Су-24 учагы. Архив

Россиянын Сириядагы согушкерлерине абадан сокку урушуна батыш аргасыз макул болду

296
(жаңыланган 12:02 01.10.2015)
Батыш өлкөлөрү "Ислам мамлекетине" сокку уруу жөнүндө Россиянын чечимин анчейин эле колдошту. АКШнын мамлекеттик катчысы Россия тарапты Башар Асадды колдоодо этият болууга чакырды.

БИШКЕК, 1-окт. — Sputnik. "Ислам мамлекетине" абадан сокку уруу жөнүндө Россиянын шаршемби күнкү чечими Бириккен улуттар уюму үчүн да эң башкы жаңылык болду. 

Ошого карабай, Батыш өлкөлөрү бул кабарды өтө токтоолук менен кабыл алышты. Албетте, "алардын талаасында" жаңы оюнчунун пайда болушу эч кимисин кубанткан жок. 

Сирия Коопсуздук кеңешинде

Бул маселе негизинен БУУнун Коопсуздук кеңешинде талкууланды. Аймактагы абал олуттуу экенин эске алып, россиялык тарап иш-чарага аталган кеңешке кирбеген көп өлкөлөрдү чакырган. Ошондой эле Европа биримдиги менен ЕККУнун өкүлдөрү да болду. 

Башында АКШнын мамлекеттик катчысы Жон Керринин ордуна катышып отурган Американын БУУдагы туруктуу өкүлү Саманта Пауэрди каралып жаткан маселе анча кызыктырган жок көрүнөт, ал уюлдук телефонуна үңүлүп алып бир нерсе жазып эле отурду. 

Отурумду ачкан РФ ТИМинин башчысы алгач Жакынкы Чыгыш менен Түндүк Африкалагы абалга жалпы баа берди. Лавровдун айтымында, ал жерлерде кырдаал өтөт курч, аны эл аралык коомчулуктун жалпы күчү менен гана жөнгө салууга болот.

"Биз бүгүн копсуздук кеңешине ушундай резолюциянын долбоорун сунуштайбыз. Анда кеңештин мурдагы документтерине таянуу менен, эл аралык ченем-укуктардын негизинде терроризмге каршы теске салынган иш-аракеттер каралган", — деди Лавров.

Ал "Ислам мамлекети" АКШ менен айрым Батыш өлкөлөрү эсептегендей, "Аль-Каиданын" бөлүгү эмес, өз алдынча террористтик топ катары таанып, ага каршы санкцияларды киргизүү керектигин айтты. "Ислам мамлекетин" БУУнун коопсуздук кеңешинин терроризмге каршы санкциялык тизмесине өз алдынча бирдик катары киргизүү керек деп эсептейбиз. Бул айдан ачык маселенин чечилишин кечеңдетүү биздин уюмдун терроризмге каршы аракеттерин артка тартууда", — деди россиялык министр.

"Ислам мамлекети", чет элдик согушкерлер ж.б. жөнүндө кеп кылып жатып, Лавров тек гана сөз арасында: "30-сентябрда Сирия жетекчилигинин кайрылуусуна байланыштуу президент Владимир Путин РФтин куралдуу күчтөрүн Сирияда колдонууга уруксат сурап Федерациялык кеңешке кайрылып, анын макулдугун алды", — деп кошуп кетти. 

"Биз бул тууралуу АКШга жана башка ал түзгөн коалиция мүчөлөрүнө кабар бердик, ошондой эле террористтик топторго каршы күрөш мүмкүн болушунча натыйжалуу жүрүшү үчүн туруктуу байланыш каналдарын орнотууга даярбыз", — деп кошумчалады ал.

Батыш макул, бирок кооптонуп да турат

Лавровдун батыштагы кесиптештери бул кабарга эки анжы мамиледе болушту. Кыязы, алар Россиянын Сирияда аскердик катышуусун жактырбайт, бирок буга каршы орчундуу себеп табууга үлгүрбөй калышты көрүнөт. Ошондуктан, аргасыз ооз учунан макулдугун беришти.

Кечирээк келген Керри, мисалы, Россия башка максаттарды көздөбөстөн, чындап эле "Ислам мамлекетине" каршы тургусу келип жатат чыгар деген үмүтүн билдирди. "Эгер Россиянын акыркы аракеттери бул террордук уюмду жеңели деген чыныгы ниетин билдирсе, АКШ террористтик топторго, айрыкча, "Аль-Каидага" "Жебхат-ан-Нусрага" каршы чын дилден жасалган бардык аракеттерди колдойт", — деди ал. 

