Европалык кеңештин башчысы ЕБдеги миграцияны "кыйроонун башталышы" деп атады

© Sputnik / Алексей Никольский / Медиабанкка өтүүЕвропалык кеңештин башчысы Дональд Туск. Архив
Европалык кеңештин башчысы Дональд Туск. Архив - Sputnik Кыргызстан
Жазылуу
Качкындардын агымы – өз алдынча эле болуп жаткан бир окуя эмес, бул "холокосттон бери биринчи жолу болуп жаткан эң оор кылмышка байланыштуу" адамдар Европага качып жатат деп эсептейт Дональд Туск.

БИШКЕК, 9-сен. — Sputnik. Европалык кеңештин башчысы Дональд Туск континетке Жакынкы Чыгыштан качкындардын көп санда келип жатышын эч нерсеге байланышпаган өз алдынча бир көрүнүш эмес, " кыйроонун башталышы" катары кароого чакырды.

Чечен Республикасынын башчысы Рамзан Кадыров. Архив - Sputnik Кыргызстан
Кадыров ислам өлкөлөрүн кеч боло электе качкындарга жардам берүүгө чакырды
Ал азыр эки күндүк иш сапары менен Израилге аймактын башкы көйгөйлөрүн талкуулаганы келген. Сүйлөшүүдө биринчилерден болуп өз мекениндеги согуштан жана экономикалык каатчылыктан качып, ЕБден баш калка издеп барган жүз миңдеген мигранттардын тагдыры жөнүндө маселе ортого салынды.

"Качкындардын азыркы агымы — башка маселелерге байланышпаган өзүнчө бир окуя эмес. Ал кыйроо башталганын билдирет", — деген Тусктун сөздөрүн аны менен жолуккан Израилдин президенти Реувен Ривлиндин маалымат кызматы келтирет. Европалык кеңештин жетекчиси еврей элинин Египеттеги кулчулуктан качышын билдирген библиянын Эски Заветиндеги сөздү келтирет.

2015-жылдын башынан бери ЕБге 340 миңден ашык мыйзамсыз мигранттар келген, алардын саны күн сайын миңдеп өсүүдө. 

Израилдин бийлиги негизинен коңшулаш Сириядан чыгып жаткан качкындарды кабыл албастыгын күн мурун эле билдирип, өзүнүн кургактагы чек араларын бекемдей турганын жарыялаган. Ошону менен катар, бул өлкөнүн лидерлери дүйнө коомчулугу менен биргеликте миграцияга себеп болуп жаткан социалдык-экономикалык көйгөйлөрдү чечүүгө катышуу чечимин да айткан. 

"Жакынкы Чыгышта жана Африкада радикалдуу исламдын баш көтөрүшү Европаны "холокосттон бери биринчи жолу болуп жаткан эң оор кылмыштан" качып келген адамдарга туш кылды. Биз биргелешип көп нерселерди жасай алабыз деп эсептейм", — деди Туск Израилдин премьер-министри Биньямин Нетаньяху менен жолугушууда.

Жаңылыктар түрмөгү
0