Вашингтон шаарындагы ак-үй. Архив

АКШ Сирияда учактар кирбей турган аймакты аныктоо РФ менен суук селки кылат деп коркот

128
(жаңыланган 13:40 08.10.2015)
Ак үйдүн өкүлү Россиянын учактары барып жаткан Сириянын жерлеринде учууга тыюу салынган аймактарды белгилөө Москва менен келишпестиктерди жаратат деди.

БИШКЕК, 8-окт. — Sputnik. Азыркы учурда АКШ Сирияда учууга тыюу салынган аймактарды түзүү маселесин карабай жатканына себептердин бири Россия менен түз чырдашып кетүү коркунучу эсептелет деп билдирди шаршембиде Ак үйдүн расмий өкүлү Жош Эрнест.

"Мындай аймактарды түзүүнү биз азыр карай элекпиз. Бул маселенин каралар-каралбасын өзүңөр ойлонуп көргүлө", — деди ал. 

Мындай аймактарды түзүүнү колдоочуларга Эрнест алгач "алар кайсы жерде болушу керек деген башкы суроого жооп берүүнү" кеңеш кылды. 

"Түркиядагы биздин шериктештер баш болгон айрым тараптар түрк чек арасын бойлото ушундай учуусуз тилкелерди, айрыкча, Сириянын түндүк жана түндүк-чыгыш бөлүгүндө түзүүнү сунуш кылышкан. Башкалар болсо мындай зонаны Асад менен оппозициянын кагышуулары уланып жаткан өлкөнүн батыш тарабында түзүүнү колдойт", — деди Эрнест.

Ал мындай аймактарды кантип түзүү боюнча суроонун олуттуу экендигин айтты. 

"Эгер аны Дамаскка жана Идлиб провинциясына жакын түзсөңөр, ал тараптарда орустардын учактары жүргөндүктөн, Россия менен чатакташып кетишиңер мүмкүн", — деди Ак үйдүн өкүлү.

Ошону менен катар, мындай кадам "ири ресурстарды талап кыларын", атап айтканда, "ал аймактарды кайтара турган көп сандагы учактар жана аскерлер, техникалык кызматкерлер, өзгөчө кырдаал жаралса, тез чара көрө турган издеп жана куткара турган бригадалар" керек болорун айтты Эрнест.

"Андан тышкары, АКШнын Коргоо министрлиги Сирияда коргонуу системасы өнүккөн экендигин билдирген. Ошон үчүн бул өлкөдө учууга тыюу салынган аймактарды түзсөңөр, дал ошол системаларга туш болушуңар толук мүмкүн", — деп кошумчалады Эрнест.

Владимир Путиндин Россиянын аскердик аба күчтөрүн чет мамлекетте колдонууга уруксат берүү өтүнүчүн Федерациялык Кеңеш колдоп берген. Россиянын Коргоо министрлиги билдиргендей, өлкөнүн аскердик аба күчтөрү Сирияда "Ислам мамлекети" тобунун жайгашкан жерлерине абадан даректүү сокку уруу менен операцияларды баштаган. Россия Башар Асаддын жардам берүү өтүнүчүн аткаруу менен террористтерге каршы авиацияны гана колдоно турганын мурдараак Кремлдин администрация башчысы Сергей Иванов билдирген.

128
Белгилер:
Россия, Сирия, АКШ, Башар Асад, учак
Тема боюнча
Welt Сирия жөнүндө:алсыраган Европа биримдиги дүйнөгө өз шарттарын таңуулай албайт
CNN Россия Сирияда кургактагы операцияга даярданууда деп билдирди
Кыз төшөктө отурат. Иллюстративдик сүрөт

Жакшы жатып жай туруу үчүн эмне жеш керектиги айтылды

28
Ал азыкта уйкунун сапатын жакшырткан триптофан бар. Бул организмге эң негизги эки гормонду — серотонин менен мелатонинди иштеп чыгуу үчүн керек.

БИШКЕК, 28-окт. — Sputnik. Жер жаңгак майы жатар алдында жей турчу пайдалуу азыктардын бири. Бул тууралуу Америкалык диетологдор ассоциациясына шилтеме берип "Известия" жазды.

Жер жаңгак пастасында пайдалуу майлар менен белок бар, алар түнү бою курсакты ток кармайт. Диетологдор бул азыктын эки чай кашыгы эле 7 грамм белок менен 15 грамм пайдалуу май камтый турганын белгилеген.

