Беш күндүн ичинде жүзгө жакын качкындын жансыз денеси Ливиянын жээктерине чыгып калган

© AFP / ARIS MESSINIS Сириялык качкын балдар. Архив
Сириялык качкын балдар. Архив - Sputnik Кыргызстан
Жазылуу
Кызыл Жарым айдын өкүлү Мохамед аль-Масратинин айтымында, каза болгондордун көпчүлүгү Европага өтүп кетүүгө аракет кылган африкалык качкындар болчу.

БИШКЕК, 5-окт. — Sputnik. Мекенин таштап качууга аргасыз болгон 95 адамдын сөөгү акыркы беш күн ичинде Ливиянын жээктеринде табылганын Кызыл Жарым айдын кызматкерлерине таянуу менен Press TV телеканалы билдирди.

Кызыл Жарым айдын өкүлү Мохамед аль-Масрати 85 сөөк Ливиянын борбору Триполи шаарынан алыс эмес жерден, ал эми дагы ону анын батыш тарабындагы Сабрата шаарына жакын аймактан табылганын айтат.

Согуш чыр-чатактарынан улам Европаны көздөй качкан бозгундардын саны көбөйүүдө
Аль-Масратинин маалыматы боюнча, каза болгондордун көбү Африканын башка өлкөлөрүнөн Ливия аркылуу Европага жетүүгө аракеттенген адамдар.

Европаны карай бозгундардын агымы күч алгандан бери Ливия, Греция жана Түркия өлкөлөрүнүн жээктерине сууга чөгүп кеткендердин сөөктөрү көп чыгууда деп кошумчалайт телеканал.

Миграция боюнча эл аралык агенттиктин маалыматына ылайык, Европага Италия жана Греция аркылуу деңиз менен келген Жакынкы Чыгыштын качкындары жарым миллиондон ашты. Алардын саны азыр 522 миң 134 адамга жеткен.

Жаңылыктар түрмөгү
0