУ саммиттериндеги аюу, бал, малакай жана самоор
2014-жылдын июлунда БРИКС өлкөлөрү тарабынан түзүлгөн жаңы өнүктүрүү банкынын башкаруучулар кеңешинин биринчи отуруму Уфада өткөн. Банктын биринчи президенти Индиянын өкүлү болду, ал эми штаб-квартирасы Кытайда жайгашкан. Төлөнгөн капиталдын көлөмү 10 миллиард долларды (беш өлкөнүн ар бири 2 миллиард доллардан бөлгөн) түзүп, кийинчерээк зарылчылыгына жараша ал 40 миллиард долларга чейин көбөйтүлүшү ыктымал. Мүмкүн болуучу капиталдын эң жогорку чеги 100 миллиард доллар деп белгиленген.

Банктын негизги милдети БРИКС мамлекеттеринде жана өнүгүп келе жаткан өлкөлөрдө инфраструктуралык долбоорлорду каржылоо болуп эсептелет. 

БРИКС тобу: тарыхы жана түзүлүш максаттары 

2006-жылы Россия Федерациясы Бразилияны, Индияны жана Кытайды бириктире турган жаңы глобалдуу форум — БРИКти түзүү демилгеси менен чыккан. БРИКке Түштүк Африка Респубилкасынын кошулушуна байланыштуу, 2010-жылдын декабрынан тартып топ БРИКС (BRICS) деп аталып калган.

Жаңылыктар түрмөгү
0