Кыргыз офицерлери Кытайдын Японияга каршы согушунун 70 жылдык жеңиши жана Экинчи дүйнөлүк согуштун аяктаганынын урматына Пекин шаарында аскердик парадында

Кытайда болгон парад тууралуу кызыктуу фактылар

1031
(жаңыланган 13:28 03.09.2015)
Кытайдагы парадга биринчи жолу кыз-келиндердин ардактуу караулу катышты. Алардын боюнун орточо узундугу 1,78 метр, жаш курагы 20 жашты түзөт, деп жазат басылма.

БИШКЕК, 3-сен. — Sputnik. China Daily гезити Кытайдагы парад жөнүндө бир катар кызыктуу фактыларды жарыялады.

Кытайдын Японияга каршы согушунун 70 жылдык жеңиши жана Экинчи дүйнөлүк согуштун аяктаганынын урматына Пекин шаарында аскердик парад болуп өттү. Ага Кыргызстандын гвардиячылары катышууда жана Тяньаньмэнь аянтында бул иш-чарага президент Алмазбек Атамбаев катышты.

China Daily гезити Кытайдагы парад жөнүндө бир катар кызыктуу фактыларды жазды:

Парад биринчи жолу Кытайдын түзүлгөн күнүнүн урматына арналган жок.

Кытай Эл Республикасы негизделгенден бери 14 жолу аскердик парад өткөн. 1999-жылы жана 2009-жылы КЭРдин негизделгенинин 50 жана 60 жылдыгына карата ири масштабдагы аскер параддары болгон.

Парадга согуштун ардагерлери чакырылган. Аларга иш-чаранын уюштуруучулары Япониянын агрессиясына каршы күрөштө көрсөткөн эрдиги үчүн таазим кылышты. Алардын бул парадга катышуусу тарыхый мааниге ээ, себеби алар кытай элинин көз карандысыз болушуна эбегейсиз салым кошкон.

Парадды жогорку офицердик курам жетектеди. 

Парадга биринчи жолу 17 башка мамлекеттерден келген миңден ашык аскерлердин катышуусу менен өттү. 

Парадда жаңы аскердик техникалар – H-6К бомба таштоочу учагы, Y-20 транспорт учагы жана DF-16 жана DF-21D баллистикалык ракеталары көрсөтүлдү.

Согуштун ардагерлери 90 жаштан ашты. 300дөн ашык ардагер Жеңиш майрамына чакырылды. Ошондой эле, согушта курман болгондордун жакындары да келишти.

51-парадка катышып жаткан кыз-келиндердин ардактуу караулундагылардын орточо бою 1,78 метр жана жаш курагы 20 жашты түзөт. Майрамдык иш чарага катышып жаткан кыз-келиндердин 20,88 пайызынын бакалавр деңгээлиндеги билими бар.

2400дөн ашык аскер хорго катышып, япон агрессорлоруна каршы согуш жөнүндө отуздан ашык ырды аткарды. Хордүн мүчөлөрү парадга биринчи жолу катышты.

1031
Белгилер:
аскердик парад, Кытай
Тема боюнча
Атамбаев Жеңиш мураскерлери парадынын катышуучуларына ыраазычылык билдирди
Тажикстандын футболчулары Япон футболчулары менен беттеш учурунда

Тажикстандын командасы Дүйнө чемпионатынын тандоо туруна өтпөй калды. Себеби

112
(жаңыланган 13:20 16.06.2021)
Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген.

БИШКЕК, 16-июн. — Sputnik. Тажикстандын футбол боюнча курама командасы 2022-жылы өтө турчу Дүйнө чемпионатынын үчүнчү тандоо раундуна өтпөй калды. Бул тууралуу Тажикстандын Футбол федерациясы кабарлады.

Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген. Үчүнчү раундга сегиз топтун жеңүүчүлөрү чыккан. Ошондой эле аталган раундда экинчи орунду алган мыкты беш команда да ойномок.

"Тажикстандын улуттук курама командасы 2022-жылы өтө турган Дүйнөлүк чемпионаттын тандоо турнирине катышпай калды. Дүйнөлүк чемпионаттын тандоо турунун үчүнчү раундуна чыгып, 2023-жылы өтө турчу Азия кубогуна жолдомо алуу үчүн курама команда үчүн төрт гол жетпей калды", — деп жазылат федерациянын маалыматында.