Ошону менен катар, ал Россия тарапты президент Башар Асадды колдоодон сак болууга чакырды. "Сириядагы жарандык согушка жоопту Асад менен аскердик шериктештик аркылуу табуу мүмкүн эмес. Бирок мен бийликти саясий жол менен өткөрүп берүү жөнүндө дипломатиялык демилгелер аркылуу жолун табууга болот деп ишенем", — деди Керри. 

Ал эми Улуу Британиянын ТИМ башчысы Филип Хаммонд: Россиянын "Ислам мамлекетине" каршы күч колдонуу ниетин жактыра турганын айтып, бирок: "Ислам мамлекетине" каршы күрөшүп жатып, ошол эле күчтөр менен Асадга каршы турган орто маанайдагы оппозицияга кол салуу мүмкүн болбойт. Ачыгын айтканда, Сириядагы азыркы бийликти колдоо менен ИМге каршы натыйжалуу күрөштү айкаштыруу мүмкүн эмес. Бул моралдык эмес, прагматикалык баа", — деди ал.

Француз дипломатиясынын жетекчиси Лоран Фабиус да Коопсуздук кеңешинде сүйлөп жатып, ашыкча кубанычын билдире алган жок. "Абадан соккулар чынында эле террористтерге каршы багытталганын текшеришибиз керек. Эгер ошондой болсо, биз колдойбуз", — деди ал.

Россия менен АКШ өз ара байланышта болот

Сирияда окуялардын мындан аркы өрчүшүн Россия менен АКШнын эки тараптуу байланышы аныктай турганы айкын. Бул боюнча дипломатиялык чоң иш жүргүзүлдү. "Президенттер Путин менен Обаманын жолугушуусу көрсөткөндөй, эки тарап тең тыгыз кызматташтык керек экенин түшүнөт. Бул Сирия маселесине да тийиштүү", — деди күн жыйынтыгы боюнча Лавров.

Керринин айтымында болсо, Москва менен Вашингтондун айрым бир жалпы көз караштары бар. "Сирия демократиялык, бирдиктүү жана светтик өлкө бойдон калышы үчүн бардык аракеттерди көрүш керектигин биз түшүнөбүз. Бул боюнча макулдашууларга жетиштик. Ушул багытта иштеп, өз ара байланышта болобуз", — деди ал.

Бирок бардык пункттар боюнча макулдашты деп айтууга болбойт. "Биз саясий процессти турукташтыруу кадамдарын талкууладык жана Сирия бардык дин өкүлдөрүнүн укуктары урматталып, мамлекет тарабынан кепилдене турган коопсуз өлкө болсо деген бир ойдобуз. Бирок ушул эле маселелердин майда-чүйдөсүнө келгенде, пикир келишпестиктер бар", — деди Лавров.

Асаддын атаандаштарына каршы сокку урулбайбы деген Батыштын кооптонуусуна Лавров: "Биздин аскердик аба күчтөр Сирияда өкмөттүк күчтөр менен байланышып, ИМге тиешелүү маселелер боюнча гана иштейт", — деп жооп берди.

Ошону менен катар ал Россияга кайсы бир күнөө коюда же АКШ, же анын шериктештери бир да далил келтире алышпайт деп кошумчалады. "Биздин америкалык өнөктөштөр максатыңар башка, бизде далил бар демиш эле болот. Бирок биз далилиңерди көрсөткүлө десек эле эч нерсе жок болуп чыга келет. Ал эми биз өз максаттарыбыз үчүн толук жооп бере алабыз. Дагы бир жолу кайталайм. Коргоо министрлигинин сайтында баары түшүндүрүлгөн. Соккулардын кесепетинен кайсы бир аскер эмес, жарандар жабыркады деген кептер башталды, бизде мындай маалымат жок. Соккулар террористтердин турган жерлерине, алардын объектилери менен куралдуу күчтөрүнө гана каршы так, даректүү урулушуна биз өтө кылдат көз салабыз", — деп сөзүн аяктады Лавров.

Мурдараак РФ ТИМинин расмий өкүлү Мария Захарова Сирияда Россиянын аба күчтөрүнун соккусунан карапайым элдин арасында курман болгондор бар деген билдирүүнү бул тек гана маалыматтык согуштун бир бөлүгү деп атаган. Россиялык авиация Хомс аймагында сокку урду деген расмий маалымат жок. Анан калса, шаршембиде АКШ баштаган коалициянын күчү да Сирияда ИМге каршы абадан сокку урганы белгилүү. Ошону менен катар Пентагондун башчысы Эштон Картер россиялык соккулар карапайым элди өлүмгө дуушар кылды деген сириялык оппозициянын билдирүүлөрүн ырастаган жок. Ал эми Россиянын Коргоо министрлиги шаршемби күнү орус учактары Сириядагы жарандык инфраструктура объктилерине жана аларга жакын жерлерге эч сокку урбаганын, ал эми ИМдин жайгашкан жерлерине аба чалгыны жүргүзүлүп, сириялык аскер штабынан алынган маалымат такталгандан кийин гана бомба ташталганын билдирди. 

