Өз ара иштешүү-2014 машыгуусундагы кыргыз аскерлери. Архив

ЖККУнун жардамга тез арада келе турган күчтөрүнүн машыгуусу Псковдо башталды

63
(жаңыланган 10:00 25.08.2015)
ЖККУнун Ыкчам аракетке келүүчү жамааттык күчтөрүнүн машыгуусуна уюмга мүчө өлкөлөрдүн мыкты жана күчтүү делген, атайын даярдыктагы аскерлери катышып жатат. Машыгуу аталган аскердик күчтөрдүн Псков облусунда жайгашкан полигонундагы эки аэродромдо өтөт.

БИШКЕК, 24-авг. — Sputnik. ЖККУнун Ыкчам кыймылга келүүчү жамааттык күчтөрдүн "Өз ара иштешүү-2015" деп аталган машыгуусу башталды. Анын ачылышы Псков облусундагы Россиянын Аба десанттык аскерлеринин 76-гвардиялык дивизиясынын базасында өттү.

"Машыгуунун башкы максаттарынын бири — биздин күчтөр жыйналып, бир нече саат ичинде ыкчамдык менен жамааттык коопсуздукка кирген аймакта болуп калуу", — деп айтты салтанаттын ачылышында сүйлөгөн Жамааттык коопсуздук келишими уюмунун башкы катчысынын орун басары Валерий Семериков.

Ал ЖККУнун жетекчилиги алдыга коюлган иш-чараларды аткаруу алкагында машыгууга мүмкүнчүлүк түзүп бергендиги үчүн Россиянын Коргоо министрлигинин Аба-космостук күчтөрүнө ыраазычылык билдирди. 

Машыгуунун ачылышында ар бир өлкөнүн улуттук гимндери ойнолуп, Россиянын Аба десанттык аскер күчтөрүнүн куралдары менен техникалары көрсөтүлдү, андан сырткары машыгуу учурунда коопсуздукту сактоо боюнча нускамалар берилди. 

Бул иш-чара Псков облусунда жайгашкан Россиянын Аба десанттык аскер күчтөрүнүн полигонунда жайгашкан Струги Красные жана Кресты аэродромдорунда өтөт. 

Машыгуу өткөрүүгө Россия, Кыргызстан, Армения, Белоруссия, Казакстан жана Тажикстандын улуттук куралдуу күчтөрүнүн аскерлери катышат. 

Анын эң активдүү маалына келгенде ЖККУнун башкы катчысы Николай Бордюжа келип катышмакчы.

Атайын даярдыктагы аскерлерден турган, биргелешип жүргүзүлүп жаткан "Өз ара иштешүү" деп аталган машыгуу ЖККУнун Ыкчам аракетке келүүчү жамааттык күчтөрүнө кирген өлкөлөрдүн катышуусунда 2009-жылдан тарта өткөрүлүп келет. Ал ЖККУга мүчө мамлекеттеринин аймагында жүргүзүлөт. Биринчи мындай иш-чаралар Казакстанда башталып, 2010-жылы Россиянын Түштүк Уралдагы полигондорунун биринде уланган.

63
Белгилер:
полигон, машыгуу, "Өз ара иштешүү-2015" машыгуусу, ЖККУ, Ыкчам кыймылга келүүчү жамааттык күчтөр, Владимир Шаманов, Валерий Семериков, Николай Бордюжа
Тема боюнча
ЖККУ аскерлеринин кийимин уурдаган КР жоокерлери жоопко тартылды
Кыргыз-кытай чек арачылары 19-августта биргелешкен машыгуу өткөрөт
Кыргызстандын аскер күчтөрү Баткен чек арасында машыгуу өткөрөт
Дарыгер ымыркайды оорукананын төрөт бөлүмүндө текшерип жатат. Архив

ЖМК: Болгарияда бала COVID-19га туруштук берген артыкчылык менен төрөлдү

123
(жаңыланган 22:08 18.01.2021)
Кош бойлуу аял ооруканага коронавирус менен катуу жабыркап түшкөнү айтылган. Бала жарыкка келгенден кийин дарыгерлер таң калыштуу жагдайга туш болгон.

БИШКЕК, 18-янв. — Sputnik. Болгарияда кош бойлуу келин коронавируска антителосу бар бөбөк төрөдү. Бул туурасында улуттук радионун сайтына маалымат жарыяланды.

