Ислам мамлекетинин желеги. Архив

ЖМКлар: "Ислам мамлекетинин" төрт миңден ашык согушкери Европага качкындар менен кошо кирип кеткен

74
(жаңыланган 10:37 10.09.2015)
"Ислам мамлекети" террористтик тобунун агенти азыркы кезде Европа биримдигинде миңдеген даяр согушкерлер бар экенин билдирди.

БИШКЕК, 6-сен. — Sputnik. "Ислам мамлекети" радикалдуу тобунун төрт миңден ашуун согушкери батыш өлкөлөрүнө качкындын кейпин кийип жашыруун өтүп кетишкенин жекшемби күнү британиялык Sunday Express гезити террористтик уюмдун агентине таянуу менен кабарлаган.

Агент жашыруун операция жүрүп жатканы жөнүндө айтып, миңдеген "даяр согушкер азыркы учурда Европа биримдигинде" экенин ырастады. Божомолдоолор боюнча, "Ислам мамлекети" куралдуу согушкерлерди Түркиянын чек арасы аркылуу өткөрүп, андан ары Европа өлкөлөрүнө жашыруун жөнөтүп жатат.

Маалымат булагы жергиликтүү контрабандисттердин жардамы менен террористтер Европага бара жаткан мыйзамсыз мигранттарга кошулуп кетип жатышканын айтат. Ошондой эле ал мунун баары дүйнө боюнча халифат орнотуу максатында жасалып жатканын баса белгилеген.

"Ислам мамлекети" террористтик тобу бүгүнкү күндө дүйнөлүк эң башкы коркунучтардын бири болуп эсептелет. Үч жылда террористтер Ирак менен Сириянын көпчүлүк жерлерин басып алган. Андан тышкары, өз таасирин Түндүк Африка өлкөлөрүнө, атап айтканда, Ливияга таркатуу аракеттерин көрүүдө. 

"Ислам мамлекетине" каршылык көрсөтүү боюнча бирдиктүү фронт жок: аны менен Сириянын жана Ирактын өкмөттүк аскерлери, АКШ башында турган эл аралык коалиция (абадан гана сокку уруу менен), ошондой эле курддар, Ливан менен Ирактын шейит ыктыярчылары күрөшүп жатат. Согуш аракеттеринин натыйжасында жүз миңдеген карапайым тургундар курман болуп, бир нече милилондогону качкынга айланган.

74
Белгилер:
халифат, качкындар, согушкер, Европа биримдиги, "Ислам мамлекети" террордук тобу
Тема боюнча
ЖМКлар: "Ислам мамлекетинин" согушкерлери Пальмира шаарында Бэла Храмын жардырышты
Египетте сот "Ислам мамлекетинин" он эки согушкерин өлүм жазасына тартты

Коронавирустун "британиялык" штаммынын алгачкы сүрөтү алынды

22
(жаңыланган 13:49 25.01.2021)
Микроскоптун жардамы менен алынган вирустун сүрөтү жаңы штаммдын өзгөчөлүктөрүн изилдөө үчүн тартылып алынды.

БИШКЕК, 25-янв. — Sputnik. Роспотребнадзордун окумуштуулары алгычкы ирет микроскоптун жардамы менен коронавирустун жаңы, "британиялык" штаммынын сүрөтүн тартып алды.

"Роспотребнадзордун "Вектор" илимий борбору дүйнөдө алгачкылардан болуп 2020-жылдын декабрында бейтаптан алынган коронавирустун "британиялык" штаммын сүрөткө тартып алды. Микроскоптун жардамы менен алынган вирустун сүрөтү жаңы коронавирустун өзгөчөлүгүн изилдөө үчүн тартылды. Эми анын структурасы, эксперименталдык моделдери изилденет ", — деп айтылат маалыматта.
Первое изображение британского штамма нового коронавируса
Роспотребнадзордун окумуштуулары алгычкы ирет микроскоптун жардамы менен коронавирустун жаңы, "британиялык" штаммынын сүрөтүн тартып алды

Роспотребнадзордун институттары тарабынан иштелип чыгып, Россияда катталган ПЦР-тесттер вирустун британиялык вариантын ишенимдүү аныктай алары белгиленет. Ал эми мекеменин Борбордук эпидемиология илим-изилдөө институтунун тест-системасы вирусту мутант эмес формалардан айырмалоого жөндөмдүү.

