Түркия менен АКШ биргелешип "Ислам мамлекетине" каршы ири операция баштоого камынууда

© AFP / JM LOPEZ"Ислам мамлекетинин" желеги. Архив
Ислам мамлекетинин желеги. Архив - Sputnik Кыргызстан
Жазылуу
АКШнын учкучу жок башкарылуучу учактары "Ислам мамлекетине" каршы биргелешкен операцияга катышуу үчүн Түркиянын аба базаларына келе баштады. Бул туурасында Түркиянын тышкы иштер министри Мевлют Чавушоглу билдирди.

БИШКЕК, 5-авг. — Sputnik. Анкара менен Вашингтон "Ислам мамлекети" террористтик уюмуна каршы биргелешкен ири операция баштайт деп билдирди шаршемби күнү Түркиянын тышкы иштер министри Мевлют Чавушоглу.

"Америкалык учактар жана учкучу жок башкарылчу техникалары ("Инжирлик" базасы   Түркиянын түштүгүндө — ред.) келип калды. Жакын арада "Ислам мамлекети" террористтик уюмуна каршы ири операцияны баштайбыз", — деди Чавушоглу Малайзиядагы иш-сапары учурунда. 

Путин менен Эрдоган "Ислам мамлекетине" каршы биргелешип күрөшүүнү талкуулашты
Буга чейин Түркия ТИМи өлкөнүн парламенти 2014-жылдын 2-октябрында берген мандатына ылайык, өкмөт АКШнын аскер аба күчтөрүнүн  согуш техникаларын жайгаштырууга макулдук берген. Андагы операция "Ислам мамлекетинине" каршы багытталган. ТИМдин Түркиянын аскер учактары согушкерлерге каршы аскердик операцияларга катышарын тастыктады.

Түркия июлдун соңунда Стамбулда "Ислам мамлекетинин" же радикалдык күрд топторунун согушкерлери жашырынып жатышы мүмкүн делген жүзгө жакын ар кандай жерлерди текшерип, бир нече кишилерди кармаган.

Буга чейин Түркия президенти Режеп Тайып Эрдоган Россиянын жана АКШнын мамлекет башчылары менен "Ислам мамлекетине", дүйнөдөгү террорзимге каршы бирге күрөшүү боюнча маселени талкуулаган.

Жаңылыктар түрмөгү
0