Пазарджик шаарынын 28 жаштагы тургуну ооруканага эти катуу ысып, жөтөлүп жана алы кетип түшкөн. Аны бир курс дарылагандан кийин ак халатчандар баланы операция жолу менен жарыкка алып келишкен.

Азыр бөбөктүн абалы жакшы экендиги айтылды. Ал эми антигендик тест бөбөктө коронавируска каршы антитело бар экендигин көрсөткөн. Эне-бала үйүнө чыккандан кийин да дарыгерлердин көзөмөлүндө болууда.

Ымыркайдын салмагы 2,75 килограмм, ал эми бою 46 сантиметр экени айтылды.

123
Белгилер:
коронавирус, антитело, ымыркай, Болгария
Тема:
Дүйнөгө жайылган коронавирус
Тема боюнча
КР калкынын канчасында коронавируска каршы антитело бар? Изилдөөнүн жыйынтыгы
ДССУ: пандемия токтобойт жана вирус жок болуп кетпейт
Ленинград курчоосунун алынгандыгынын 78 жылдыгы Бишкекте белгиленди

Бишкек: Ленинград курчоосунун алынгандыгынын 78 жылдыгы белгиленди. Сүрөт

60
(жаңыланган 20:54 18.01.2021)
Иш-чаранын катышуучулары Ленинград курчоосунда калгандардын урматына орнотулган эстеликке гүл коюшту. Быйыл аталган тарыхый окуянын 78 жылдыгы белгиленип жатат.

БИШКЕК, 18-янв. — Sputnik. Борбор калаадагы Дайыр Асанов атындагы паркта Ленинград курчоосунун алынгандыгынын 78 жылдыгы белгиленди. Бул туурасында Россотрудничество агенттигинин Кыргызстандагы өкүлчүлүгүнөн кабарлашты.

  • Борбор калаадагы Дайыр Асанов атындагы паркта Ленинград курчоосунун алынгандыгынын 78 жылдыгы белгиленди. Бул туурасында Россотрудничество агенттигинин Кыргызстандагы өкүлчүлүгүнөн кабарлашты
    Борбор калаадагы Дайыр Асанов атындагы паркта Ленинград курчоосунун алынгандыгынын 78 жылдыгы белгиленди. Бул туурасында Россотрудничество агенттигинин Кыргызстандагы өкүлчүлүгүнөн кабарлашты
    © Фото / представительство Россотрудничества в КР
  • Эскерүүнү Кыргызстандагы Ленинград курчоосунун катышуучуларынын коому, Октябрь райондук акимчилиги, Россиянын Кыргызстандагы элчилиги менен Россотрудничество уюштурду
    Эскерүүнү Кыргызстандагы Ленинград курчоосунун катышуучуларынын коому, Октябрь райондук акимчилиги, Россиянын Кыргызстандагы элчилиги менен Россотрудничество уюштурду
    © Фото / представительство Россотрудничества в КР
  • Катышуучулар блокадачылардын монументине гүл коюшту
    Катышуучулар блокадачылардын монументине гүл коюшту
    © Фото / представительство Россотрудничества в КР
1 / 3
© Фото / представительство Россотрудничества в КР
Борбор калаадагы Дайыр Асанов атындагы паркта Ленинград курчоосунун алынгандыгынын 78 жылдыгы белгиленди. Бул туурасында Россотрудничество агенттигинин Кыргызстандагы өкүлчүлүгүнөн кабарлашты

Эскерүүнү Кыргызстандагы Ленинград курчоосунун катышуучуларынын коому, Октябрь райондук акимчилиги, Россиянын Кыргызстандагы элчилиги менен Россотрудничество уюштурду.

Катышуучулар блокадачылардын монументине гүл коюшту.

Россотрудничество агенттигинин Кыргызстандагы өкүлчүлүгүнүн жетекчиси Виктор Нефедов Россия менен Кыргызстанды эзелтеден берки жакындык, достук мамилелер байланыштырып келе жаткандыгын айтты.