"Коронавирустун "британиялык" штаммына мүнөздүү мутациялар вирустагы протеиндин консервацияланган бөлүкчөсүнө таандык пептиддик антигендерди камтыган "ЭпиВакКорона" вакцинасынын натыйжалуулугуна таасирин тийгизбейт", — деп айтылат билдирүүдө.

Декабрь айынын орто ченинде Улуу Британияда SARS-CoV-2 илдетинин жаңы мутациясын табышкан. Кийинчерээк ал тездик менен тарап жатканы, буга чейинки вируска караганда жугуштуулугу 70 пайызга тез экени маалым болгон. Деген менен адам өлүмү көп катталган учур жок.

22
Белгилер:
Роспотребнадзор, коронавирус, изилдөө, Сүрөт
Тема:
Дүйнөгө жайылган коронавирус
Тема боюнча
Коркуу, тынчсыздануу коронавируска кабылуунун себептеринин бири экени айтылды
Пандемия учурунда балалуу болобуз дегендерге адистин кеңеши
Поезд. Архив

Кыргыз өкмөтү Казакстанга электровоз поезддерин каттатууга камынууда. Долбоор

50
(жаңыланган 12:51 25.01.2021)
"Луговой — Балыкчы темир жол участогун электрлештирүү" долбоору 2023-2025-жылдары ишке ашыруу пландалууда.

БИШКЕК, 25-янв. — Sputnik. Кыргыз өкмөтү темир жол линияларын электрлештирип, Казакстанга кеткен тепловоздорду электровоз поезди менен алмаштырууну пландап жатат. Бул туурасында "2021-2025-жылдарга Кыргыз Республикасында темир жол транспортун өнүктүрүүнүн негизги багыттарын бекитүү жөнүндө" өкмөттүн токтом долбоорунда жазылган.

Луговой — Балыкчы темир жол бөлүгү Кыргызстанды Казакстан жана башка өлкөлөр менен байланыштырган негизги транспорттук артерия болуп саналары белгиленет. Секция бир жолдуу, эксплуатациялык узундугу 321,5 чакырымды түзөт. Анын 60,3 чакырымы Казакстанга, 261,2 чакырымы Кыргызстанга туура келет. Луговой станциясы коңшу өлкөнүн Жамбыл облусунда жайгашкан.

"Луговой — Балыкчы участогун электрлештирүү долбоорун ишке ашыруу темир жол каттамынын мүмкүнчүлүгүн жогорулатууга багытталган. Ошондой эле отунга болгон көз карандылыкты жана айлана-чөйрөнүн булгануусун төмөндөтөт. Электрлештирүүгө жумшалган каражат эксплуатациялык чыгымдарды үнөмдөөнүн эсебинен төлөнөт. Долбоордун техникалык-экономикалык негиздемесин иштеп чыгууга жана темир жол участкасын электрификациялоону ишке ашырууга эл аралык каржы институттарын тартуу пландалууда", — деп жазылат токтом долбоорунда.

Луговой — Балыкчы участогу электр тартууга өткөндө жүк ташуучу, жүргүнчү ташуучу тепловоздор паркы электровоздор менен алмаштырылат.

"Ушуга байланыштуу атмосферага курамында көмүртек кычкылы, азот кычкылы, күкүрт кычкыл газы, көө жана башка зыяндуу заттардын чыгуу массасы 100 пайызга төмөндөйт. Трассанын жогорку курулмасындагы жана жолдогу майдын курамы азаят. Электр тартууга өткөндө ызы-чуунун деңгээли басаңдайт", — деп айтылат.

"Луговой — Балыкчы темир жол участогун электрлештирүү" долбоорун 2023-2025-жылдары ишке ашыруу пландалууда. Техникалык-экономикалык негиздемесин даярдоого каражат булагы табылганы айтылды. Ал эми долбоордун өзүн аткарууга "Кыргыз темир жолу" ишканасынын өздүк каражаты, насыялар жана инвестициялар менен алуу каралган.

50
Белгилер:
темир жол, поезд, тепловоз
Тема боюнча
Мукамбетов: Кытай — Кыргызстан — Өзбекстан темир жолу ЕАЭБде жаңы рынокторду ачат
Кыргызстан — Казакстан — Россия темир жол каттамдарынын графиги түзүлдү