296
Белгилер:
Сирия, Сергей Лавров, Башар Асад, Жон Керри, ТИМ, Коопсуздук кеңеши, эл, коалиция, аскердик аба күчтөрү
Тема:
Россиянын аскердик аба күчтөрүнүн чет жакта колдонулушу (26)
Тема боюнча
Асаддын токтоосуз кетиши Сирияны кыйроого учуратарына АКШнын көзү эми жетти
Путин менен Обама Сирия жана Украинанын көйгөйлөрүн талкуулашты
Медициналык кызматкерлер бейтап менен ооруканада. Архив

Инфекционист: COVID-19дун жаңы штаммдары мурункудан жеңил болбойт

27
(жаңыланган 11:06 28.10.2021)
Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

БИШКЕК, 28-окт. — Sputnik. Коронавирустун "дельта" штаммынын AY.4.2 деп аталган жаңы варианты өтө жугуштуу жана оор формада өтүшү мүмкүн. Бул тууралуу РИА Новости агенттигине инфекционист Андрей Поздняков билдирди.

"Бул "дельта" штаммынын бир түрү болуп жаткандан кийин аны жеңил өтөт жана көп жукпайт деп ойлобошубуз керек. Байкоолорубузга караганда, бул вариантка кабылган бир киши 9 адамга вирус жугузушу мүмкүн. Ал эми "дельта" штаммы өзү бир оорулуудан сегиз адамга жугат. Эң алгачкы Ухань штаммы орто эсеп менен үч кишиге жукчу", — деди Поздняков.

Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

Эске салсак, Улуу Британиядагы Сенгер жана Кембридж окуу жайларынын окумуштуулары "дельта" штаммынын 10-15 пайызга көбүрөөк жуккан AY.4.2 варианты чыкканын айтышкан. Россияда вирустун бул варианты азырынча үч кишиден табылды. Ошол эле учурда адис Россияда коронавируска каршы колдонулуп жаткан вакциналардын күчү AY.4.2 вариантына дагы жетерин билдирүүдө.

Буга чейин Роспотребнадзор мекемесинин адистери изилдөө иштери аягына чыга электигине байланыштуу "дельта" штаммынын жаңы варианты өтө кооптуу деп айтууга эрте экенин билдиришкен.

27
Тема:
Дүйнөгө жайылган коронавирус
Тема боюнча
Коронавирус дагы үч адамдын өмүрүн алды, 124ү жаңы жуктурду
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

67
(жаңыланган 09:57 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

67
Белгилер:
ден соолук, азык, дарыгер, кеңеш, колбаса, зыяндуу, банан, пайдалуу
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер пиязды ашыкча колдонуунун кесепетин айтты
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: өспүрүмдөр арасында кылмыштуулук өсүүдө

0
Ички иштер министрлигинин тергөө кызматынын улук тергөөчүсү Азамат Дүйшөналиев өспүрүмдөр арасында кылмыштуулукка өп-чап турмуш себеп экенин айтты.

Социалдык жактан жакыр үй-бүлөдө жашаган балдар арасында кылмыштуулук көп катталууда. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: өспүрүмдөр арасында кылмыштуулук өсүүдө

Анын айтымында, социалдык көйгөйлөргө байланыштуу окуусун таштап, үй-бүлөсүнө акча табуу максатында түрдүү кылмышка баргандар арбып барат.

"Буга социалдык көйгөйлөр себеп болууда. Үй-бүлөдөгү акыбал, акчанын жетишпестиги негиз болуп, окуусун таштап, башка жумуштарда иштеп, түрдүү кылмыштарга барып жатышат. Үйүнөн качып кеткен учурлар да катталууда. Калктуу аймак болгон Бишкек жана Чүй облусунда кылмыш фактылары көп. Алардын көбү майда кылмыштар", — деди Дүйшөналиев.

Ошондой эле адис кылмыштуулукту алдын алуу үчүн мектептерде жаш өспүрүмдөр менен иштөө инспекторлору байма-бай каттап, окууларды өткөрүп жаткандыгын кошумчалады.

0
Белгилер:
Азамат Дүйшөналиев, мыйзам, тергөө, ИИМ
Тема боюнча
ИИМ экономикалык кылмыштар боюнча башкармалык түзүү зарылчылыгын айтты