© Фото / представительство Россотрудничества в КР
Россотрудничество агенттигинин Кыргызстандагы өкүлчүлүгүнүн жетекчиси Виктор Нефедов Россия менен Кыргызстанды эзелтеден берки жакындык, достук мамилелер байланыштырып келе жаткандыгын айтты
"Кыргыз ССРинин жашоочулары фашизмди жеңүүгө абдан зор салымын кошкон. Бүгүн кайрадан жалпы душманга – коронавирус пандемиясына каршы күрөшүү үчүн биригүү зарылдыгы пайда болду. Россия Кыргызстанга медициналык каражаттар, медициналык жабдуулар жана дарыгерлерди жөнөтүп, жардам берүүдө", — деген ал.

Монументке гүл коюлгандан кийин концерт болду.

Улуу Ата Мекендик согушка 360 миңден ашуун кыргызстандык катышкан. 4 500дөн ашыгы Ленинградды бошотууда курман болгон. Блокадада калган Ленинграддан Кыргызстанга 16 миңден ашык адам, анын ичинен 3,5 миң баланын эвакуациялангандыгы айтылып келет.

Блокада туура 872 күнгө, тагыраагы, 1941-жылдын 8-сентябрынан 1943-жылдын 27-январына чейин созулган. Бул адамзат тарыхындагы эң узакка созулган жана эң каардуу курчоо болду. Ар кыл маалыматтар боюнча, андагы курмандыктардын саны 400 миңден 16,5 кишиге чейин деп айтылып келет.

1944-жылдын январында блокада алынгандан кийин да немец жана фин аскерлеринин курчоосу уланган. 1944-жылдын августундагы операциядан кийин гана фашисттер шаардан алыс сүрүп салынган.

Ленинград блокадасынан Кыргызстанга эвакуациялангандар менен бирге 150 баланы Улуу Ата Мекендик согуш маалында Токтогон Алтыбасарова аттуу инсан багып-өстүргөн.

60
Белгилер:
фашизм, курчоо, Ленинград, Улуу Ата Мекендик согуш, Кыргызстан, Россия
Тема боюнча
Путин КМШ өлкөлөрү Улуу Жеңиш жөнүндөгү чындыкты коргогону үчүн ыраазы болду
Мен аларды өз балдарымдай жакшы көргөм — Токтогон апа Ленинграддан келген балдар тууралуу
Кайгуул милициянын автоунаасы. Архив

Маршрутка көйгөйү: Милиция аялдамадагы аялдарды, балдарды үйүнө ташыды. Видео

186
(жаңыланган 00:03 19.01.2021)
Милиционерлер маршрутка маселесинен улам аялдамаларда калган бишкектиктерге жардам берип, үйлөрүнө жеткирип жатышты.

БИШКЕК, 19-янв. — Sputnik. Бишкектеги Кайгуул милиция кызматы бүгүн маршрутка көйгөйүнөн улам аялдамаларда калган бишкектиктерди үйлөрүнө жеткирүүдө. Бул туурасында шаардык милициянын маалымат кызматынан кабарлашты.

Кечкурун милиционерлер балдарга, аялдарга жана улгайган адамдарга өз жардамын сунуштап жатканы айтылды. Бул багытта аталган кызматтын атайын автоунаалары иштеген.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Милициядан аялдамаларда топтолгон кишилер аз, шаар ичи тынч деп билдиришти.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда. Себеби жол кире 2012-жылдан бери көтөрүлө элек. Учурда маршрутканын баасы күндүз 10, ал эми кечинде 12 сом.

Эртең менен Бишкек шаарынын мэринин милдетин аткарып жаткан Балбак Түлөбаев каттамга чыкпай койгон маршруткалардын лицензиясы алынып, башкага берилерин эскерткен.

Мэриядан бүгүн калаадагы 1350 микроавтобустардын 400-450сү ишке чыкты деген маалымат берген. Шаардык транспорт башкармалыгынан маршруттук каттамдардын 90 пайызы кадимки калыбында иштеп жатат дешкен. Ал эми кечкурун аялдамаларда эл топтоло баштап, коомдук транспортту күткөндөр көбөйгөндө Мэриянын шаардык транспорт башкармалыгынын жетекчисинин милдетин аткарып жаткан Улан Бейшенбаев маршрутка боюнча кырдаал турукташкандыгын, ал эми жогорудагы көрүнүш автотыгын менен байланыштуу болушу мүмкүн деген жообун айткан.

186
Белгилер:
жардам, милиция, маршрутка, Бишкек, Кыргызстан
Тема боюнча
Каттамга чыкпай койгон маршруткалар. Шаардагы абалды көрсөткөн видео