Кийинки этапка Сирия, Австралия, Иран, Сауд Аравиясы, Япония, БАЭ жана Түштүк Корея чыкты.

Экинчи орунду алган командалардын көрсөткүчтөрү:

  • Кытай — 13 упай;
  • Оман — 12;
  • Ирак — 11;
  • Вьетнам — 11;
  • Ливан — 10 (өз дарбазасына жана атаандашка кирген топтун айырмасы +3);
  • Тажикстан — 10 (өз дарбазасына жана атаандашка кирген топтун айырмасы — 1);
  • Өзбекстан — 9;
  • Кувейт — 8.
112
Белгилер:
тандоо, футбол, дүйнө чемпионаты, Тажикстан
Тема боюнча
КРдин футбол командасы өз тайпасынан экинчиге илинбей калды. Эми эмне болот?
Новосибирск жарылуу болгон автогаз куюучу жайы

Кыргызстандыктар жабыркаган жарылуу: Новосибирскте АЗСтин директору кармалды

58
(жаңыланган 12:49 16.06.2021)
14-июнда аталган калаада автогаз куюучу жайда жарылуу болуп, анда жабыркагандардын арасында үч кыргызстандык бар экени айтылган.

БИШКЕК, 16-июн. — Sputnik. Новосибирск соту жарылуу болгон автогаз куюучу жайынын директорун эки айга камакка алды. Бул тууралуу РИА Новости жазды.

"Кырсыкка себепкер катары автогаз куюу жайынын директору менен инженери тергөө учурунда эки айга камакка алынды. Алдын ала маалыматтарга караганда, газ ташып келген атайын автоунаа газды куюу учурунда коопсуздук эрежелерин сактабай койгону себеп болушу мүмкүн", — деп айтылат маалыматта.

Эске салсак, 14-июнда жергиликтүү убакыт менен саат 18:00дөр чамасында Новосибирск шаарындагы автогаз куюучу жайда жарылуу болуп, анда жабыркагандардын арасында үч кыргызстандык болгон. Буга чейин Тышкы иштер министрлиги алардын экөө ооруканада, бири үйүндө дарыланып жатканын, өмүрүнө коркунуч жок экенин айткан.

Ошондой эле өрттүн жана жарылуунун натыйжасында Кыргызстандын жараны ижарага алып иштетип жүргөн кафе жана кыргыз жараны иштеген дөңгөлөк алмаштыруучу жай күйүп кеткендиги аныкталган. Дагы бир кыргызстандыктын документтери күйүп кеткен.

58
Белгилер:
камоо, директор, жарылуу, Новосибирск, Россия
Тема боюнча
Сузакта шахта урап, ичинде калып калган эки киши көз жумду
Унаа экиге бөлүнүп кеткен. Түптөгү жол кырсык эки кишинин өмүрүн алды. Сүрөт
Бишкек шаарынын мурунку биринчи вице-мэри Алмаз Бакетаев. Архив

Бишкекте шаар жетекчисинин орун басарлары алмашты

0
Бишкек мэриясында калаа жетекчисинин эки орун басары алмашты. Буга чейинки биринчи вице-мэр Алмаз Бакетаев башка кызматка которулгандыгына байланыштуу иштен бошотулду.

БИШКЕК, 16-июн. — Sputnik. Бишкек мэриясында кадрдык өзгөрүүлөр болуп, биринчи вице-мэр Алмаз Бакетаев башка кызматка которулгандыгына байланыштуу иштен бошотулду. Бул тууралуу муниципалитеттен маалымат кызматынан билдиришти.

Анын ордуна буга чейин тиричилик-коммуналдык чарба боюнча вице-мэр болуп келген Жамалбек Ырсалиев дайындалды.

Ал эми шаар башчысынын экономикалык жана финансылык маселелер боюнча орун басары болуп Максатбек Сазыкулов келди. Буга чейин ал Россия-кыргыз өнүктүрүү фондунда Уюштуруучулукту өнүктүрүү департаментин жетектеген.

0
Белгилер:
вице-мэр, Жамалбек Ырсалиев, Алмаз Бакетаев, Бишкек мэриясы, Бишкек
Тема боюнча
Уланбек Калманбетов Архитектура, курулуш агенттигин жетектемей болду