Кытай жаштарынын үчтөн бири тамеки чегүүдөн өлүшү мүмкүндүгүн окумуштуулар айтууда

Жазылуу
Ири иликтөө көрсөткөндөй, алдыдагы жыйырма жылда Кытайдагы жаштардын үчтөн бир бөлүгү өпкөнүн рагы сыяктуу тамеки чегүүдөн улам чыккан оорулардан өлүшү мүмкүн.

БИШКЕК, 10-окт. — Sputnik. 2030-жылга карата Кытайдагы жаштардын үчтөн бир бөлүгү тамеки чегүүдөн келип чыгуучу дем алуу органдарынын рагына чалдыгып, бул дүйнө менен кош айтышарын The Lancet журналы жазып чыкты. 

"Бүгүнкү күнү кытайлык жаштардын үчтөн бир бөлүгү тамеки чегет. Көпчүлүгү 20 жашка чыга электе тамекини колуна алат. Эгер алар бул терс адатын өз убагында токтотпосо, дем алуу органдарынын жабыркашынан улам алардын жарымы бул дүйнө менен кош айтышат", — дейт Оксфорд университетинин окутуучусу Чжэнмин Чен (Zhengming Chen). 

Мындай жыйынтыкка илимий топ акыркы жыйырма жыл ичиндеги 750 миңден ашык кытайлык жаштар тууралуу маалыматтарды анализдеп чыккандан кийин келишкен.

Окумуштуулардын эсептөөлөрүнө ылайык, учурда 40 жаштан 80 жашка чейинки кытайлыктардын төрттөн бири өпкөнүн рагы жана дем алуу органдарынын дартынан улам каза болот. Жыйырма жыл мурда бул көрсөткүч 10 пайызга төмөн болчу.

Жаңылыктар түрмөгү
0