Изилдөөлөр боюнча жер жаңгактын өзү жаман холестерин менен күрөшүп, жүрөк-кан тамыр ооруларын алдын алат. Ошондой эле Е витамини бар, ал организмде аз болсо уйку начарлайт.

"Жер жаңгакта уйкунун сапатын жакшырткан триптофан бар. Ал организмге эң негизги эки гормонду — серотонин менен мелатонинди иштеп чыгуу үчүн керек", — деген диетолог.

Мындан сырткары, темир, марганец, фосфор жана магний минералдарына бай.

28
Белгилер:
жаңгак, май, уйку, диетолог
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер күздөгү уйку басууну кантип жеңсе болорун айтып берди
Медициналык кызматкер бейтаптын мээсинин активдүүлүгүн көрсөтүп жатат. Архив

Эксперт COVID-19 менен Альцгеймер илдетинин байланышын атап берди

23
Альцгеймер илдетинин белгилери адатта 45 жаштан тарта байкала баштары, адам турмушта өтө унутчаак болуп, маалыматтарды кабыл алышы кыйындары айтылып келет.

БИШКЕК, 28-окт. – Sputnik. Коронавирус инфекциясы Альцгеймер оорусунун башталып кетишине себепкер болушу мүмкүн экендигин Пирогов атындагы Россиялык медициналык илим изилдөө боюнча университеттин Нейрогериатрия жана когнитивдик залалдар боюнча лабораториянын жетекчиси Элен Мхитаряндын айтканына таянып РИА Новости жазды.

"Эгерде бейтапта буга чейин азганактай гана өзгөрүүлөр байкалса, оорунун өрчүп кетишине түрткү болгон фактор жетиштүү. Мындай учурда коронавирус ошол фактордун кызматын аткарып калат... Америкада изилдөө жасалып, 2020-жылы 42 миң адам Альцгеймер илдетинен көз жумганы белгилүү болду. Бул жыл сайын кездешкен көрүнүштөн алда канча көп катталган. Аталган оору табылган бейтаптардын саны коронавирус доорунан кийин кескин түрдө, тагыраагы, эки эсеге өсүп кеткен", – деген Мхитарян "COVID-19дан соң адамдын кайрадан калыбына келиши. Оорудан кийинки реабилитацияны кантип туура жүргүзүү керек?" деп аталган жыйында.

Ал коронавирус Альцгеймер оорусун пайда кылбай тургандыгын, бирок аны ойгото турган факторлордон болуп калышы мүмкүндүгүн айткан. Мхитарян COVID-19дан кийин кишиде кандайдыр бир белгилер байкалса, токтоосуз дарыгерге кайрылуу зарылдыгын эскерткен.

Альцгеймер оорусу — эс тутумдун бузулушу, жүрүм-турумдун өзгөрүшү жана интеллектинин прогрессивдүү түрдө төмөндөшү менен мүнөздөлгөн борбордук нерв системасынын дегенеративдүү илдети.

Буга чейин дарыгер-психиатр Музурхат Курманалиев Альцгеймер илдетинин белгилерин санап берген.

Бул оорунун белгилери адатта 45 жаштан тарта байкала баштайт. Алсак, адамдын кулк-мүнөзү, жүрүм-туруму өзгөрөт. Индивидуалдык сапаттар өтө курч, рельефтүү, даана көрүнөт. Мисалы, мурда активдүү, шаңдуу жүргөн адам оорудан улам андан бетер шайыр болуп калат. Көпчүлүктүн арасында тамашалашканда анысы башкаларга өөн, өтө орой болуп, иренжитип же уялтып коюшу мүмкүн. Айрым адамдар жаш кезинде лидер болсо, кийин кеп-сөзгө келбей калат. Бул нерсе жакын туугандарына мүнөзү бузулуп баштагандай көрүнөт. Бара-бара оору экени анык билине баштайт. Андан тышкары, эске тутуусу начарлайт. Адам турмушта өтө унутчаак болуп, маалыматтарды кабыл алышы кыйындары айтылган.

23
Тема:
Дүйнөгө жайылган коронавирус
Тема боюнча
Диетолог адамдын мээсин жабырката турган азык туурасында айтып берди